ຊາຍໜຸ່ມແຕ່ງເມຍ 2 ສາວພ້ອມກັນ ບໍ່ຕ້ອງເລືອກໃຫ້ຫຍຸ່ງຍາກ, ບໍ່ຕ້ອງເຈັບທັງ 2 ຄົນ

ເອີ້ນວ່າຢູ່ໃນຄວາມສຳພັນແບບຫຼໍ່ເລືອກໄດ້ສຸດໆ ສຳລັບຊາຍໜຸ່ມຄົນໜຶ່ງ ທີ່ໄດ້ຄົບກັບແຟນສາວທີ່ບໍ່ແມ່ນມີພຽງແຕ່ 1 ຄົນ ແຕ່ມີເຖິ່ງ 2 ຄົນ ຢ່າງໃດກໍຕາມ ເມື່ອງຮອດເວລາທີ່ຈະເລີ່ມຕົ້ນຊີວິດຄອບຄົວຢ່າງເປັນທາງການ ລາວກໍບໍ່ຢາກທຳຮ້າຍຈິດໃຈສາວຄົນໃດຄົນໜຶ່ງ ບໍ່ຢາກທີ່ຈະຕ້ອງເລືອກ ສຸດທ້າຍຈຶ່ງຕັດສິນໃຈໃຊ້ທາງອອກທີສາມາດຖະໜອມນ້ຳໃຈຂອງທັງ 2 ຄົນ ນັ້ນກໍຄື: ການແຕ່ງງານກັບ 2 ສາວ ພ້ອມໆກັນເລີຍ.

ເມື່ອວັນທີ່ 27 ສິງຫາ 2019 ເວັບໄຊສ ນິວຍອກໂພສ ລາຍງານວ່າ ງານແຕ່ງງານ 1 ເຈົ້າບ່າວ 2 ເຈົ້າສາວ ດັ່ງກ່າວ ແມ່ນເກີດຂື້ນຢູ່ປະເທດ ອີນໂດເນເຊຍ ເຖິ່ງແມ້ວ່າການມີຄູ່ສົດລົດຫຼາຍຄົນຈະບໍ່ແມ່ນເລື່ອງແປກໃນຊຸມຊົນມຸສລິນ ແຕ່ຕາມກົດໝາຍອິນໂດເນເຊຍແລ້ວ ຜົວຈະສາມາດມີເມຍເພີ່ມໄດ້ ກໍຕໍ່ເມື່ອໄດ້ຮັບການອະນຸຍາດຈາກເມຍຄົນທຳອິດແລ້ວເທົ່ານັ້ນ.

ດັ່ງນັ້ນພາບຂອງເຈົ້າບ່າວທີ່ກຳລັງເຂົ້າພິທີແຕ່ງງານ ເຊິ່ງມີເຈົ້າສາວ 2 ຄົນຢືນຮຽງຂ້າງຊ້າຍ-ຂວາແບບນີ້ ຈຶ່ງກາຍມາເປັນພາບທີ່ແປກຕາ ແລະ ຖືກແຊຣຕໍ່ໄປທົ່ວໂຊຊຽວມີເດຍອິນໂດເນເຊຍ ເຊິ່ງພົບວ່າ ຫຼັບຈາກທີ່ວິດີໂອພິທີແຕ່ງງານໄດ້ຖືກນຳມາເຜີຍແຜ່ວັນທີ 17 ສິງຫາ ໃນຕອນນີ້ມີຄົນເຂົ້າໄປເບິ່ງແລ້ວ 1.1 ລ້ານກວ່າເທື່ອ.

ທັງນີ້ ພັບວ່າເຈົ້າບ່າວເອງກໍຕື່ນເຕັ້ນບໍ່ໜ້ອຍ ລາວຕ້ອງກ່າວຄຳສວດໃນພິທີຮອດ 2 ຮອບຈຶ່ງຄືກຕ້ອງ ແລະ ຫຼັງຈາກພິທີແລ້ວໆ ຝ່າຍເຈົ້າກໍໄດ້ສຳພາດກັບສື່ທ້ອງຖິ່ນວ່າ “ໃຈຂອງຂ້ອຍບໍ່ສາມາດທົນເຫັນພວກເຂົາທັງສອງຄົນເຈັບປວດໄດ້ ດັ່ງນັ້ນຂ້ອຍເລີຍຕັດສີ້ນໃຈແຕ່ງງານກັບພວກເຂົາທັງສອງຄົນ”.