7 ຂໍ້ຄວນຮູ້ ໂສດຢ່າງສ້າງສັນ ທີ່ສາວໆຄວນອ່ານ !

1 ມີນັດກັນຕົວເອງ ຫາກິດຈະກຳເຮັດຕາມລຳພັງ: ເວລາສ່ວນຕົວທີ່ເຮົາໄດ້ຢູ່ຄົນດຽວຕາມລຳພັງເປັນສິ່ງທີ່ມີຄວາມໝາຍ ລອໃຊ້ເວລາວ່າງທີ່ງຽບສະຫງົບຄິດເລື່ອງຫຍຸ້ງໆໃນຊີວິດ ຫຼື ຫາກິດຈະກຳທີ່ເຮັດໄດ້ງ່າຍ ແລ້ວ ເຈົ້າຈະພົບວ່າການເປັນໂສດມີຄວາມສຸກໄດ້ຂະໜາດນີ້

2 ເຮັດກິດຈະກຳມ່ວນໆກັບໝູ່ເພື່ອນ: ແບ່ງປັນຊ່ວງເວລາສາວໂສດກັບຄົນອື່ນ ກິດຈະກຳຫຼາກຫຼາຍທີ່ມ່ວນ ແລະ ມີຊີວິດຊີວາໄດ້ຫຼາຍຂື້ນ ເມື່ອເຮັດຮ່ວມກັບຄົນອື່ນ ບໍ່ວ່າຈະເປັນໄປຫຼີ້ນສະຖານທີ່ກັບມູ່ ຫຼື ເດິນທາງທ່ອງທ່ຽວກັບເພື່ອໃໝ່ ລອງຄິດເບິ່ງວ່າມັນຈະມ່ວນສໍ່າໃດ ຫາໄດ້ຍາດກັນກິນອາຫານທີ່ມັກສຸດໃຈ

3 ຜູກສຳພັນກັບຄົນອ້ອມຂ້າງ: ຄວບຄົວ ແລະ ໝູ່ຄືແຫຼ່ງພະລັງງານຄວາມຮັກທີ່ໃກ້ຕົວທີ່ຈະຖີ້ມປະບໍ່ໄດ້ ການເປັນສາວໂສດບໍ່ໄດ້ໝາຍເຖິງ ການລະທີ້ງຜູ້ຄົນໄວ້ເບື້ອງຫຼັງແລ້ວມີຊີວິດພຽງລຳພັງ ພໍ່ແມ່ຍາດມິດເປັນຄວາມສຸກຂອງຄົນໂສດທີ່ຈະບັນເທົາອາການໂຫຍຫາຄວາມວ້າເວ່ທີ່ອາດມາເຢືອນໄດ້ໃນວັນທີ່ເຫງົາ ເສົ້າ ອ່ອນແອ

4 ໝັ່ນຮັກສາສຸຂະພາບແລະຄວາມງາມ: ສຸຂະພາບແລະຈິດໃຈເຮັດໃຫ້ຄວາມສຸກມີຊີວິດຄຸນນະພາບງານວິໄຈທາງການແພດພົບວ່າ ສາວໂສດມີພາວະສ່ຽງຕໍ່ໄລກໄພໄຂ້ເຈັບກວ່າຍິງທີ່ແຕ່ງງານແລ້ວ ຊຶ່ງເປັນສິ່ງທີ່ນັກພຶກສາສາດພົບເຊັ່ນກັນວ່າ ຕົ້ນໄມ້ທີ່ໃຫ້ຜົນແລ້ວມັກມີຄວາມເສື່ອມລົງຕາມສະພາບ ສາວໂສດທີ່ຮັກສາສຸຂະພາບ ແລະ ຄວາມງາມ ຈະມີຊີວິດຊີວາ ນ່າຄົບຫາ ແລະ ສາມາດເຮັດກິດຈະກຳຕ່າງໆໄດ້ຢ່າງມີຄວາມສຸກ

5 ເຮັດໜ້າທີ່ໃຫ້ດີທີ່ສຸດ: ການເປັນສາວໂສດທີ່ມີຄວາມສຸກຂື້ນຢູ່ກັບວ່າເຈົ້າໃຊ້ຊີວິດຢ່າງໃດ ລອງເບິ່ງແສງຕາເວັນຍາມເຊົ້າ ແລ້ວເຈົ້າຈະພົບວ່າບໍ່ມີມື້ໃດ ບໍ່ມີແສງຕາເວັນ ແຟຣງເກີລ ນັກຈິດຕະວິທະຍາຊາວອອດສະເຕເຣຍ ຍືນຍັນວ່າ ເມື່ອເຮົາເຮັດໜ້າທີ່ຢ່າງເຕັມທີ່ ແລະ ດີງານ ຄວາມສຸກຍ່ອຍເກີດຂື້ນເປັນຜົນທີ່ໄດ້

6 ຕັ້ງເປົ້າໝາຍໃນຊີວິດແລ້ວພິຊິດໃຫ້ໄດ້: ເຖິງແມ່ນວ່າການເປັນສາວໂສດເຮົາກໍ່ຕ້ອງມີຄວາມຫວັງ ການໃຊ້ຊີວິດຢ່າງມິດໆງຽບໆ ມີແຕ່ຈະທຳຮ້າຍຕົນເອງໃຫ້ພັງລົງ ເບິ່ງຫາສິ່ງທີ່ເຈົ້າຢາກເຮັດ ຢາກເປັນ ລວມເຖິງຫາວິທີທີ່ເປັນໄປໄດ້ ແລ້ວດຳເນີນຊີວິດໄປຕາມລຳດັບ ຈະບັນລຸຜົນ ຄວາມສຳເລັດແຕ່ລະຂັ້ນຈະເປັນບັນໄດໃຫ້ເຈົ້າກ້າວໄປສູ່ເປົ້າໝາຍຂັ້ນຕໍ່ໄປ

7 ໃສ່ໃຈການດຳເນີນຊີວິດຂອງຕົວເອງ: ການເອົາໃຈໃສ່ສຳຫຼວດກວດກາໄຕຕອງຊີວິດຕົວເອງຢູ່ຕະຫຼອດ ເປັນເຄື່ອງມືສຳຄັນໃນການໄດ້ຮັບມາເຊິ່ງຄວາມສຸກ ການໃສ່ໃຈໃນການດຳເນີນຊີວິດທຸກວັນ ຈະຊ່ວຍສາວໂສດຈັດທິດທາງຊິວິດຕົວເອງໃຫ້ພົບຄວາມສຸກ ແລະ ຊ່ວຍຈັດການປັນຫາຕ່າງໆ ທີ່ເຂົ້າມາຢ່າງມີປະສິດທິພາບ

Facebook Comments