ຈີນ-ອິນເດຍ ເປີດສາກຍິງປືນຂຶ້ນຟ້າຢູ່ບໍລິເວນຊາຍແດນ ເຊິ່ງຕ່າງຝ່າຍຕ່າງອອກມາໂທດກັນໄປມາ

ມີຂ່າວອອກມາວ່າເຂດບໍລິເວນຊານແດນ ຈີນ-ອິນເດຍ ມີສຽງປຶນດັງຂຶ້ນຢ່າງສະນັ່ນຫວັນໄຫວ ຈົນເຮັດໃຫ້ຫຼາຍຝ່າຍທີ່ເຝົ້າຕິດຕາມສັງເກດການເກີດຄວາມລະແວງຂຶ້ນວ່າ ຈີນ-ອິນເດຍ ຈະເປີດສາກຮົບກັນແທ້ດ້ວຍອາວຸດສົງຄາ ມໃສ່ກັນ.

ລ້າສຸດຈາກເຫດການທີ່ເກີດຂຶ້ນທາງໂຄສົກຂອງລັດຖະບານຈີນກໍ່ໄດ້ອອກມາຖະແຫຼງຂ່າວທັນທີ່ ໂດຍຊີ້ແຈງວ່າ “ທະຫານອິນເດຍໄດ້ພະຍາຍາມບຸກເຂົ້າມາໃນເຂດແດນຂອງຈີນ ແລ້ວກໍ່ມີຄວາມພະຍາຍາມຍິງປືນຂູ່ທະຫານຂອງຈີນ” ພາຍຫຼັງທີ່ໂຄສົກຂອງລັດຖະບານຈີນອອກມາທະແຫຼງຂ່າວ, ທາງການອິນເດຍກໍ່ໄດ້ອອກມາປະຕິເສດທັນທີວ່າ “ທາງອິນເດຍຍັງບໍ່ໄດ້ລໍ້າ ຫຼື ຍິງປືນເຂົ້າໄປແຕ່ຢ່າງໃດ, ມີແຕ່ທາງຝ່າຍຈີນຍິງປືນຂຶ້ນຟ້າ ເພື່ອຂົ່ມຂູ່ອິນເດຍກ່ອນ”.

“ທາງອິນເດຍຢໍ້າວ່າ ອິນເດຍບໍ່ໄດ້ມີເຈດຕະນາ ຫຼື ສະແດງອອກໃນການຈະລໍ້າເຂດແດນໃດໆຂອງຈີນ, ບໍ່ເຄີຍທີ່ຈະປີ່ນປືນໄປຫາທະຫານຈີນ, ແຕ່ຢູ່ໆທະຫານຈີນກໍ່ຍິງປືນຂຶ້ນຟ້າໄປຫຼາຍນັດ ສ້າງຄວາມຕົກໃຈໃຫ້ທະຫານອິນເດຍຢ່າງຮຸນແຮງ”.

Facebook Comments