6 ວິທີງໍ້ແຟນແນວໃດໃຫ້ຫາຍຄຽດ !

​ເປັນເລື່ອງທຳມະດາທີ່ຄົນມີແຟນຕ້ອງມີເລື່ອງຜິດກັນແນ່ ກໍ່ເປັນມະນຸດປົກກະຕິມີຮັກ ໂລບ ໂກດ ຫຼົງຄືກັນຫັ້ນແລະ ແຕ່ເລື່ອງເລັກນ້ອຍເຊັ່ນວ່າລືມໂທຫາ, ລືມທ້ວງຊົງຜົມໃໝ່ທີ່ເຂົາຫາກໍ່ຕັດມາມື້ວານ ເຜີອອກຄວາມ້ຫັນໃນເລື່ອງທີ່ເຂົາຂັດຄ້ານແທບຫົວຊົນຝາ ເທົ່ານັ້ນແລະລະເບີດລົງ ຜິດກັນຈະເປັນຈະຕາຍ ແລະຈົບລົງດ້ວຍການຍ່າງໜີໄປຢ່າງເຢັນຊາ ເຖິງປານນີ້ກໍ່ຍັງເຂົ້າຫນ້າກັນບໍ່ຕິດເລີຍ ພຽງແຕ່ເລື່ອງຫຍຸມຫຍິມແທ້ໆ ບໍ່ຢາກໃຫ້ເຖິງຂັ້ນແຕກຫັກເລີຍຈະເຮັດແນວໃດດີ
​ການທີ່ຄົນສອງຄົນມາຮັກກັນຕ້ອງມີການປັບຄວາມເຂົ້າໃຈລົດຊະນິຍົມ ແລະ ຄວາມມັກເພື່ອຫາຈຸດທີ່ເຄິ່ງກາງໃຫ້ໄດ້ບາງຄັ້ງອາດເກີດອຸປະສັກທີ່ບໍ່ລົງລອຍ ກໍ່ອາດເຮັດໃຫ້ປຶງປັງໃສ່ກັນແນ່ແຕ່ຢ່າປ່ອຍໃຫ້ເລື່ອງໃຫ່ຍໂຕດ້ວຍບົດຄວາມງໍ້ແຟນ 6 ວິທີ ແບບນ່າຮັກກຸກກິກນີ້ຮັບຮອງວ່າອາລົມບູດໆຂອງແຟນຈະຫາຍໄປແທບປິດຖິ້ມເລີຍ ງ່າຍວ່ອງໄວໄດ້ຜົນແທ້ໄວ້ໃຈພວກເຮົາ ໄປເບິ່ງກັນເລີຍວ່າຕ້ອງເຮັດແນວໃດແນ່

1 ພຽງແຕ່ເອີ່ຍປາກກັບເຂົາໄປຕົງໆວ່າຂ້ອຍຂໍໂທດເດີ
​ອັນທີ່ຈິງແລ້ວເຫດການຜິດຖຽງກັນຈົນບ້ານແຕກນັ້ນມັກມີສາເຫດມາຈາກນໍ້າເຜິ້ງຢົດດຽວເຊັ່ນ: ຄຳເວົ້າຮ້າຍໆຈາກຝ່າຍໃດຝ່າຍໜຶ່ງເຊັ່ນ: ເຈົ້ານີ້ມັນງີ້ເງົ້າແທ້ໆ ຖ້າບໍ່ເປັນແຟນກັບເຈົ້າຂ້ອບຄົງບໍ່ຕ້ອງພົບເລື່ອງແບບນີ້ໂຊກຮ້າຍແທ້ໆທີ່ມາຕົກລົງຄົບກັບເຈົ້າ ທັງທີ່ສາເຫດອາດພຽງແຕ່ເຮັດກາເຟຂໍ້ວາ ໃສ່ເກີບຜິດເບື້ອງ ຫຼື ລືມປິດໄຟຫ້ອງນໍ້າເທົ່ານັ້ນເອງເມື່ອເລີ່ມຈາກຄວາມກ້ຽວກາດ ທຸກຢ່າງກໍ່ຍິ່ງຮ້າຍລົງ ຄໍາເວົ້າເລີ່ມທໍາຮ້າຍຄວາມຮູ້ສຶກອີກຝ່າຍຫຼາຍຂຶ້ນເລື້ອຍໆ

