ມອບ-ຮັບ ໜ້າທີ ປະທານສານປະຊາຊົນສູງສຸດ

ອີງຕາມຄຳສັ່ງເລກທີ 068/ກມສພ ລົງວັນທີ 23 ເມສາ 2019 ຂອງກົມການ-ເມືອງສູນກາງພັກ ວ່າດ້ວຍການຍົກຢ້າຍການນຳຂັ້ນສງ ,ອີງຕາມມະຕິເລກທີ 069/ກມສພ ວ່າດ້ວຍການແຕ່ງຕັ້ງເລຂາພັກແຂວງ,ແຈວງວຽງຈັນ,ອີງຕາມດຳລັດເລກທີ 118/ນຍ ລົງວັນທີ 22 ເມສາ 2019 ວ່າດ້ວຍການແຕ່ງຕັ້ງຜູ້ຮັກສາການເຈົ້າແຂວງ,ແຂວງວຽງຈັນ, ອີງຕາມ ມະຕິຕົກລົງຂອງຄະນະປະຈຳສະພາແຫ່ງຊາດ ເລກທີ 84/ຄປຈ ລົງວັນທີ 23 ພຶດສະພາ 2019 ວ່າດ້ວຍການຍົກຢ້າຍປະທານສານປະຊາຊົນສູງສຸດ ແຫ່ງ ສປປ ລາວ ໄປຮັບໜ້າທີ່ໃໝ່ ,ອີງຕາມ ມະຕິກອງປະຊຸມສະພາແຫ່ງຊາດ ເລກທີ 03/ ສພຊ ລົງວັນທີ7 ມິຖຸນາ 2019 ວ່າການເລືອກຕັ້ງປະທານສານປະຊາຊົນສູງສຸດ, ອີງຕາມ ມະຕິຕົກລົງຂອງກົມການເມືອງສູນກາງພັກສະບັບເລກທີ 074/ກມສພ ວ່າດ້ວຍການບົ່ງແຕ່ງຕັ້ງຜູ້ຮັກສາການເລຂາຄະນະບໍລິຫານງານພັກສານປະຊາຊົນສູງສຸດ.
ດັ່ງນັ້ນໃນວັນທີ 21 ມິຖຸນາ ຜ່ານມາ ທີ່ສານປະຊາຊົນສູງສຸດ ຈຶ່ງມີພິທີມອບ-ຮັບ ໜ້າທີ່ລະຫວ່າງ ປະທານສານປະຊາຊົນສູງສຸດ ຜູ້ເກົ່າ ແລະ ຜູ້ໃໝ່ ຂຶ້ນ ລະຫວ່າງ ທ່ານ ຄຳພາ ແສງດາຣາ ຜູ້ຮັກສາການເລຂາຄະນະບໍລິຫານງານພັກ,ປະທານສານປະຊາຊົນສູງສຸດ ແຫ່ງ ສປປ ລາວ (ຜູ້ໃໝ່) ແລະ ທ່ານ ຄຳພັນ ສິດທິດຳພາ ກຳມະການສູນກາງພັກ,ເລຂາພັກແຂວງ,ເຈົ້າແຂວງ ວຽງຈັນ (ຜູ້ໃໝ່) ໂດຍການໃຫ້ກຽດເຂົ້າຮ່ວມ ຂອງທ່ານ ນາງ ປານີ ຢາທໍ່ຕູ້ ກຳມະການກົມການເມືອງສູນກາງພັກ ປະທານສະພາແຫ່ງຊາດ ພ້ອມດ້ວຍພະນັກງານການນຳຂອງສານປະຊາຊົນສູງ
ທ່ານ ຄຳພັນ ສິດທິດຳພາ ກ່າວບາງຕອນໃນພິທີວ່າ: ນັບແຕ່ມາຮັບໜ້າທີ່ເປັນປະທານສານປະຊາຊົນສູງສຸດ ກໍໄດ້ພ້ອມກັບຄະນະພັກ-ຄະນະນຳ ແລະ ພະນັກງານ ນຳເອົາມະຕິກອງປະຊຸມໃຫ່ຍຄັ້ງທີ IX ແລະ X ຂອງພັກ ,ມະຕິກອງປະຊຸມໃຫ່ຍສະພາແຫ່ງຊາດ,ກຽວກັບສານປະຊາຊົນ ມາຜັນຂະຫຍາຍເປັນແຜນງານ,ໂຄງການພັດທະນາສານປະຊາຊົນ,ປະຕິບັດສາມສ້າງ ແລະ ສີ່ບຸກທະລຸຢ່າງແຂງແຮງຕິດພັນກັບຂະບວນການຮັກຊາດ ແລະ ພັດທະນາ ໂດຍມີການກຳນົດແບບແຜນນຳພາຂອງຄະນະພັກ,ຄະນະນຳ ແລະ ສະພາຜູ້ພິພາກສາຂອງສານປະຊາຊົນຢ່າງລະອຽດ,ມີການແບ່ງງານໃຫ້ບຸກຄົນຮັບຜິດຊອບຢ່າງຈະແຈ້ງ ເພື່ອໃຫ້ການປະຕິບັດແຜນງານໂຄງການມີຜົນສຳເລັດ ເຮັດໃຫ້ການບໍລິຫານສານ ແລະ ບໍລິຫານຄະດີ ມີຄຸນນະພາ ແລະ ປະສິດທິພາບສູງ
ປະຈຸບັນລະບົບການຈັດຕັ້ງຂອງສານ.

Facebook Comments