ຄວນມີສະຕິ ! ກ່ອນຈອດລົດໃນທີ່ຫ້າມຈອດ ຖືກປັບໄໝ 10 ເທົ່າຕົວຂອງມູນຄ່າປົກກະຕິ

ตัดต่อสร้าง Bloggif

ຕາມມະຕິຕົກລົງຂອງອົງການປົກຄອງ ນະຄອນຫຼວງວຽງຈັນ ກ່ຽວກັບແຜນວຽກ ແລະ ມາດຕາການຈັດຕັ້ງປະ ຕິບັດໂຄງການວຽງຈັນສະອາດໄລຍະສະເພາະຫນ້າ ແລະ ຮອດປີ 2020 ໄດ້ ລະບຸໄວ້ ໃນມາດຕາ 3 ແຜນວຽກ ແລະ ມາດຕະການຕົ້ນຕໍຂອງໂຄງການຮັບປະກັນວຽງຈັນສະອາດ ໄດ້ລະບຸໄວ້ໃນ ມາດຕະການຈັດຕັ້ງປະຕິບັດຮັບປະກັນໃຫ້ ເສັ້ນທາງສະອາດວ່າ: ຖ້າຫາກວ່ານັກ ຂັບຂີ່ຫາກຈອດລົດຢູ່ເຂດ ຕ້ອງຫ້າມ ຫຼື ມີປ້າຍຫ້າມ ຜູ້ລະເມີດຈະຖືກປັບໃຫມສິບເທົ່າຕົວຂອງມູນຄ່າການປັບໃຫມ ຕາມມາດຕາ 14 ຂອງດໍາລັດ 188 ຄື:
– ປະເພດລົດຈັກ 30.000 ກີບ x 10 ເທົ່າກັບ 300.000 ກີບຕໍ່ຄັ້ງ.

ພາບປະກອບ

– ລົດສາມ ລໍ້ຕິດເຄື່ອງຈັກ 50.000 ກີບ x 10 ເທົ່າ ກັບ 500.000 ກີບຕໍ່ຄັ້ງ.

– ລົດເບົາ, ເກັງ, ກະບ, ຈິບ ແລະ ລົດຕູ້ 70.000 ກີບ x 10 ເທົ່າກັບ 700.000 ກີບຕໍ່ຄັ້ງ. ່

– ລົດ ໂດຍສານ 4 ລໍ້ 100.000 ກີບ x 10 ເທົ່າກັບ 1.000.000 ກີບຕໍ່ຄັ້ງ.

– ລົດບັນທຸກ 6 ລໍ້ 150.000 ກີບ x 10 ເທົ່າກັບ 1.500.000 ກີບຕໍ່ຄັ້ງ.

– ລົດບັນທຸກ 10 ລໍ້ ຂຶ້ນໄປ 200.000 ກີບ x 10 ເທົ່າກັບ 2.000.000 ກີບຕໍ່ຄັ້ງ.

ພາບປະກອບ

ເສັ້ນທາງໃດກາງຕົວເມືອງ ທີ່ຫຼາຍຈຸດມີປ້າຍຫ້າມຈອດປະກອບມີ: ຖະຫນົນສຸພານຸວົງ, ຖະຫນົນຫຼວງ ພະບາງ, ຖະຫນົນເສດຖາທິລາດ, ຖະຫນົນສາມແສນໄທ, ຖະຫນົນລ້ານຊ້າງ, ຖະຫນົນອາຊຽນ, ຖະຫນົນທ່ງ ເດືອ, ຖະຫນົນກໍາແພງ ເມືອງ, ຖະຫນົນລາວ-ໄທ, ຖະຫນົນດົງປ່າລານ-ສາຍລົມ, ຖະຫນົນຂຸນບູລົມ, ຖະຫນົນຄູ ວຽງ, ຖະຫນົນເປ 3, ຖະຫນົນ 23 ສິງຫາ, ຖະຫນົນຫນອງບອນ, ຖະຫນົນເຈົ້າອານຸວົງ, ຖະຫນົນໄກສອນ ພົມວິຫານ ແລະອື່ນໆ.

ພາບປະກອບ

ຢ່າງໄດກໍຕາມການຈອດລົດຊະຊາຍ ຫຼື ຈອດບ່ອນຫ້າມຈອດ ແມ່ນບັນຫາຫນຶ່ງທີ່ ສ້າງຄວາມຫຍຸ້ງຍາກສັບສົນໃນການສັນຈອນ ແລະ ເປັນບັນຫາຫນຶ່ງທີ່ພາໃຫ້ເກີດມີບັນຫາລົດຕິດອັ່ງອໍຕາມ ສາຍທາງຍ້ອນລົດທີ່ຈອດກີດຂວາງການສັນຈອນ, ຍິ່ງໄປກວ່ານັ້ນຍັງເຮັດໃຫ້ເກີດອຸບັດຕິເຫດບົນທ້ອງ ຖະຫນົນຕາມມາ, ດັ່ງນັ້ນ, ຈຶ່ງຮຽກຮ້ອງມາຍັງ ນັກຂັບຂີ່ທຸກຊັ້ນຄົນ ຈົ່ງເອົາໃຈໃສ່ປະ ຕິບັດກົດລະບຽບຈະ ລາຈອນຢ່າງເຂັ້ມ ງວດ ເພື່ອເປັນສ່ວນຫນຶ່ງໃນການຫຼຸດ ຜ່ອນບັນຫາການເກີດອຸບັດຕິເຫດ ແລະ ຫຼຸດຜ່ອນ ບັນຫາລົດຕິດອັ່ງອໍຢູ່ຕາມເສັ້ນທາງຕ່າງໆໃນນະຄອນຫຼວງວຽງຈັນ.

ຂໍ້ມູນ: lsecuritynews

ตัดต่อสร้าง Bloggif