ຫມໍຕະລຶງ ! ພົບສາວປ່ວຍເປັນໂລກຫາຍາກ ເລືອດປ່ຽນສີຈາກ ສີແດງໄປເປັນສີຟ້າ

ສໍານັກຂ່າວ The Guardian ລາຍງານວ່າຍິງສາວໄວ 25 ປີ ລາຍຫນຶ່ງ ທີ່ອາໄສຢູ່ໃນເຂດນິວອິງແລນ ລັດໂລດໄອແລນ ໄດ້ເດີນທາງເຂົ້າຮັກສາທີ່ໂຮງໝໍຢ່າງເລັ່ງດ່ວນຫຼັງພົບວ່າເລືອດຂອງຕົວເອງໄດ້ປ່ຽນຈາກ ສີແດງເປັນສີຟ້າເຂັ້ມ ພຽງຂ້າມຄືນ ຈາກບົດຄວາມໃນວາລະສານການແພດນິວອິງແລນ ລະບຸວ່າກ່ອນຫນ້ານີ້ລາວກິນຢາແກ້ປວດເພື່ອຮັກສາອາການປວດ ແຂ້ວແຕ່ເມື່ອຕື່ນໃນເຊົ້າມື້ຕໍ່ມາລາວກໍ່ຟ້າວມາໂຮງຫມໍພ້ອມກັບບອກຫມໍວ່າຂ້ອຍບໍ່ມີແຮງ ແລະ ເລືອດຂອງຂ້ອຍກາຍເປັນສີຟ້າ

ດຣ ໂອທິດວໍເລນແພດປະຈໍາຫ້ອງສຸກເສີນທີ່ໂຮງຫມໍມີເລຍ ໂຣດໄອແລນ ວິນິດໄສວ່າ ລາວປ່ວຍເປັນ ພາວະເມີຮີໂມໂກບິນນີເມຍ ຫຼື ຄວາມຜິດປົກກະຕິຂອງເລືອດທີ່ຫາໄດ້ຍາກຈຶ່ງເຮັດໃຫ້ສ່ວນຕ່າງໆຂອງຮ່າງກາຍລວມເຖິງເລືອດມີສີຄ້ຳດຳ ຂ້ອຍເຄີຍເຫັນຄົນທີ່ປ່ວຍເປັນໂລກນີ້ມາແລ້ວ ສີຜິວຂອງພວກເຂົາເບິ່ງຄືກັນຫຼາຍ ເຖິງວ່າຂ້ອຍຈະເຫັນພຽງຄັ້ງດຽວແຕ່ມັນກໍ່ຍັງຕິດຕາຈົນເຖິງທຸກມື້ນີ້ ອາການນີ້ມັກຖືກກະຕຸ້ນໂດຍຢາທີ່ມີສານປະກອບຂອງ ເບນໂຊເຄນເຊີ່ງແມ່ນວ່າຄົນເຈັບຈະເນັ້ນກັບເຮົາວ່າລາວບໍ່ໄດ້ກິນຢາເຂົ້າໄປຫມົດກວດແຕ່ອາການທີ່ສະແດງອອກມານັ້ນເຫັນໄດ້ຊັດເລີຍວ່າລາວກິນຢາໄປຫຼາຍ ເຊິ່ງຫາກລາວຍັງຄົງກິນຢາດັ່ງກ່າວ ແລະ ບໍ່ເຂົ້າຮັບການຮັກສາຈະເຮັດໃຫ້ເມດຮິໂມໂກນບິນເພີ່ມສູງຂຶ້ນຈົນລາວເສຍຊີວິດ

ເມື່ອການວິໄຈສຳເລັດລາວຈຶ່ງໄດ້ຮັບການຮັກສາດ້ວຍຢາແກ້ພິດ ເມທີລິນບູເຊິ່ງພາຍໃນບໍ່ພໍເທົ່າໃດນາທີລາວບອກວ່າ ຮູ້ສຶກດີຂຶ້ນຫລາຍ ແຕ່ແພດຍັງບໍ່ອະນຸຍາດໃຫ້ກັບບ້ານຕ້ອງນອນໂຮງຫມໍເພື່ອຕິດຕາມອາການກ່ອນ ໂດຍລາວຈະກັບບ້ານໄດ້ກໍ່ຕໍ່ເມື່ອຄ່າເລືອດກັບມາປົກະຕິພ້ອມກັບຕ້ອງນຳເອກະສານກຳກັບຢາໄປໃຫ້ຫມໍທີ່ຈ່າຍຢາແກ້ປວດບໍ່ຮູ້ຊະນິດແຜງນັ້ນໃຫ້ກັບລາວ