6 ຂໍ້ແນະນຳເມື່ອຮັກຄົນອື່ນ ທັ້ງທີໂຕເຮົາມີແຟນແລ້ວ !

ເປັນເລື່ອງທຳມະດາທີ່ເມື່ອເຮົາຄົບໃຜເປັນແຟນດົນໆຄວາມຫວານມັນກໍ່ລົດລົງຈາກທີ່ຊ່ວງທຳອິດມີຄວາມກຸກກິກມຸ້ງມິ້ງໃສ່ກັນພໍນານວັນຕ່າງຝ່າຍຕ່າງກໍ່ເປີດເຜີຍຄວາມເປັນຕົວເອງອອກມາແຕ່ໄລຍະເວລາທີ່ຄົບກັນມາດົນກໍ່ສະແດງໃຫ້ເຫັນວ່າເຮົາກັບເຂົາຜ່ານຊ່ວງເວລາທີ່ທັງທຸກແລະສຸກມາດ້ວຍກັນປະມານຫນຶ່ງເຖິງຈະມີຄວາມນ່າເບື່ອແນ່ແຕ່ຖ້າຕ່າງຝ່າຍມີຄວາມຫນັກແຫນ້ນແລະຍັງຮັກກັນຢູ່ກໍ່ບໍ່ມີຫຍັງມາທຳລາຍຄວາມສຳພັນໄດ້

ແຕ່ຫຍັງກໍ່ເກີດຂຶ້ນໄດ້ຫາກຄວາມຮັກນັ້ນເກີດການສັ່ນຄອນເມື່ອມີໃຜບາງຄົນມາເຮັດໃຫ້ເຮົາສົນໃຈຫາກຈະວ່າໄປມັນກໍ່ຄົງເປັນເລື່ອງທຳມະດສສາມັນທີ່ເກີດຂຶ້ນບົນໂລກໃບນີ້ສຳລັບສາວໆທີ່ມີແຟນຢູ່ແລ້ວເຄີຍເປັນກັນບໍາທີ່ຢູ່ໆເຮົາກໍ່ຮູ້ສຶກແປກໆກັບຜູ້ຊາຍອີກຄົນທັງທີ່ເຮົາມີແຟນເປັນຕົວເປັນຕົນຢູ່ແລ້ວມີທາງດຽວທີ່ເຮົາຈະເຮັດໄດ້ຄືຍອມເລີກກັບແຟນຫລືຕັດໃຈຈາກຊາຍຄົນນັ້ນສະລອງອ່ານ6ຂໍ້ນີ້ແລ້ວເຈົ້າຈະພົບຄຳຕອບທີ່ຢູ່ໃນໃຈ

1 ທົບທວນໃຈຕົວເອງດີໆ

ສິ່ງທຳອິດທີ່ຕ້ອງເຮັດເລີຍກໍ່ຄືຄິດທົບທວນໃຫ້ດີວ່າທີ່ຈິງແລ້ວເຮົາຮູ້ສຶກແນວໃດກັບຄົນໃຫ່ມທີ່ຫາກໍ່ເຂົ້າມາມັນເປັນຄວາມຮັກແທ້ໆຫລືພຽງຫວັ່ນໄຫວຫລົງໄຫລໄດ້ປື້ມໃນຊົ່ວວູບເທົ່ານັ້ນຄົງຄ້າຍໆເວລາທີ່ເບິ່ງຫນັງເບິ່ງລະຄອນແລ້ວເກີດອາການປື້ມພະເອກແຕ່ຕ່າງກັນທີ່ຄົນໃຫ່ມທີ່ເຮົາຮູ້ສຶກດີດ້ວຍນັ້ນເອງກໍ່ອາດມີປະຕິສຳພັນກັບເຮົາເຫມືອນກັນແຕ່ໃນຂະນະດຽວກັນກໍ່ຢ່າລືມຖາມໃຈຕົວເອງວ່າກັບແຟນທີ່ຄົບຢູ່ນັ້ນເຮົາຍັງຮັກເຂົາຢູ່ບໍ