ຈາກຄວາມຄຽດເປັນຄວາມຊັງ ດ່າຂຶ້ນສຽງໃສ່ກັນ ໃນທີ່ສຸດອາດຈົບດ້ວຍຄໍາວ່າເຮົາເລີກກັນເທາະ ມັນຮຸນແຮງເຖິງຂະໜາດນີ້ເລີຍບໍ
​ໃນເມື່ອເກີດທີ່ຄໍາເວົ້າກໍ່ຕ້ອງຈົບດ້ວຍຄໍາເວົ້າ ຖ້າຮູ້ສຶກວ່າສະຖານະການເລີ່ມຄວບຄຸມບໍ່ຢູ່ເລືອດຂຶ້ນຫນ້າກັນທັງສອງ ຍອມລະຖິ້ມສັກສີລູກຜູ້ຍິງຊົ່ວຄາວ ຍອມຢຸດນິ້ງໄປສັກພັກແລ້ວບອກວ່າ ພໍເທາະ ຂ້ອຍຜິດເອງ ຂ້ອຍຂໍໂທດ ຮ້ອຍທັງຮ້ອຍບໍ່ມີໃຜຖຽງຕໍ່ແນ່ນອນ(ນໍ້າສຽງກໍ່ຕ້ອງຈິງໃຈແນ່ເດີ) ເທື່ອໜ້າຖ້າເກີດເລື່ອງທີ່ສ່ຽງຈະຜິດກັນອີກກໍ່ລະວັງຄໍາເວົ້າຢ່າໃຫ້ເກີດສົນລະວົນຂຶ້ນມາອີກ

2 ເລີ່ມເປີດດ້ວຍຄໍາຖາມ ມື້ນີ້ຢາກກິນຫຍັງເປັນພິເສດບໍ
​ອາດເບິ່ງຄືຕະຫຼົກແຕ່ການກິນນີ້ແລະເປັນວິທີດັບອາລົມໂກດຂອງມະນຸດໄດ້ສະຫງັດແທ້ ເມື່ອອີ່ມທ້ອງສະໝອງກໍ່ຈະລັ່ງສານມີຄວາມສຸກເຮັດໃຫ້ລົມງ່າຍຂຶ້ນ ຍິ່ງຖ້າເຈົ້າເປັນແມ່ຄົວຫົວເດັດເຮັດອາຫານແຊບຢູ່ແລ້ວຍິ່ງເຂົ້າທາງຫາກຄຽດກັນຢູ່ຢາກຄືນດີແຕ່ບໍ່ຮູ້ຈະເຂົ້າຫາທາງໃດດີ ໃຊ້ອາຫານ ແລະ ເຂົ້າຮ້ອນໆນີ້ແຫຼະເປັນໃບເບີກທາງ ຍິ່ງຖ້າເປັນເມນູຈານໂປດຂອງແຟນ ຮ້ອຍທັງຮ້ອຍກໍ່ຕ້ອງຍອມເປີດປາກລົມກັບເຈົ້າແນ່ນອນ

​ເຮັດອາຫານທີ່ເຂົາມັກໃສ່ກ່ອງຫນ້າຮັກໆຫໍ່ດ້ວຍຜ້າລາຍງາມແລ້ວແອບເອົາໄປໃຫ້ເຂົາໃນຫ້ອງຮຽນຫ/ໂຕະເຮັດວຽກ ຫຼືຖ້າບໍ່ໄດ້ຮຽນ/ເຮັດວຽກນໍາກັນກໍ່ຫາທາງດັກພົບ ຫຼື ສົ່ງຂໍ້ຄວາມໄປວ່າ ເຮັດຂອງກິນມາໃຫ້ ອອກມາຫາແນ່ ແລງນີ້ຢາກກິນຫຍັງຂ້ອຍຈະເຮັດໃຫ້ກິນ ມື້ນີ້ເຂົາເຮັດແກງສົ້ມທີ່ເພິ່ນມັກ ຈະບໍ່ມາກິນແທ້ບໍ ຈະຄຽດຫຼາຍປານໃດກໍ່ຕ້ອງມີໃຈອ່ອນກັນແນ່ແລະ ເຊື່ອເຮົາ

3 ເວົ້າຄໍາຫວານໆຢ່າງຈິງໃຈວ່າ ຂ້ອຍຮັກເຈົ້າ
​ຖ້າລາວຖືສັກສີໜັກປາກບໍ່ຍອມເວົ້າຄໍາວ່າ ຂໍໂທດ ທັງທີ່ລາວເປັນຝ່າຍຜິດ ນອກຈາກບໍ່ຊ່ວຍໃຫ້ຫຍັງດີຂຶ້ນແລ້ວ ຍັງເຮັດໃຫ້ສູນເສຍຄົນຮັກດີໆໄປຄົນໜຶ່ງ( ແລະ ອາດຕາມມາອີກຫຼາຍໆຄົນ) ອີກດ້ວຍແຕ່ເອົາເທະ ຖ້າຍັງບໍ່ກ້າເວົ້າຄໍານັ້ນແທ້ໆ ເຮົາແນະນຳໃຫ້ເຈົ້າເວົ້າສາມຄໍາສັ້ນໆ ແຕ່ມີອິດທິພົນມະຫາສານກັບຄວາມຮູ້ສຶກນັ້ນຄື ຂ້ອຍຮັກເຈົ້າ ໃດລະ
​ຄໍາວ່າ ຮັກ ປຽບເໝືອນວັກຊິນ ຊ່ວຍຢຽວຢາຄວາມເຢັນຊາໄດ້ ມີອະນຸພາບຫຼອມຫົວໃຈທີ່ແຂງກ້າດ້ວຍຄວາມໂກດໃຫ້ກັບມາອ່ອນໄຫວ ແລະ ພ້ອມທີ່ຈະຟັງຄໍາຈາກຄົນຂ້າງຕົວອີກ ຈົ່ງຢ່າອາຍທີ່ຈະບອກຮັກແຟນຢ່າງໜັກແໜ້ນ ແລະ ຈິງໃຈ ຖ້າໃຊ້ວິທີນີ້ແລ້ວແຟນບໍ່ສົນໃຈ ກໍ່ສົມຄວນບອກລາວຢ່າງຈິງຈັງແລ້ວລະ

