ເຫຼືອເຊື່ອ! ແພດໄຂປິດສະໜາຍິງຊາວຈີນຜູ້ບໍ່ເຄີຍນອນຫຼັບ ຕະຫຼອດ 40 ປີ.

367

ນາງ ຫຼີ່ ຈານອິງ ອາຍຸ 45 ປີ ເປັນຄົນມົນທົນເຫີໜານປະເທດຈີນລາວເວົ້າວ່າ: ລາວບໍ່ໄດ້ນອນຫຼັບເລີຍຕະຫຼອດເວລາກວ່າ 40 ປີຄວາມຊົງສຸດທ້າຍທີ່ລາວເຄີຍນອນ ກໍຄອນອາຍຸ 5-6 ປີ ພຸ້ນ ຜົວຂອງລາວຢືນຢັນເລື່ອງດັ່ງກ່າວວ່າຕະຫຼອດໄລຍະເວລາທີ່ແຕ່ດອງກັນມາ ລາວບໍ່ເຄີຍເຫັນເມຍນອນຫຼັບຈັກເທື່ອ ບໍ່ວ່າກາງເວັນຫຼືກາງຄືນ.

ຂໍ້ມູນຈາກການມໍນິເຕີຄື່ນສະໝອງເປັນເວລາ 48 ຊົ່ວໂມງສະແດງໃຫ້ເຫັນວ່າຮ່າງກາຍຂອງນາງຫລີ່ເຂົ້າສູ່ພາວະຫຼັບໄຫລຄືກັບຮ່າງກາຍປົກກະຕິ ໂດຍບໍ່ຕ້ອງນອນຫຼັບລົງ ແລະ ໜ່ວຍຕາກໍບໍ່ປິດ ແພດອະທິບາຍປາກົດການນີ້ວ່າເປັນພາວະ ຫຼັບເມື່ອຕື່ນ



ເຊິ່ງມີຄວາມຄ້າຍຄືກັບອາການລະເມີຍ່າງໄປພຸ້ນມາພີ້ເຊິ່ງເປັນພາວະທີ່ອະໄວຍະວະສ່ວນໃນຮ່າງກາຍຍັງຄົງເຮັດວຽກຢູ່ໃນຂະນະນອນຫຼັບ ສອດຄ່ອງກັບຄຳບອກເລົ່າຂອງຜົວລາວວ່າ ມີບາງເທື່ອ ນາງຫລີ່ຈະມີອາການດວງຕາເລື່ອນລອຍແວວຕາເປົ່າຫວ່າງນັ້ນໝາຍຄວາມວ່າເປັນຊ່ວງທີ່ຮ່າງກາຍຂອງນາງ ກຳລັງພັກຜ່ອນ ຫຼື ຢູ່ໃນພາວະຫຼັບນັ້ນເອງ

ສະເພາະຕອນກາງຄືນ ນາງຫຼີ່ກໍຈະເຮັດວຽກເຮືອນການຊານຢູ່ຕະຫຼອດ ເຖິງວ່າຜົວຈະຫາຢານອນຫຼັບມາໃຫ້ກິນກໍຕາມແຕ່ບໍ່ໄດ້ຜົນຫຍັງ?ເລື່ອງລາວດັ່ງກ່າວ ເຮັດໃຫ້ນາງຫຼີ່ເປັນຄົນດັງຂອງໝູ່ບ້ານທີ່ຢູ່ໃກ້ຄຽງມັກຈະແວ່ມາຫາເພື່ອມາຫຼິ້ນໄພ້ກັບລາວໃນຕອນກາງຄືນ ເພື່ອທົດສອບວ່ານາງບໍ່ຫຼັບແທ້ຫຼືບໍ່? ຜົນປາກົດວ່າ ເພື່ອນບ້ານມັກຈະພາກັນຫຼັບໄປກ່ອນຕະຫຼອດ.



ນາງຫຼີ່ເຄີຍໄປຫາໝໍຫຼາຍໆຄົນແຕ່ບໍ່ມີໝໍຄົນໃດທີ່ສາມາດບອກອາການຂອງລາວໄດ້ເລີຍ ລ່າສຸດນີ້ ລາວໄດ້ໄປພົບໝໍຢູ່ສູນການແພດໃນນະຄອນຫຼວງປັກກິ່ງ ທີມແພດໄດ້ໃຊ້ເຊັນເຊີລະດັບສູງໃນການກວດຈັບການເຮັດວຽກຂອງຮ່າງກາຍເປັນເວລາ 48 ຊົ່ວໂມງ ເຮັດໃຫ້ຮູ້ວ່າ ຄວາມເປັນຈິງແລ້ວຮ່າງກາຍຂອງນາງຫລີ່ ມີພາວະນອນຫຼັບຄືກັນແຕ່ບໍ່ໄດ້ນອນຫຼັບແບບຄືຄົນທົ່ວໄປ