2 ແຟນເຮັດຜິດຫຍັງຫລືເຮົາກຳລັງເຮັດຜິດຕໍ່ແຟນ

ຄຳຖາມທີ່ຊວນໃຫ້ຄິດໃນກໍລະນີທີ່ມີຝ່າຍໃດຝ່າຍຫນຶ່ງນອກໃຈກໍ່ຄືຄົນທີ່ເປັນແຟນເຂົາເຮັດຜິດຫຍັງເປັນຫຍັງຕ້ອງທຳຮ້າຍເຂົາດ້ວຍການແອບມີຄົນອື່ນໃນຫົວຂໍ້ນີ້ຂໍບອກໄດ້ເລີຍວ່າຄົນທີ່ຖືກກະທຳນັ້ນບໍ່ໄດ້ມີຄວາມຜິດດອກອອກຈະນ່າສົງສານດ້ວຍຊ້ຳຖ້າເຮົາຄິດໄດ້ກໍ່ຈະຮູ້ວ່າເຮົາເອງນັ້ນແລະທີ່ເປັນຝ່າຍຜິດ

ແຕ່ເອົາເຂົ້າແທ້ໆມັນຄືເລື່ອງຂອງຄວາມຮູ້ສຶກເປັນຫລັກຫາກຍັງຄົບກັບຢູ່ໂດຍທີ່ບໍ່ເຫລືອຄວາມຮູ້ສຶກຮັກກັບຄົນທີ່ເປັນແຟນແລ້ວກໍ່ບໍ່ຄວນປ່ອຍໃຫ້ອີກຝ່າຍຕ້ອງມາເສຍເວລາແລະເສຍຄວາມຮູ້ສຶກກັບເຮົາດົນເພາະສະຖານະການມັນຈະຍິ່ງແຍ້ທັງເຮົາແລະເຂົາເຂົາເຈັບເຮົາກໍ່ເຈັບເຮົາກໍ່ກາຍເປັນຄົນບໍ່ດີໄປອີກ

3 ຮັກບໍ່ຕ້ອງການເວລາແຕ່ກວ່າຈະຮັກເທົ່າມື້ນີ້ຕ້ອງໃຊ້ເວລາ

ແຕ່ນ້ອຍຄົນນັກຈະແຍກແຍະໄດ້ວ່າຫຍັງຄືຄວາມຮັກຄວາມມັກຫລືພຽງຄວາມຫລົງ3ສິ່ງນີ້ມັນຕ່າງກັນພຽງຫນ້ອຍດຽວຈິງຢູ່ທີ່ຄວາມຮັກອາດຈະເກີດຂຶ້ນໄວວາໃນເວລາບໍ່ດົນຄືກັນເພງຮັກບໍ່ຕ້ອງການເວລາແຕ່ໃນຊີວິດຈິງມັນກໍ່ເບິ່ງເປັນເລື່ອງເພີ້ຝັນເກີນໄປເຫມືອນກັບການພົບໃຜສັກຄົນໃນໄລຍະເວລາສັ້ນໆແລ້ວຮູ້ສຶກດີແຕ່ບໍ່ຮູ້ວ່າມັນຄືຄວາມຮັກຫລືບໍ່

ໃນຂະນະດຽວກັນສຳຫລັບບາງຄົນຄວາມຮັກກໍ່ຕ້ອງໃຊ້ເວລາພິສູດຈົນກວ່າຈະແນ່ໃຈຢ່າງໃນເພງກວ່າຈະຮັກທີ່ມີເນື້ອຫາຊ່ວງຫນຶ່ງວ່າກວ່າຈະຮັກເທົ່າມື້ນີ້ກວ່າຈະມີຄົນມາເຂົ້າໃຈຕ້ອງໃຊ້ເວລາແມ່ນພຽງເບິ່ງຕາກັນຕອນໃດເຊິ່ງມັນຄືເລື່ອງຈິງຄູ່ຮັກຫລາຍຄູ່ກວ່າຈະມາເປັນແຟນກັນກໍ່ຕ້ອງໃຊ້ເວລາສຶກສານິໄສໃຈຄໍກັນດົນມັນຈຶ່ງເຫມືອນເປັນການບົ່ມຊ້ອນຄວາມຮູ້ສຶກດີໆເອົາໄວ້ບາງຄັ້ງການມີໃຜຄົນໃຫ່ມເຂົ້າມາເຖິງຈະເຮັດໃຫ້ເຮົາຮູ້ສຶກຕື່ນເຕັ້ນກະຊຸ້ມກະຊວຍແຕ່ເຮົາກໍ່ຕ້ອງບໍ່ລືມຄົນຂ້າງຫລັງທີ່ຮ່ວມທຸກຮ່ວມສຸກກັບເຮົາມາກ່ອນ