4 ຈັບມືຂອງອີກຝ່າຍໄວ້ໃຫ້ແຫນ້ນ
​ພະລັງຂອງການສໍາພັດ ມີອະນຸພາບຫຼວງຫຼາຍສາມາດເຮັດໃຫ້ເກີດຄວາມຮູ້ສຶກດີໆສົ່ງຕໍ່ຄວາມຫ່ວງໃຍຄວາມອ່ອນໂຍນ ແລະ ແມ່ນແຕ່ຄວາມຮັກໄດ້ ເຂົາອາດເຄີຍເຫັນຂ່າວທີ່ຜູ້ຊາຍເຝົ້າປໍນິບັດດູແລແຟນສາວທີ່ປະສົບອຸບັດຕິເຫດເປັນເຈົ້າຫຍິງນິທາ ເຂົາບໍ່ເຄີຍທີ່ຈະລະເລີຍການຈັບມືລາວແຫນ້ນໆ ເລົ່າເລື່ອງນັ້ນເລື່ອງນີ້ໃຫ້ຟັງ ມື້ຫນຶ່ງກໍ່ເກີດປະຕິຫານຫຍິງສາວຄົນນັ້ນຟື້ນຂຶ້ນຈາກການຫຼັບໄຫຼ ແລະ ກັບມາຄອງຄູ່ກັນອີກຄັ້ງ.

ຖ້າເຮົາຄຽດກັບແຟນໃນເລື່ອງເລັກໜ້ອຍ(ແຕ່ຕອນນີ້ເປັນເລື່ອງໃຫ່ຍໄປຮຽບຮ້ອຍ)ຢາກສະຫງົບສຶກແຕ່ບໍ່ຮູ້ຈະງໍ້ແບບກຸກກິກແນວໃດດີ ໃຊ້ການສຳພັດງ່າຍໆຢ່າງການຈັບມືນີ້ແລະ ບໍ່ຕ້ອງເອື້ອນເອີ່ຍຄໍາໃດພຽງແຕ່ຫຍັບເຂົ້າໄປໃກ້ໆອີກຝ່າຍທີ່ກໍາລັງຄຽດໆ ແລ້ວເອື້ອມມືໄປແຕະອີກຝ່າຍເບົາໆຖ່າຍທອດຄວາມຮູ້ສຶກສໍານຶກຜິດລົງໄປໃຫ້ເຕັມປ່ຽມ ຄັ້ງທໍາອິດອາດງົງ ແລະ ພະຍາຍາມປັດເມືອເຮົາອອກ ແຕ່ຖ້າເຮົາບໍ່ຍອມແພ້ສໍາພັດດ້ວຍແວຕາທີ່ຈິງໃຈບໍ່ດົນນານເຂົາຕ້ອງໃຈອ່ອນແນ່ນອນເຜີອາດອາດຈະເອີ່ຍປາກຂໍໂທດເຮົາກ່ອນກໍ່ເປັນໄດ້


5 ສວຍໂອກາດຫອມແກ້ມເຂົາເລີຍ
​ຂໍ້ນີ້ສໍາລັບຫນຸ່ມໆທີ່ມັກຄວາມເຊີໄພສ ການຫອມແກ້ມເບົາໆບໍ່ແມ່ນເລື່ອງເສຍຫາຍບໍ່ວ່າຝ່າຍຍິງຫຼືຊາຍກໍ່ສາມາດເຮັດໄດ້ ເຮົາບໍ່ຈໍາເປັນຕ້ອງເປັນພວກ ຈັບເນື້ອຖືກຕົວຜູ່ຊາຍປະຈໍາຈົນຊິນ ຫຼື ຄຸ້ນເຄີບກັບການກອດ ຫຼື ຫອມມາກ່ອນ ພຽງແຕ່ເຮົາສະແດງຄວາມກ້າທີ່ຈະເຮັດແຟນກໍ່ຕົກໃຈ(ແນ່ນອນຕ້ອງມັກ)ຈົນລືມຄວາມຄຽດໄປບໍ່ຫລາຍກໍ່ຫນ້ອຍແນ່ນອນ

