ໂຄງການກໍ່ສ້າງເສັ້ນທາງເລກທີ 11ຕອນເຫນືອ

417

ໂຄງການກໍ່ສ້າງເສັ້ນທາງເລກທີ 11ຕອນເຫນືອເລີ້ມແຕ່ຂົວນໍ້າສັງ ຫາ ບ້ານຄົກເຂົາດໍ (ຂົວຂ້າມນໍ້າຂອງ ແຂວງໄຊຍະບູລີ)ລວງຍາວທັງຫມົດ 122ກມ

ຄວາມກວ້າງຫນ້າທາງແບ່ງອອກເປັນ 2ເຂດ ເຂດທົ່ງພຽງກວ້າງ 10ມ ແລະເຂດພູສູງຊັນ ກວ້າງ 11.25ມ

ເປັນເສັ້ນທາງເຊື່ອມຕໍ່ລະຫວ່າງ ນະຄອນຫລວງ-ແຂວງວຽງຈັນ-(ຂົວຂ້າມນໍ້າຂອງ)ແຂວງໄຊຍະບູລີ

ທ່ານວັນທອງ ພົນລະລີ ຄະນະໂຄງການ(ສັງກັດ ຂະແຫນງຂົວທາງ ພະແນກ ຍທຂ ນວ)ໄດ້ໃຫ້ສຳພາດກັບທີມງານຂອງພວກເຮົາວ່າ ໂຄງການກໍ່ສ້າງເສັ້ນທາງດັງກ່າວ ແມ່ນກຳລັງຈັດຕັ້ງປະຕິບັດ (ປະຕິບັດໄດ້ 58%) ຈະສຳເລັດໃນທ້າຍປີ 2022ຕາມສັນຍາ ແລະ ຢູ່ໃນຊ່ວງໄລຍະການກໍ່ສ້າງນີ້ແມ່ນມີທັງຂໍ້ສະດວກແລະຫຍຸ້ງຍາກໃນການກໍ່ສ້າງ

(ອີງໃສ່ບັນຫາສະພາບການແຜ່ລະບາດຂອງພະຍາດໂຄວິດ) ເພື່ອໃຫ້ບັນລຸເປົ້າຫມາຍປະຕິບັດໃຫ້ໄດ້ຕາມແຜນທີ່ກຳນົດໄວ້ ທາງຄະນະໂຄງການໄດ້ເອົາໃຈໃສ່ຕິດຕາມວຽກງານຕ່າງໃຫ້ສຳເລັດຕາມແຜນ

ພ້ອມນີ້ກໍ່ມີຄວາມໃກ້ຊິດຕິດແທດທາງຂັ້ນເທີງ(ກົມຂົວທາງ)ກໍ່ໄດ້ລົງຊຸກຍູ້ ຊີ້ນຳຢູ່ປະຈຳ ແລະ ອຳນາດການປົກຄອງທ້ອງຖີ່ນຂັ້ນເມືອງ ສັງທອງ,ເມືອງໝື່ນ,ເມືອງຊະນະຄາມ ພ້ອມດ້ວຍອຳນາດການປົກຄອງບ້ານ ມີສ່ວນຮ່ວມເປັນຢ່າງດີ

ພ້ອມກັນນັ້ນເພີ່ນຍັງໄດ້ຂໍຮ້ອງ ໃຫ້ຜູ້ຂັບຂີ່ໃຊ້ລົດໃຊ້ຖະຫນົນ ທີ່ຈະເດີ່ນທາງມາຕາມເສັ້ນທາງດັ່ງກ່າວ ຂໍໃຫ້ລະມັດລະວັງ ການໄປມາໃຫ້ປະຕິບັດຕາມປ້າຍເຕືອນຢ່າງເຂັ້ມງວດ ເພື່ອຫລີກລ້ຽງອຸບັດເຫດ.

Cr: Sethavong Ay Sensavath