ຄວນອ່ານ ! ການຮັກສາໂລກຕິດເຫຼົ້າ

ເປັນພະຍາດທີເປັນບັນຫາຢູ່ປະເທດໄທຫຼາຍ, ນອກຈາກນັ້ນ, ຢູ່ຕ່າງປະເທດກໍມີຫລາຍ ປະຈຸບັນປະຊາຊົນທີ່ປ່ວຍເປັນໂລກນີ້ນັບມື້ນັບຫຼາຍຂື້ນ. ຈົນເກີດການປຸກລະດົມຂອງລັດຖະບານໄດ້ມາຄວບຄຸມ ແລະ ຫຼຸດຜ່ອນການດື່ມເຫຼົ້າ. ການດື່ມຫຼາຍເກີນໄປອາດຈະສ້າງບັນຫາໃຫ້ແກ່ຕົວທ່ານເອງ ແລະ ຜູ້ອື່ນ, ມັນສົ່ງຜົນກະທົບທາງລົບຕໍ່ສຸຂະພາບຂອງຜູ້ທີ່ດື່ມເຫຼົ້າຫຼາຍ ແລະ ຍັງສົ່ງຜົນກະທົບຕໍ່ສະພາບຈິດໃຈ. ນອກຈາກນັ້ນ, ມັນຍັງກໍ່ໃຫ້ເກີດຄວາມວຸ້ນວາຍໃນການຜິດຖຽງກັນ, ການດື່ມເຫຼົ້າຈົນຕ້ອງເຮັດໃຫ້ວຽກງານບໍ່ມີປະສິດທິພາບ, ບໍ່ມີຄວາມສຸກໃນຄອບຄົວ. ເຫຼົ້າແມ່ນເປັນສາເຫດອັບດັບໜຶ່ງ ໃນບັນດາອຸປະຕິເຫດທີ່ເກີດຂື້ນຕາມຖະໜົນຫົນທາງ.

ໂລກກີນເຫລົ້າຫລາຍ, ດັ່ງທີ່ພວກເຮົາຮູ້ກັນດີວ່າເຫຼົ້າມີຜົນກະທົບທາງລົບຫລາຍຕໍ່ສຸຂະພາບ, ເຮັດໃຫ້ຮ່າງກາຍອ່ອນເພຍ. ຜູ້ທີ່ເລີ່ມຕົ້ນດື່ມກໍເລີ່ມດື່ມເຫຼົ້າໜ້ອຍໜຶ່ງ ຕໍ່ມາກໍຈະດື່ມຫຼາຍຂື້ນເພາະວ່າຮ່າງກາຍມີຄວາມຕ້ານທານຫຼາຍແລະ ຮ່າງກາຍຕ້ອງການເຫຼົ້າຫຼາຍຂຶ້ນ ຈົນເຮັດໃຫ້ມັນຕິດ ແລະ ຕ້ອງການດື່ມເຫຼົ້າຢູ່ເລື່ອຍໆ. ການດື່ມຫຼາຍຈົນວ່າຄໍແຂງນັ້ນກໍຍ້ອນວ່າດື່ມຈົນມັນລຶ້ງເຄີຍນັ້ນເອງ. ເມື່ອໄດ້ດື່ມເປັນປະຈໍາ ຈະເຮັດໃຫ້ເກີດອາການຕິດເຫຼົ້າທັງຮ່າງກ່າຍ ແລະ ຈິດໃຈ.

ຖ້າທ່ານບໍ່ໄດ້ດື່ມ, ທ່ານຈະມີອາການປັ່ນປ່ວນ, ປວດຮາກ ປັນຫາຈາກສຸຂະພາບມັກເຮັດໃຫ້ເກີດ ໂລກຫົວໃຈ, ໂລກເບົາຫວານ, ລະບົບທາງເດີນອາຫານມີບັນຫາ, ສະມັດທະພາບທາງເພດເສື່ອມ, ລະບົບປະສາດເສຍຫາຍ ແລະ ເພີ່ມສ່ຽງໃນການເປັນໂລກມະເຣັງ
ວິທີໃນການເລິກເຫຼົ້າແມ່ນຂື້ນຢູ່ກັບບຸກຄົນ ແລະ ສະພາບແວດລ້ອມ. ຄອບຄົວແມ່ນສ່ວນໜຶ່ງທີ່ສຳຄັນໃນການໃຫ້ກຳລັງໃຈກັບຜູ້ທີ່ຕ້ອງການເຊົາດື່ມເຫຼົ້າ. ໂດຍທົ່ວໄປ, ຖ້າຢາກເຊົາ, ຕ້ອງເຊົາດື່ມ, ຄຽງຄູ່ກັບການຮັກສາຂອງຮ່າງກາຍທີ່ເສື່ອມໂສມ ຈາກການເປັນພິດຂອງເຫຼົ້າເຊັ່ນກັນ.

