5 ອັນດັບຍົນທີ່ໃຫ່ຍທີ່ສຸດໃນໂລກ !

ອັນດັບທີ່ 5 ມອບໃຫ້ Ukrainian An-124 Ruslan.ທີ່ຍັງຖືວ່າເປັນຍົນຂົນສົ່ງ ທີ່ໜັກທີ່ສຸດ ອັນດັບສອງ ຂອງໂລກໃນປະຈຸບັນ ແລະ ເປັນຍົນທີ່ສາມາດຍົກນ້ຳໜັກໄດ້ຫຼາຍທີ່ສຸດ.

ອັນດັບທີ່ 4 ແມ່ນຍົນລຸ້ນ Boeing 747-400 ER ຖືວ່າເປັນຍົນໂດຍສານທີ່ໄດ້ຂາຍດີຫຼາຍ. ຄວາມກວ້າງຂອງປີກຍົນແມ່ນ 64.4 ແມັດ, ຍາວ 70.6 ແມັດ, ສູງ 19.4 ແມັດ, ບັນຈຸຜູ້ໂດຍສານໄດ້ 524 ຄົນ. ມີການຕົບແຕ່ງພາຍໃນທີ່ທັນສະໄໝທີ່ສຸດ.

ອັນດັບ3 ແມ່ນ Boeing 747-8 ທີ່ມີຄວາມຍາວ 77 ແມັດ ຖືວ່າເປັນຍົນທີ່ ຍາວທີ່ສຸດໃນໂລກ. ມີຄວາມຈຸ ໄດ້ 467 ທີ່ນັ່ງ. ສາມາດບິ່ນໄດ້ໄກ ຂ້າມທະວີບ ແລະ ປະຢັດພະລັງງານສົມຄວນ.

ອັນດັບ2 ແມ່ນ Airbus A380F ທີ່ບິນຄັ້ງທຳອິດ ເມື່ອວັນທີ 23 ເມສາ 2005. ຍົນລຳນີ້ມີ 525 ທີ່ນັ່ງ ທີ່ສາມາດເວົ້າໄດ້ວ່າ ເປັນຍົນໂດຍສານທີ່ໃຫຍ່ທີ່ສຸດ ກໍ່ວ່າໄດ້. ຍົນໃຊ້ຈັກຄູ່ ສອງຄູ່. ສາຍການບິນຫຼາຍສາຍ ແມ່ນນຳໃຊ້ຍົນດັ່ງກ່າວ.

ອັນດັບທີ 1 ແມ່ນຍົນ Ukrainian Antonov An-225 Mriya ທີ່ຖືເປັນຍົນທີ່ໃຫຍ່ທີ່ສຸດຂອງໂລກ ໃນປະຈຸບັນ. ຍົນດັ່ງກ່າວ ແມ່ນ ໄດ້ບິນເປັນຄັ້ງທຳອິດ ວັນທີ 21 ທັນວາ 1988. ຖືເປັນສິ່ງປະດິດທີ່ໃຫຍ່ຫຼາຍ ໃນການຮັບໃຊ້ວຽກງານ ການທະຫານ. ຍົນດັ່ງກ່າວ ຍັງໃຊ້ ໃນການລຳລຽງ Buran Orbiter ທີ່ເປັນກະສວຍອາວະກາດ ຂອງລັດເຊຍ.

ໄດ້ມີການພັດທະນາ ໃນລຸ້ນ An-225 ຈາກລຸ້ນ An-124 ທີ່ມີການປັບປຸງສັກກະຍະພາບ ແລະ ຄວາມປະຢັດຂອງການໃຊ້ພະລັງງານຂອງເຄື່ອງຈັກ. ຍົນລຸ່ນ An-225 ແມ່ນໃຊ້ ຈັກ 6 ເຄື່ອງ, ຂະນະທີ່ ລຸ້ນ An-124 ໃຊ້ 4 ເຄື່ອງ.

ຖືວ່າເປັນຍົນທີ່ມີນ້ຳໜັກ ຫຼາຍທີ່ສຸດໃນໂລກ ກໍ່ວ່າໄດ້. ໂດຍສາມາດບິນດ້ວຍນ້ຳໜັກ ຫຼາຍກວ່າ 640 ໂຕ່ນ. ປະຈຸບັນມີຍົນ ລຸ້ນ An-225 ພຽງລຳດຽວໃນໂລກທີ່ຍັງປະຕິບັດການ.