4 ແຟນທີ່ຄົບກັນມາດົນກັບຜູ້ຊາຍທີ່ຮູ້ຈັກກັນບໍ່ດົນມັນທຽບກັນບໍ່ໄດ້

ເປັນການຂະຫຍາຍຄວາມມາຈາກຂໍ້ທີ່ແລ້ວຄົນທີ່ເປັນແຟນກັນມາດົນຍ່ອມຈະຮູ້ດີວ່າຕ່າງຄົນຕ່າງມີນິໄສໃຈຄໍເປັນແນວໃດເວົ້າງ່າຍໆກໍ່ຄືຄົນຮູ້ໄສ້ຮູ້ພຸງຈົນເຫມືອນເປັນເພື່ອນສະຫນິດກັນແຕ່ມັນມີຄວາມພິເສດຫລາຍກວ່ານັ້ນຕົງທີ່ຄົນເປັນແຟນນັ້ນຄືເພື່ອນຄູ່ຄິດຫລືຫລາຍກວ່ານັ້ນອາດຈະເອີ້ນວ່າເປັນຄູ່ຊີວິດຂອງເຮົານັ້ນເອງ

ຕ່າງຈາກຄົນທີ່ເຮົາຫາກໍ່ຮູ້ຈັກບໍ່ດົນເຖິງເຮົາຈະມັກພໍໃນຕົວຜູ້ຊາຍອີກຄົນທີ່ເຂົ້າມາໃຫ່ມແຕ່ເຮົາກໍ່ບໍ່ສາມາດຝືນລົງໄດ້ວ່າເຂົາເປັນຄົນແນວໃດຄວາມມັກຕົງນີ້ຈຶ່ງເປັນສິ່ງທີ່ສາບສວຍເກີນໄປມັນທຽບກັນບໍ່ໄດ້ເລີກກັບຄົນທີ່ເຂົ້າຮູ້ຈັກຕູ່ນເຕີບກັນມານານ

5 ຈະມີໃຜທົນແລະຮັກເຮົາໄດ້ເທົ່າຄົນທີ່ເປັນແຟນບໍ່

ຕໍ່ຈາກຂໍ້ທີ່ແລ້ວເລີຍແນ່ນອນວ່າສຳພັນຂອງຄົນທີ່ເປັນແຟນກັນມັນບໍ່ໄດ້ມີຄວາມຊື່ນມື່ນອາລົມດີແລະຮອຍຍິ້ມຕະຫລອດເວລາບາງຄັ້ງມັນກໍ່ມີເລື່ອງຂອງຄວາມບໍ່ເຂົ້າໃຈຄວາມແງ່ງອນຍິ່ງຄົບກັນດົນປານໃດນິໄສແທ້ໆຂອງແຕ່ລະຄົນມັນກໍ່ຈະເລີ່ມອອກມາແຕາຖ້າຕ່າງຝ່າຍຕ່າງຍອມຮັບໃນຂໍ້ເສຍຂອງກັນແລະກັນກໍ່ຖືວ່າເປັນເລື່ອງດີ

ສະນັ້ນຫາກຄິດຈະຍຸດຕິຄວາມສຳພັນກັນຈະຄິດໃຫ້ຖີ່ຖ້ວນວ່າໄປຄົບກັບອີກຄົນແລະເຂົາຈະຮັກໃນຄວາມເປັນເຮົາຮັບນິໄສເສຍໆຂອງເຂົາໄດ້ຄືຄົນນີ້ບໍ່ນີ້ຄືອີກເລື່ອງຫນຶ່ງທີ່ສຳຄັນຫລາຍເພາະຄົນເຮົານັ້ນມີຄວາມຄິດບໍ່ຄືກັນຈະໃຫ້ໃຜມາແທນທີ່ໃຜບໍ່ໄດ້

