ຜະຫວາ ! ອົດສະຕາລີພົບເຫັດພິດສຸດຮ້າຍແຮງຄັ້ງທຳອິດພຽງສຳພັດພິດກໍ່ເຂົ້າທາງຜິວຫນັງ

ອົດສະຕາລີພົບເຫັດປະກາລັງໄຟພິດຄັ້ງທຳອິດໃນປະເທດນັກວິທະຍາສາດຢືນຢັນເປັນເຫັດທີ່ມີພິດຮ້າຍແຮງທີ່ສຸດຊະນິດຫນຶ່ງໃນໂລກແລະເປັນເຫັດພິດພຽງຊະນິດດຽວທີ່ສາມາດຖືກດູດຊືມຜ່ານທາງຜີວຫນັງ

ເມື່ອ3ຕຸລາ2562ສຳນັກຂ່າວຕ່າງປະເທດແລະບີບີຊີລາຍງານນັກວິທະຍາສາດໃນອົດສະຕາລີເຜີຍພົບເຫັດປະກາລັງເຕີບໂຕໃນອົດສະຕາລີເປັນຄັ້ງທຳອິດໄກຈາກຖິ່ນການເກົ່າທີ່ຄາດກັນວ່າເຫັດພິດຊະນິດນີ້ເປັນເຫັດທີ່ມີຖິ່ນຖານຢູ່ໃນຍີ່ປຸ່ນແລະເກົາຫລີໃຕ້ ເລພັນມໍ ຊ່າງພາບຖ່າຍພາບທໍາມະຊາດອົດສະຕາລີໄດ້ພົບເຫັດສີແດງຜຸດຂຶ້ນມາຈາກດິນໃນປ່າຝົນບໍລິເວນຫຸບເຂົາຊານເມືອງແຄນລັດວິນແລນທາງພາກເຫນືອຂອງອົດສະຕາລີຈຶ່ງໄດ້ຖ່າຍຮູບແລະສົ່ງໄປສອບຖາມນັກວິທະຍາສາດວ່າເປັນເຫັດຫຍັງກ່ອນຕໍ່ມານັກວິທະຍາສາດທີ່ມະຫາວິທະຍາໄລເຈນຄຸກໄດ້ຢືນຢັນວ່າມັນຄືເຫັດປະກາລັງໄຟພິດເຊິ່ງຖືເປັນຫນຶ່ງໃນເຫັດທີ່ມີພິດອັນຕະລາຍທີ່ສຸດໃນໂລກແລະນັບເປັນການພົບເຫັນປະກາລັງໄຟພິດຄັ້ງທຳອິດໃນປະເທດອົດສະຕາລີ

ນັກວິໄຈຂອງມະຫາວິທະຍາໄລເຈມຄຸກລະບຸວ່າຫາກໃຜສຳພັດເຫັດປະກາລັງໄຟພິດສາມາດເຮັດໃຫ້ເກີດແຜອັກເສບແລະຜິວຫນັງອັກເສບແລະຫາກຄົນກິນເຫັດປະກາລັງໄຟພິດເຂົ້າໄປມັນສາມາດທຳລາຍການເຮັດວຽກຂອງອະໄວຍະວະຕ່າງໆຈົນລົ້ມເຫລວແລະຍັງເຮັດໃຫ້ສະຫມອງໄດ້ຮັບຄວາມເສຍຫາຍໂດຍ ດຣ ແມດບາເລດຊີ້ວ່າໃນບັນດາເຫັດພິດຕ່າງໆນັບຮ້ອຍຊະນິດທີ່ນັກວິໄຈຮູ້ຈັກກັນນັ້ນເຫັດປະກາລັງໄຟພິດເປັນພິດພຽງຊະນິດດຽວທີ່ພິດຂອງມັນສາມາດດູດເຂົ້າສູ່ຮ່າງກາຍ ດຣບາເລກ່າວອີກວ່າເຫັດປະກາລັງໄຟພິດນີ້ເຄີຍຖືກພົບໃນ ຈີນ ໄທແລະປາບົວນິວກີນີເຊິ່ງຄາດວ່າກະແສລົມຄືປັດໄຈທີ່ຊ່ວຍພັດສະປໍຂອງເຫັດໄປເຕີມໂຕຍັງພື້ນທີ່ຕ່າງໆຊ່ວງຫລາຍພັນປີຜ່ານມາແລະການພົບເຫັດປະກາລັງໄຟພິດນັ້ນໃນປ່າຝົນໃກ້ໃນເມືອງແຄນນັບເປັນການພົບສະປີຊີຂອງພືດທີ່ບໍ່ເຄີຍມີການພົບມາກ່ອນເລີຍໃນອົດສະຕາລີຈຳນວນຫລາຍກວ່າ20ສະປີຊີໃນຊ່ວງ1ເດືອນຜ່ານມາ