ເມົາຄ້າງມາທາງນີ້ເລີຍເຮົາມີວິທີງ່າຍໆມານຳສະເໜີ 06ວິທີແກ້ເມົາຄ້າງ

ເມົາຄ້າງເກີດຂຶ້ນເພາະ ເຮົາດື່ມເຄື່ອງດື່ມທີ່ມີແອລກໍຮໍຫຼາຍເກີນໄປຫຼັງຈາກນັ້ນຮ່າງກາຍກໍ່ຈະສະແດງປະຕິກິລິຍາຕໍ່ຕ້ານແອລກໍຮໍຂຶ້ນມາ ເຊິ່ງມີລະດັບຄວາມຮຸນແຮງແຕກຕ່າງກັນໄປຕາມສະພາບຮ່າງກາຍ.ອາການໄດ້ແກ່ ອາການຂາດນ້ຳປວດຫົວຫງຸດຫງິດ ປວດຮາກ ອາຈຽນ ອ່ອນເພຍບາງຄົນນອນບໍ່ຫຼັບລິ້ນຂາດລົດສຳຜັດ ຂົມປາກຂົມຄໍ ມື້ນີ້ເຮົາມີວິທີແກ້ເມົາຄ້າງມານຳສະເໜີ

ກາເຟດຳ: ອາເມລິກາໂນ່ຮ້ອນໆຈັກແກ້ວ ຊ່ວຍແກ້ເມົາຄ້າງໄດ້ດີຂຶ້ນຫຼາຍ ກາເຟອິນໃນກາເຟຈະຊ່ວຍກະຕຸ້ນທ່ານໃຫ້ຟື້ນຈາກອາການມຶນຫົວ ແລະ ຂັບຖ່າຍປັດສະວະ ເຮັດໃຫ້ແອລກໍຮໍອອກຈາກຮ່າງກາຍ
ໄຂ່ຕົ້ມເຂົ້າໜົມປັງກັບນ້ຳສົ້ມເຢັນໆ: ຕື່ນມາຮອງທ້ອງດ້ວຍໄຂ່ຕົ້ມທີ່ມີໂປຣຕີນຊ່ວຍການດັກຈັບສານພິດ ເຂົ້າໜົມປັງຕົວຊ່ວຍດູດຊັບສານພິດແລະປ້ອງກັນການອາຈຽນ ຕາມດ້ວຍນ້ຳສົ້ມເຢັນໆເພາະວິຕາມິນຊີໃນນ້ຳສົ້ມຈະຊ່ວຍຫຼຸດການວິນຫົວ ແກ້ການເມົາຄ້າງແລະຊົດເຊີຍພາວະຂາດນ້ຳຫຼັງຈາກການດື່ມໜັກອີກດ້ວຍ

ນ້ຳໝາກນາວປະສົມນ້ຳອຸ່ນຫຼືນ້ຳເຜິ້ງ:ກໍ່ສາມາດຊ່ວຍແກ້ອາການເມົາຄ້າງໄດ້ຄືກັນ ແລະ ເປັນທີ່ນິຍົມຂອງຄົນທົ່ວໄປ ແຖມຍັງຊ່ວຍຫຼຸດປະລິມານສານຕົກຄ້າງໃນຕັບໄດ້ອີກດ້ວຍ
ນ້ຳເກືອແຮ່: ເມື່ອຮ່າງກາຍສູນເສຍນ້ຳໄປຫຼາຍ ສາຍປາຕີ່ຄວນມີນ້ຳເກືອແຮ່ຊະນິດລະລາຍນ້ຳໄວ້ເປັນຕົວຟື້ນຟູອາການຂາດນ້ຳແລະເຕີມນ້ຳໃຫ້ຮ່າງກາຍຢ່າງຕໍ່ເນື່ອງແລະເຮັດໃຫ້ລະບົບຕ່າງໆຂອງຮ່າງກາຍເຮັດວຽກໄດ້ດີຂຶ້ນ
ນ້ຳຂິງ: ເຄື່ອງດື່ມສະໝຸນໄພກໍ່ຊ່ວຍແກ້ເມົາຄ້າງໄດ້ຢ່າງດີ ນ້ຳຂິງຈະຊ່ວຍຟື້ນຟູຮ່າງກາຍລະບົບຫາຍໃຈແລະປ້ອງກັນອາການເຈັບຫົວ ແລະ ຍັງເປັນໂຕຊ່ວຍຂັບແອລກໍຮໍມາທາງລະບົບຂັບຖ່າຍໄດ້ເປັນຢ່າງດີ
ກ້ວຍຫອມ: ໂພເທສຊຽມໃນກ້ວຍຫອມຈະຊ່ວຍປ້ອງກັນການຂາດນ້ຳແລະເຄືອບກະເພາະໄປໃນຕົວເລີຍ ເຮັດໃຫ້ຮ່າງກາຍດູດຊຶມແອລກໍຮໍໄດ້ນ້ອຍແລະຂັບອອກມາໄວຂຶ້ນ
ແຕ່ລະວິທີອາດໄດ້ຜົນທີ່ແຕກຕ່າງກັນໄປ ຂຶ້ນຢູ່ກັບຮ່າງກາຍຂອງແຕ່ລະຄົນ ຢ່າງໃດກໍ່ຕາມຄວນດື່ມໃຫ້ພໍເໝາະສົມເພື່ອຮັກສາສຸຂະພາບຂອງຕົນດ້ວຍແລະທີ່ສຳຄັນຄື ເມົາບໍ່ຂັບ

Facebook Comments