ສິ່ງທີ່ຫ້າມເຮັດເດັດຂາດຫຼັງເລີກກັບແຟນ ! ຖ້າບໍ່ດັ່ງນັ້ນຈະຍິ່ງເຈັບບໍ່ເຊົາ

ເລື່ອງຄວາມຮັກຖືເປັນເລື່ອງທີ່ຄາດການບໍ່ໄດ້ແທ້ໆ ບໍ່ວ່າສາວໆຈະມີຄວາມໝັ່ນໃຈວ່າຄົນຮັກຂ້າງກາຍເປັນຄົນທີ່ດີ ແລະ ພ້ອມທີ່ຈະດູແລຄຽງຂ້າງກັນໄປຍາວນານພຽງໃດ ແຕ່ເມື່ອເຖິງເວລາຄົນບໍ່ແມ່ນກໍ່ຍ່ອມເດີນຈາກໄປຢູ່ດີ ດັ່ງນັ້ນເມື່ອຮັກມາເຖິງທາງຕັນ ສິ່ງທີ່ເຈົ້າຈໍາເປັນຕ້ອງເຮັດໃຫ້ໄດ້ກໍ່ຄື ການກຽມຮັບມືໃນຊ່ວງທີ່ຖືກແຟນຖິ້ມ ຫຼື ອົກຫັກນັ້ນເອງ ມື້ນີ້ເຮົາຈຶ່ງມີຂໍ້ຄິດດີໆກ່ຽວກັບສິ່ງທີ່ຫ້າມເຮັດຫຼັງເລີກກັບແຟນ ອົກຫັກແບໃດເຮັດໃຫ້ສາວໆແຂງແກ່ນໄດ້ຫຼາຍຂຶ້ນ ມີຫຍັງແນ່ທີ່ຫ້າມເຮັດເດັດຂາດ ເພາະຍິ່ງເຮັດຍິ່ງເຈັບແນ່ໆ ມາເບິ່ງໄປພ້ອມກັນເລີຍເນາະ.

1 ແອບສ່ອງເຂົາບໍ່ເຊົາ
​ຂໍ້ທຳອິດທີ່ຢາກໃຫ້ສາວໆທັງຫຼາຍເຮັດໃຫ້ໄດ້ກໍ່ຄື ການເຊົາສ່ອງເບິ່ງເຂົາໃນຊ່ອງທາງສື່ອອນລາຍຕ່າງໆເພາະຍິ່ງສ່ອງໄປກໍ່ມີແຕ່ຍິ່ງເຮັດໃຫ້ເຈົ້າຕັດໃຈໄດ້ຍາກຫຼາຍຂຶ້ນ ດັ່ງນັ້ນເມື່ອຕ່າງຄົນຕ່າງຕ້ອງແຍກທາງກັນໄປ ເດີນໜ້າຕໍ່ໄປຈະດີກວ່າ ຢ່າວົນວຽນກັບມາຢູ່ກັບສິ່ງເກົ່າໆ ເພາະເມື່ອໃດກໍ່ຕາມທີ່ເຈົ້າສ່ອງເຂົາ ແລະ ໄປພົບກັບເຂົາຢູ່ກັບແຟນໃຫ່ມຈະເຮັດໃຫ້ເຈັບຈີດຫົວໃຈຫຼາຍຂຶ້ນ.

2 ຕື້ເຂົາໃຫ້ກັບມາ
​ຂໍ້ນີ້ກໍ່ບໍ່ຄວນເຮັດເດັດຂາດເລີກແລ້ວກໍ່ຍັງຕາມຕື້ບໍ່ເຊົາ ພຶດຕິກໍາແບບນີ້ນອກຈາກຈະບໍ່ຊ່ວຍໃຫ້ເກີດປະໂຫຍດແລ້ວຍັງເຮັດໃຫ້ເຈົ້າເບິ່ງບໍ່ດີໃນສາຍຕາຄົນອື່ນ ອີກດ້ວຍສະນັ້ນເມື່ອໃດກໍ່ຕາມທີ່ເຈົ້າອົກຫັກ ຫຼື ຖືກແຟນບອກເລີກໃຫ້ເຈົ້າເຮັດໂຕໃຫ້ງາມຂຶ້ນ ແຂງແກ່ນຂຶ້ນໄວ້ເຮັດຈັ່ງໃດກໍ່ໄດ້ໃຫ້ເຂົາຮູ້ສຶກເສຍດາຍທີ່ບອກເລີກເຈົ້າ.

