ທະນາຄານກາງ ຫລາຍກວ່າ 70 ແຫ່ງທົ່ວໂລກ ມີເງິນຢວນເປັນທຶນສຳຮອງ

ຕາມຂ່າວ ຊີອາໄອຂອງ ຈີນ, ວັນທີ 14 ເດືອນສິງຫາ, ທະນາຄານກາງ ຈີນ ປະກາດ ຄວາມເປັນສາກົນ ຂອງສະກຸນ ເງິນຢວນ ປະຈຳປີ 2020. ຜົນການສຳຫລວດ ຈາກສະຖິຕິ ລະບຸວ່າ: ທະນາຄານກາງ ຫລື ໜ່ວຍງານ ການເງິນ 70 ກວ່າແຫ່ງ ໃນທົ່ວໂລກ ມີທຶນສຳຮອງ ສາກົນ ໃນສະກຸນ ເງິນຢວນ, ໂດຍອ້າງຕາມຂໍ້ມູນ ຂອງກອງທຶນເງິນຕາ ສາກົນ ຫລື IMF ລະບຸວ່າ:

ໄລ່ເຖິງທ້າຍ ໄຕມາດ 4 ປີ 2019, ທຶນສຳ ຮອງ ສາກົນ ໃນສະກຸນເງິນຢວນ ຂອງ ໂລກ ລວມມີ ມູນຄ່າ 217.670 ລ້ານໂດລາ ສະຫະລັດ, ກວມເອົາ 1,95% ຂອງ ທຶນ ສຳຮອງຕ່າງໆ, ເປັນຕົວເລກສູງກວ່າ ສະກຸນເງິນໂດລາ ການາດາ, ຈັດອັນດັບ 5, ກວມເອົາ 1,88%.

ຂ່າວ : ຂປລ