ເມຍຫຼວງຮ່ວມມືກັບເມຍນ້ອຍ ລຸມຕີຜົວ ໃນຂະນະທີ່ຜົວກຳລັງຈະຫາສາວຄົນໃໝ່ເປັນເມຍຄົນທີ່ 3

ຜູ້ໃຊ້ທະວິດເຕີຊື່ @madhavpramod1 ໂພສຄຣິບ ເມື່ອວັນພຸດທີ່ຜ່ານມາ (11 ກັນຍາ ) ເຫດການຂະນະທີ່ຜູ້ຍິງ 2 ຄົນ ໃຊ້ຜ່າມືຂອງຕົນຕົບຕີຊາຍອີກຄົນໜຶ່ງ ດ້ວຍຄວາມບໍ່ພໍໃຈ.
ຜູ້ທີ່ໂພສລະບຸວ່າ ຊາຍຄົນທີ່ຖືກຕົບຕີ ແມ່ນສາມີຂອງຜູ້ຍິງສອງຄົນນີ້ ສ່ວນສາເຫດທີ່ເຮັດໃຫ້ພວກເຂົາບໍ່ພໍໃຈ ຍ້ອນສາມີນີ້ ກຳລັງຊອກຫາຜູ້ຍິງຄົນໃໝ່ມາເປັນເມຍຄົນທີ 3 ໂດຍທີ່ຍັງບໍ່ໄດ້ຢ່າຮ້າງເມຍຢ່າງຖືກຕ້ອງຕາມກົດໝາຍ.

ບໍ່ພຽງແຕ່ເທົ່ານັ້ນ ຫລັງຈາກກຸ່ມຊາຍໜຸ່ມທີ່ຮູ້ເລື່ອງ ບາງຄົນກໍ່ມາຊ່ວຍທຸບຕີຊາຍຄົນນີ້ຄືກັນ. ໃນເວລາດຽວກັນ ບາງຄົນເຂົ້າມາຫ້າມ ບໍ່ຢາກໃຫ້ເລື່ອງລາວຮ້າຍແຮງໄປຫຼາຍກວ່ານີ້.
ເຖິງຢ່າງໃດກໍ່ຕາມ, ຜູ້ໂພສລະບຸວ່າ ຫຼັງຈາກເກີດເຫດການທີ່ວຸ້ນວາຍດັ່ງກ່າວ ພັນລະຍາທັງສອງໄດ້ພາຜົວຂອງຕົນໄປສົ່ງຕຳຫຼວດ ເພື່ອດຳເນີນຄະດີຕໍ່ໄປ.