3 ຟັງເພງເສົ້າຊໍ້າໄປຊໍ້າມາ
​ອີກໜຶ່ງສິ່ງທີ່ສາວໆມັກເຮັດກັນຫຼັງຈາກອົກຫັກກໍ່ຄືເຮັດໂຕແບບນາງເອກ ເອັມວີ ເປີດເພງເສົ້າຟັງຊໍ້າໄປຊໍ້າມາ ການກະທຳແບບນິ້ເຖິງແມ່ນຈະເປັນການປົດປ່ອຍຄວາມເສົ້າທີ່ມີໃນຕົວເຈົ້າ ແຕ່ກໍ່ເປັນການຕອກຢໍ້າອາລົມຄວາມຮູ້ສຶກໃຫ້ເຈັບຊໍ້າໆ ໄປເລື້ອຍໆໄດ້ເຊັ່ນກັນດັ່ງນັ້ນເມື່ອໃດກໍ່ຕາມທີ່ອົກຫັກ ລອງຫັນມາຟັງເພງສະໜຸກສະໜານ ລຸກຂຶ້ນມາໂຍກຕາມຈັ່ງຫວະສຽງເພງສະຫຼັດຄວາມເສົ້າຖິ້ມໄປ ຈະດີຕໍ່ຕົວເຈົ້າຫຼາຍທີ່ສຸດ.

4 ມີຄົນໃຫ່ມເພື່ອປະຊົດຄົນເກົ່າ
​ເລື່ອງຄວາມຮັກມັນຕ້ອງໃຊ້ເວລາຍິ່ງເປັນຄວາມຮັກທີ່ໄວວາຫຼາຍພຽງໃດສຸດທ້າຍກໍ່ໄປບໍ່ລອດ ດັ່ງນັ້ນສາວໆທີ່ຄິດວ່າຈະມີຄົນໃໝ່ທັນທີເພື່ອປະຊົດຄົນເກົ່າ ຂໍໃຫ້ຢຸດຄວາມຄິດນີ້ເອົາໄວ້ກ່ອນມັນເປັນເພາະຄວາມເຫງົາທີ່ເກີດຂຶ້ນ ແລະ ອາລົມທີ່ຕ້ອງການເອົາຊະນະເທົ່ານັ້ນ ຊ່ວງຫຼັງອົກຫັກໃຫ່ມໆຢູ່ກັບໝູ່ຫຼືຄອບຄົວໄປກ່ອນ ຫາແນວເຮັດໃຊ້ຊີວິດຢ່າງທີ່ຕ້ອງການ ແລ້ວຄົນທີ່ໃຊ້ກໍ່ຈະເຂົ້າມາເອງ.
​ໃຜທີ່ກໍາລັງຢູ່ໃນໂໝດອົກຫັກ ໂດນເທຫົວໃຈເຊບໍ່ມີທີ່ເພິ່ງ ລອງເອົາເຄັດລັບເຫຼົ່ານີ້ໄປໃຊ້ ຈະເຮັດໃຫ້ເຈົ້າອົກຫັກໄດ້ຢ່າງແຂງແກ່ນຫຼາຍຂຶ້ນ ຈັ່ງໃດກໍ່ຂໍເປັນກໍາລັງໃຈໃຫ້ທຸກໆຄົນທີ່ຕົກຢູ່ໃນສະຖານະການແບບນີ້ຈົ່ງເດີນໜ້າຮັບສິ່ງໃໝ່ໆທີ່ຈະເຂົ້າມາໃນຊີວິດໄປພ້ອມໆກັນ.