ສາຍການບິນ ສ.ອາເມລິກາ ສັ່ງຊື້ເຮືອບິນແອຣບັສ 50 ລຳ

ตัดต่อสร้าง Bloggif

ຕາມຂ່າວສານ ຫວຽດນາມ, ວັນທີ 3 ທັນວາ, ບໍລິສັດສາຍການບິນ ຢູໄນເຕັດ ແອຣລາຍຂອງ ສ.ອາເມລິກາ ໄດ້ສັ່ງຊື້ເຮືອບິນ ແອຣບັສ 50 ລຳ ລຸ້ນ A321XLR , ດ້ວຍຍອດມູນຄ່າ 6,5 ຕື້ໂດລາສະຫະລັດ ເພື່ອທົດແທນ ເຮືອບິນ ໂບອິງລຸ້ນເກົ່າ ແລະ ເປັນຂີດເຄື່ອງໝາຍ ສຳລັບຂະແໜງ ອຸດສາສຫະກຳ ເຮືອບິນຂອງປະເທດນີ້. ຕາມແຜນການ ແອຣບັສ ຈະສົ່ງມອບ ເຮືອບິນໃໝ່ໃຫ້ ຢູໄນເຕັດ ແອຣລາຍ ພາຍໃນປີ 2024 ເພື່ອທົດແທນເຮືອບິນໂບອິງ 757-200s . ບໍລິສັດນີ້  ຈະໃຊ້ເຮືອບິນໃຫມ່ນີ້ ເພື່ອເພີ່ມຖ້ຽວບິນ ຈາກNewark, ນີວຢອກ ແລະ ວໍຊິງຕັນ  ໃນເຂດພາກຕາເວັນອອກຂອງ ສ.ອາເມລິກາ ເພື່ອໄປຍັງຈຸດໝາຍປາຍທາງ ໃນເອີຣົບ.

ຂໍ້ມູນດັ່ງກ່າວໄດ້ສະເໜີຂຶ້ນ ທ່າມກາງ ບໍລິສັດ ຜະລິດເຮືອບິນ ໂບອິງຂອງ ສ.ອາເມລິກາ ພວມຜະເຊີນກັບ ວິກິດການ ຢ່າງໜັກທີ່ສຸດ ໃນປະຫວັດສາດ ຂອງສາຍການບິນ ທີ່ມີສ່ວນກ່ຽວຂ້ອງກັບ ເຮືອບິນ 737ແມັກ, ຫລັງຈາກ ເກີດເຫດເຮືອບິນ 737 ແມັກ ຂອງບໍລິສັດ ສາຍການບິນ ໄລອອນແອຣ(ອິນໂດເນເຊຍ) ຕົກ ເມື່ອເດືອນຕຸລາປີ 2018 ຜ່ານມາ ແລະ ເອທິໂອປີແອຣລາຍ(ເອທີໂອປີ) ເມື່ອເດືອນ ມີນາ ຜ່ານມາ ເຮັດໃຫ້ມີຜູ້ເສຍຊີວິດ 346 ຄົນ, ເຊິ່ງເປັນເຮືອບິນ ທີ່ທັນສະໄໝທ່ີສຸດຂອງ ໂບອິງ ໄດ້ຖືກຫລາຍ ປະເທດ ແລະ ຫລາຍບໍລິສັດການບິນ ຫ້າມບໍ່ໃຫ້ຂື້ນບິນ ນັບແຕ່ເດືອນມີນາ ເປັ້ນຕົ້ນມາ.

ຂ່າວ : ຂປລ

ตัดต่อสร้าง Bloggif