ຫຼຽນຄໍາທໍາອິດຂອງ ທັບນັກກິລາລາວ ໃນຊີເກມ 2019

ກ່ອນໜ້ານີ້ ວັນທີ 8 ທັນວານີ້ ນັກກິລາຄິກບ໊ອກຊິ້ງ (Kickboxing) ທິມຊາດລາວ ລົງແຂ່ງຂັນໃນຮອບຮອງຊະນະເລີດ 4 ຄົນ, ໃນນີ້ມີໜຶ່ງຄົນສາມາດຜ່ານເຂົ້າສູ່ຮອບຊິງຊະນະເລີດ (ຊິງຫລຽນຄຳ) ນັ້ນຄື: ທ້າວ ສຸກັນ ໄຕປັນຍາວົງ (ນ້ອງໂອ) ລຸ້ນນໍ້າໜັກບໍ່ເກີນ 60 ກິໂລ ເອົາຊະນະ CHORK SIVIN ນັກມວຍຈາກກຳປູເຈຍ 3-0 ຍົກ ເຂົ້າຊິງຊະນະເລີດກັບ LUMBANTUNGKUP BONATUA ນັກມວຍຈາກອິນໂດເນເຊຍ ທີ່ຊະນະນັກມວຍຈາກມາເລເຊຍ 2-1 ຍົກ

ຮອບຊິງແຂ່ງຂັນໃນວັນທີ 10 ທັນວານີ້ ຜ່ານການແຂ່່ງຂັນ ປາກົດວ່າ: ສຸກັນ ເດີນໜ້າລຸຍແບບບໍ່ຄິດຢາກ ໃຊ້ເວລາບໍ່ດົນ ເຕະເຂົ້າທ້ອງຄູ່ແຂ່ງ ຈົນນອນກັບພື້ນ ໃນຍົກທໍາອິດ ແລະ ແພດສະໜາມເຂົ້າມາປະຖົມພະຍາບານ ເຫັນວ່າບໍ່ໄຫວ ຈິ່ງຫາມອອກຈາກສະໜາມ ແລະ ກໍາມະການຊູມືໃຫ້ກັບ ສຸກັນ ເອົາຊະນະໄປ ຄວ້າຫຼຽນຄໍາຫຼຽນທໍາອິດໃຫ້ກັບທັບນັກກີລາລາວ

ກິລາຄິກບ໊ອກຊິ້ງ ເປັນກິລານ້ອງໃຫມ່ໃນຊີເກມຄັ້ງນີ້ ມີຊິງ 8 ຫລຽນຄຳ, ຍິງ 2 ລາຍການ ແລະ ຊາຍ 6 ລາຍການ ຈາກຫຼຽນຄໍາດັ່ງກ່າວ ເຮັດໃຫ້ ສປປ ລາວ ຍາດໄດ້ມາໄດ້ 1 ຫຼຽນຄໍາ, 5 ຫຼຽນເງິນ ແລະ 24 ຫຼຽນທອງ ແລະ ອາດເປັນຫຼຽນສົ່ງທ້າຍຊີເກມ ເພາະມື້ນີ້ຈະເປັນມື້ສຸດທ້າຍຂອງແຂ່ງຂັນກິລາ ( ມີຈະອັບເດດ ໃຫ້ເພີ່ມເຕີ່ມ )

ທີ່ມາ: sports update / ອັບເດດກິລາລາວ-ສາກົນ
Lao Kickboxing Federation ສະຫະພັນຄິກບ໊ອກຊິງແຫ່ງຊາດລາວ

Facebook Comments