ອິນເດຍປະເຊີນກັບອາກາດຮ້ອນຈັດເຖິງ 50 ອົງສາເຊລຊຽສ

ສຳນັກຂ່າວຕ່າງປະເທດລາຍງານຈາກນະຄອນນິວເດລີ ປະເທດອິນເດຍ ເມື່ອວັນທີ່ 27 ພຶດສະພາວ່າສຳນັກງານອຸຕຸນິຍົມວິທະຍາແຫ່ງຊາດຂອງອິນເດຍລາຍງານສະພາບອາກາດໃນປະເທດວ່າອິດທິພົນຮຸນແຮງຂອງຄື່ນຄວາມຮ້ອນປົກຄຸມໂດຍທົ່ວໄປ

ໂດຍອຸນຫະພູມສູງສຸດຂອງນະຄອນນິວເດລີ ເມື່ອວັນອັງຄານທີ່ຜ່ານມາ ວັດໄດ້ 46 ອົງສາເຊລຊຽສ ຖືເປັນສະຖິຕິອຸນຫະພູມລາຍວັນຮ້ອນທີ່ສຸດໃນເດືອນພຶດສະພາ ນັບຕັ້ງແຕ່ປີ 2002

ຊື່ງວັດໄດ້ເທົ່າກັນຢ່າງໃດກໍ່ຕາມ ອຸນຫະພູມສູງສຸດລະດັບປະເທດເມື່ອວັນດັງກ່າວຢູ່ທີ່ເມືອງຊູຣູ ໃນລັດຣາຊສະຖານ ວັດໄດ້ 50 ອົງສາເຊລຊຽສພໍດີ ນອກຈາກນີ້ ພື້ນທີ່ສ່ວນໃຫ່ຍໃນລັດປັນຈາບລັດຫັນຍາຍາແລະລັດອຸດຕອນປະເທດ ມີອຸນຫະພູມສູງສຸດກວ່າ 40 ອົງສາເຊລຊຽສ

ຈົນເຖິງຕອນນີ້ຍັງບໍ່ມີລາຍງານຢ່າງເປັນທາງການ ວ່າມີຜູ້ເສຍຊີວິດໃນອິນເດຍຈາກອິດທິພົນຂອງຄື່ນຄວາມຮ້ອນ ແຕ່ສະຖິຕິຂອງລັດຖະບານລະບຸວ່ານັບຕັ້ງແຕ່ປີ 2015 ມີຜູ້ເສຍຊີວິດເພາະສະພາບອາກາດທີ່ຮ້ອນຈັດຫລາຍກວ່າ 3,500 ຄົນທົ່ວປະເທດ ຂະນະທີ່ການຂາດແຄນນ້ຳເພື່ອການອຸປະໂພກບໍລິໂພກນັງເປັນບັນຫາ ເຊັ່ນດຽວກັບການທີ່ສະຖານທີ່ຫລາຍແຫ່ງຍັງບໍ່ມີເຄື່ອງປັບອາກາດ


ໃນເວລາດຽວກັນ ພາກຕາເວັນອອກຂອງອິນເດຍໂດຍສະເພາະລັດເບັງກອລຕາເວັນຕົກ ຢູ່ລະຫວ່າງຟື້ນຟູພື້ນທີ່ຫລັງໄດ້ຮັບຄວາມເສຍຫາຍຢ່າງຫນັກຈາກອິດທິພົນຂອງຊູເປີໄຊໂຄລນທ ອຳພັນ ທີ່ພັດຖະຫຼົ່ມເມື່ອກາງອາທິດທີ່ແລ້ວ ແລະເມືອງທຸກແຫ່ງໃນອິນເດຍຍັງຢູ່ພາຍໃຕ້ມາດຕະການເຝົ້າລະວັງທີ່ເຄັ່ງຄັດເພື່ືອລົດຄວາມສ່ຽງການຕິດໂລກໂຄວິດ-19

Facebook Comments