ກໍາລັງມຶນຕຶງກັນຢູ່ເຫັນເຂົາຍ່າງຜ່ານມາຟ້າວສວຍໂອກາດຫາຈັງຫວະທີ່ເຫມາະສົມຍ່າງເຂົ້າໄປໃກ້ໆຈັບແຂນດຶງຫນ້າເຂົ້າມາຫອມໄວໆແບບເບົາໆຈັກເທື່ອຫນຶ່ງແລ້ວຖ້າເບິ່ງປະຕິກິລິຍາຂອງເຂົາເບິ່ງ ຖ້າຍັງບໍ່ຄືນດີກັນກໍ່ບໍ່ຮູ້ຈະເຮັດແນວໃດລະ

6 ຫຼັງຈາກຄືນດີກັນແລ້ວຟືນຟູຄວາມຮັກໃຫ່ມໃຫ້ໄສໄລກວ່າເກົ່າ
​ຊ່ວງເວລາທີ່ຜິດ ແລະ ຄຽດກັນຂອງບາງຄູ່ອາດກິນເວລານານເປັນອາທິດເປັນເດືອນໆຈົນເຮັດໃຫ້ຊ່ວງເວລາຫວານໆ ແອບເຫືອດຫາຍໄປແນ່ ຫຼືສາຍສໍາພັນເລີ່ມເຫີນຫ່າງກັນແລ້ວນັ້ນເອງເຮົາຈົງຢ່າປ່ອຍໃຫ້ຄວາມເຫີນຫ່າງຊົ່ວຄັ້ງຊົ່ວຄາວເຮົດໃຫ້ເຮົາແລະເຂົາກາຍເປັນຄົນແປກຫນ້າ ຟ້າວຄືນດີຊະ
ເມື່ອງໍ້ຈົນສໍາເລັດແລ້ວພະຍາຍາມຟື້ນຟູຄວາມມຸ້ງມິ້ງໃຫ້ເກີດຂຶ້ນມາໃຫ່ມກອດກັນໃຫ້ຖີ່ກວ່າເກົ່າມີຊ່ວເວລາຫວານໆ ພາໄປທ່ຽວກັນໃຫ້ຫຼາຍໆທົດແທນວັນເວລາທີ່ເສຍໄປກັບຄາບນ້ຳຕາ ແລະ ຄວາມມຶນຕຶງໃນອະດີດລຸກຂຶ້ນສູ້ໃຫ່ມ ແລະ ສ້າງຄວາມຊົງຈໍາດີໆຂຶ້ນອີກຄັ້ງເພາະເຮົາຕ້ອງກ້າວເດີນຕໍ່ໄປດ້ວຍກັນ


​ເຫດການຜິດກັນຂອງຄົນເປັນແຟນກັນເປັນເລື່ອງທຳມະດາຫຼາຍ(ຄົນຢູ່ນໍາກັນກໍ່ຕ້ອງມີເລື່ອງກະທົບກະເທືອນກັນແນ່ໃຜບໍ່ເຄີຍຜິກັບແຟນເລີຍເປັນເລື່ອງທີ່ແປກ)ຢ່າປ່ອຍໃຫ້ເກີດສົງຄາມເຢັນລະຫວ່າເຈົ້າທັງສອງຈົນກາຍເປັນຄວາມເຫີນຫ່າງໃນທີ່ສຸດກໍ່ກາຍເປັນຄົນແປກຫນ້າຕໍ່ກັນທັງທີ່ຍັງບໍ່ໄດ້ເອື້ອນເອີ່ຍຄໍາອໍາລາເປັນເລື່ອງທີ່ບໍ່ຄວນເກີດຂຶ້ນເລີຍ
ທາງທີ່ດີເມື່ອໃຊ້ວິທີເຂົ້າຫາຈົນເຂົາຍອມລົມນໍາແລ້ວນອກຈາກຂໍໂທດກໍ່ຄວນເປີດໃຈລົມກັນໃຫ້ເຂົ້າໃຈວ່າສາເຫດທີ່ແທ້ຈິງຂອງການຜິດກັນແມ່ນຫຍັງເພື່ອຈະໄດ້ບໍ່ເກີດເຫດການຜິດພາດຊໍ້າສອງອີກຂໍໃຫ້ສາວໆສົມຫວັງກັບຄວາມຮັກ ແລະ ກ້າວຜ່ານອຸປະສັກທຸກຢ່າງໄປໄດ້ນະ