ພໍ່ແມ່ມີລູກສອງຄົນ ລ້ຽງລູກບໍ່ໄຫວຟ້ອງສານບັງຄັບໃຫ້ລູກສາວຜູ້ກົກຮັບຜິດຊອບຊີວິດນ້ອງແທນ

ພໍ່ແມ່ມີລູກສອງຄົນ ລ້ຽງລູກບໍ່ໄຫວຟ້ອງສານບັງຄັບໃຫ້ລູກສາວຜູ້ກົກຮັບຜິດຊອບຊີວິດນ້ອງແທນ ເລື່ອງລາວຄະດີຄວາມທີ່ເກີດຂຶ້ນພາຍໃນປະເທດຈີນແລະກຳລັງເປັນເລື່ອງທີ່ຄົນເວົ້າຮອດກັນຫຼາຍໃນໂຊຊຽວມິເດຍ ເກີດຂຶ້ນຫຼັງຈາກທີ່ຄູ່ພໍ່ແມ່ຄູ່ໜຶ່ງໄດ້ຟ້ອງຮ້ອງຕໍ່ສານ ໂດຍມີລູກສາວກົກເປັນຝ່າຍຖືກສານບັງຄັບໃຫ້ລ້ຽງດູນ້ອງຊາຍຫຼ້າ ເນື່ອງຈາກພໍ່ແມ່ລ້ຽງຕໍ່ໄປບໍ່ໄຫວແລ້ວ.

ລູກສາວກົກອາຍຸ 22ປີ ມີນາມວ່າ Le Le ບໍ່ໄດ້ມີຊີວິດທີ່ສວຍງາມ ນາງພະຍາຍາມຫາເງິນສົ່ງໂຕເອງຮຽນຈົນຈົບແລະກຳລັງຢູ່ໃນຊ່ວງຊອກຫາວຽກງານທຳຕາມຄວາມຝັນຂອງນາງເອງ ແຕ່ແລ້ວຝັນນັ້ນກໍ່ຕ້ອງຢຸດລົງດ້ວຍວຽກທີ່ພໍ່ກັບແມ່ມອບໝາຍໃຫ້ນັ້ນກໍ່ຄື ການໃຫ້ລ້ຽງດູນ້ອງຊາຍຫຼ້າແລະເມື່ອຝັ່ງລູກສາວເອງປະຕິເສດທີ່ຈະໃຫ້ການລ້ຽງດູ ທາງພໍ່ແມ່ຈຶ່ງຟ້ອງຮ້ອງຕໍ່ສານ.
ແລະສິ່ງທີ່ບໍ່ຄິດກໍ່ເກີດຂຶ້ນ ເມື່ອສານຕັດສິນໃຫ້ລູກສາວໄວ22ປີບໍ່ຊະນະຄະດີນີ້ ແລະຖືກສານສັ່ງໃຫ້ລ້ຽງດູຮັບຜິດຊອບຊີວິດນ້ອງຊາຍໄວ 2ປີ.

ໂດຍອ້າງອີງຕາມມາດຕາ 29 ຂອງກົດໝາຍການແຕ່ງງານຂອງສາທາລະນະລັດປະຊາຊົນຈີນ ຜູ້ໃຫ່ຍທີ່ພໍ່ແມ່ເສຍຊີວິດຫຼືບໍ່ສາມາດດູແລເບີ່ງແຍງເດັກທີ່ຍັງບໍ່ບັນລຸນິຕິພາວະ ຈະຕ້ອງມີພາລະໜ້າທີ່ໃນການເບິ່ງແຍງດູແລພີ່ນ້ອງຂອງຕົນ.
ອ້າງອີງຈາກເວັບໄຊຕ໌ສຳນັກຂ່າວຈີນ Two Eggz ລະບຸວ່າຕັ້ງແຕປະເທດຈີນປະກາດຍົກເລີກນະໂຍບາຍຫ້າມມີລູກສອງຄົນມານັ້ນ ພໍ່ແມ່ຫຼາຍຄູ່ກໍ່ມີລູກເພີ່ມຫຼາຍຄົນ ໂດຍບໍ່ຄຳນຶງເຖິງຄວາມສາມາດໃນການລ້ຽງດູຂອງໂຕເອງເລີຍ

Facebook Comments