ນິຍາມຄວາມຮັກຂອງເຮົາແທ້ຈິງແລ້ມັນຄືຫຍັງ

ການນິຍາມຄວາມຮັກຂອງເຮົານັ້ນຕ່າງກັນຢ່າງທີ່ເຮົາໄດ້ຍິນເລື້ອຍໆກໍ່ອາດຈະມີຮັກຄືການໃຫ້ຄືການເສຍສະຫລະຄືການເຫັນຄົນທີ່ເຮົາຮັກມີຄວາມສຸກແຕ່ສຳລັບບາງຄົນຮັກຄືຄວາມສຸກສະບາຍຢ່າງທີ່ພວກຜູ້ຊາຍມັກນິຍາມການເລືອກຂອງຜູ້ຍິງວ່າຜູ້ຍິງມັກຄົນດີຄົບຄົນເລວແລະແຕ່ງງານກັບຄົນລວຍເຫມືອນເປັນການກະແນະກະແຫນແຕ່ກໍ່ເບິ່ງອີກທາງກໍ່ເຮັດໃຫ້ຄິດໄດ້ວ່າພວກເຂົາກຳລັງບອກວ່າຕົວເອງເປັນຄົນດີຫລືຄົນເລວລະ

ມາຮອດບ່ອນນີ້ກໍ່ນ່າຄິດອີກເຫມືອນກັນວ່າຖ້າເກີດຄົນທີ່ເຂົ້າມາໃຫ່ມເຂົາມີພ້ອມທັງຫນ້າຕາຖານະອະນາຄົດແລະຄວາມຫມັ້ນຄົງເອີ້ນວ່າພຽບພ້ອມກວ່າແຟນທີ່ກຳລັງຄໄບຢູ່ເຮົາຈະຕັດສິນໃຈແນວໃດວົນກັບໄປທີ່ນິຍາມຄວາມຮັກທີ່ລົມກັນຕອນທຳອິດຖ້ານິຍາມຂອງເຮົາຄືການມີຊີວິດດີສະດວກສະບາຍກໍ່ຕ້ອງກັບມາຄິດທົບທວນວ່າແຟນຄົນທີ່ເຮົາຄົບມານີ້ເຂົາເປັນແບບທີ່ເຮົາຕ້ອງການຫລືບໍ່ແລ້ວຸຖ້າເຂົາບໍ່ໄດ້ເປັນແຟນແບບນັ້ນເຮົາຍັງຈະເປັນແຟນກັບເຂົາຕໍ່ໄປບໍ່ຄວາມຮັກທີ່ມີໃຫ້ກັນມານັ້ນຈະປະຄັບປະຄອງສະຖານະແລະຄວາມສຳພັນຂອງເຮົາແລະຄົນຮັກໄປຕະຫລອດຫລືບໍ່

ຖ້າບໍ່ແມ່ນເລື່ອງຄວາມຮັກເຮົາຄົງໄດ້ຄຳຕອບທີ່ຊັດເຈນໃນເລື່ອງນີ້ເຮົາຄົງຫາຄຳຕອບດ້ວຍຕົວເອງຢ່າໃຊ້ຂໍ້ນີ້ຕັດສິນພຽງຢ່າງດຽວນຳຂໍ້ອື່ນໆມາປະກອບການຕັດສິນໃຈແລ້ວເຮົາຈະພົບຄຳຕອບທີ່ແມ່ນສຳລັບຕົວເຮົາເອງ

ເປັນເລື່ອງທີ່ຫາຄຳຕອບໄດ້ຍາກໃນທ້າຍທີ່ສຸດແລ້ວກໍ່ຄົງຕ້ອງຖາມໃຈຕົວເອງວ່າຫຍັງຄືສິ່ງທີ່ສຳຄັນຕໍ່ເຮົາຫລາຍທີ່ສຸດແຕ່ຖ້າເປັນໄປໄດ້ເຮົາກໍ່ບໍ່ສະຫນັບສະຫນູນໃກ້ສາວໆໄປປັນໃຈໃຫ້ຊາຍອື່ນທີ່ບໍ່ແມ່ນແຟນຫລືມີການຄົບຊ້ອນມັນບໍ່ແມ່ນເລື່ອງທີ່ຖືກຕ້ອງແຕ່ກໍ່ຢ່າງວ່າມັນເປັນເລື່ອງຂອງຄວາມຮູ້ສຶກແຕ່ທາງທີ່ດີປ່ອຍໃຫ້ເປັນເລື່ອງຂອງຄວາມຮູ້ສຶກທີ່ຜ່ານມາແລ້ວຈາງຫາຍໄປດີກວ່າເພາະເຮົາມີຄົນຮັກແລະຮັກເຮົາຢູ່ແລ້ວທັງຄົນ

Facebook Comments