  • ອາຫານທີ່ດີ: ການກິນອາຫານທີ່ເໝາະສົມສາມາດຊ່ວຍຫຼຸດຜ່ອນການຕິດເຫຼົ້າທີ່ເປັນໂລກຕິດເຫຼົາເຮື້ອຮັງ ເນື່ອງຈາກຂາດສານອາຫານ. ຖ້າຫາກກິນອາຫານໃຫ້ເໝາະສົມ ສາມາດຊ່ວຍໃນການຢາກດື່ມເຫຼົ້ານ້ອຍລົງ ກິນອາຫານທີມີວິຕາມິນ ແລະ ແຮ່ທາດຈຳນວນຫຼາຍຈະຊ່ວຍໃນເລື່ອງການເຮັດວຽກຂອງສະໝອງ ແລະ ລະບົບປະສາດ, ເຮັດໃຫ້ຄວາມຕ້ອງການເຫຼົ້າຫຼຸດລົງ. ນອກຈາກນັ້ນ, ມັນຍັງມີກົດອະມິໂນ. ການຊ່ວຍໃນເລື່ອງອາລົມ ແລະ ວິຕາມິນ B12 ທີ່ມີຄວາມຈຳເປັນເພາະມັນຈະຊ່ວຍໃນການຫຼຸດຜ່ອນຄວາມຢາກເຫຼົ້າໄດ້ເຊັ່ນດຽວກັນ, ແຕ່ພວກຄາເຟອີນ ແລະ ນິໂຄຕິນ ພົບວ່າເພີ່ມຄວາມຕ້ອງການເຫຼົ້າຫຼາຍຂື້ນ.
  • ອອກກຳລັງກາຍ: ການອອກກຳລັງກາຍເປັນປະຈຳສາມາດຫລຸດຜ່ອນຄວາມຢາກດື່ມເຫຼົ້າໄດ້. ເຮັດໃຫ້ຫຼຸດຜ່ອນຄວາມຕຶງຄຽດ ໃຊ້ກຳລັງໃນທາງທີ່ເປັນປະໂຫຍດ, ປ້ອງກັນຄວາມເສື່ອມຂອງສະໝອງ.
  • ໂຍຄະແລະສະມາທິ: ຊ່ວຍໃນການປັບປຸງເສີມສ້າງຮ່າງກາຍ ແລະ ຈິດໃຈໃຫ້ດີຂື້ນ. ເພີ່ມຄວາມຕັ້ງໃຈທີ່ຈະຫຼຸດຜ່ອນການເຊົາດື່ມເຫຼົ້າ. ບັນເທົາຄວາມຄຽດ ໃນບາງທ່າທາງຂອງໂຍຄະມີຜົນຕໍ່ໂລກຕິດເຫຼົ້າໄດ້.
  • ການຝັງເຂັມ: ແມ່ນພູມປັນຍາຂອງຊາວຈີນ, ມັນມີປະໂຫຍດໃນການຕ້ານທານກັບຄວາມຢາກດື່ມເຫຼົ້າໄດ້ ແລະສານເສບຕິດຊະນິດອື່ນໆ ການຝັງເຂັມສາມາດຫຼຸດຜ່ອນອາການຊຶມເສົ້າ ແລະ ກະຕຸ້ນເຮັດໃຫ້ສຸຂະພາບແຂງແຮງ.
  • ນ້ຳມັນໝາກພ້າວ: ຄຸນປະໂຫຍດຂອງນໍ້າມັນໝາກພ້າວແມ່ນອຸດົມໄປດ້ວຍສານຕ້ານອະນຸມູນອິດສະຫຼະ ແລະ ບຳລຸງສະໝອງ, ນໍ້າມັນໝາກພ້າວຍັງມີສານໃນການເຊົາດື່ມເຫຼົ້າອີກດ້ວຍ. ເຊິ່ງການກິນນໍ້າມັນໝາກພ້າວ 2-3 ຈອກທຸກໆມື້.
  • ໝາກແຕ່ງຂົມ: ຈະຕ້ອງເປັນໝາກແຕງຂົມທີ່ມີຂະໜາດນ້ອຍເທົ່ານັ້ນ, ເປັນສະໝຸນໄພຈາກທຳມະຊາດທີ່ຊ່ວຍຮັກສາ ແລະ ກຳຈັດພິດຂອງເຫຼົ້າໄດ້ ແລະ ຍັງຊ່ວຍເສີມສ້າງຕັບໃຫ້ແຂງແຮງອີກດ້ວຍ.