4 ເຕັກນິກກິນເຂົ້າແລງແນວໃດ ! ໃຫ້ໄດ້ຫຸ້ນງາມແບບທີ່ຕ້ອງການ

ສຳລັບສາວໆທີ່ກຳລັງຫຼຸດນ້ຳໜັກ ແລະ ມີຄວາມກັງວົນໃຈວ່າຕົນສາມາດກິນອາຫານປະເພດໃດໄດ້ແດ່ ເພື່ອບໍ່ໃຫ້ນ້ຳໜັກເພີ່ມຂື້ນ ມື້ນີ້, ພວກເຮົາມີເຕັກນິກມາແນະນຳ ກ່ຽວກັບອາຫານຫຼຸດນໍ້າໜັກທີ່ຈະຊ່ວຍໃຫ້ສາວໆສາມາດກິນເຂົ້າແລງໄດ້ຢ່າງເໝາະສົມ ແລະ ຍັງຊ່ວຍເຮັດໃຫ້ບໍ່ມີຜົນກະທົບທາງລົບຕໍ່ສຸຂະພາບໂດຍການຫຼຸດເຂົ້າແລງເຊັ່ນກັນ ມາເບິ່ງກັນວ່າມີເຕັກນິກຫຍັງແດ່:

  • ເນັ້ນກິນໝາກໄມ້
    ຖືວ່າເປັນວິທີຫຼຸດນ້ຳໜັກທີ່ດີທີ່ສຸດສຳລັບສາວໆ ທີ່ກໍາລັງຄວບຄຸມນໍ້າໜັກ ຫຼື ລົດຄວາມອ້ວນ ໂດຍການກິນຜັກ ແລະ ໝາກໄມ້ແທນເຂົ້າແລງ ເພາະວ່າໝາກໄມ້ຖືວ່າເປັນອາຫານທີ່ບໍ່ໃຫ້ພະລັງງານ ນອກຈາກນັ້ນ, ຮ່າງກາຍຍັງໄດ້ຮັບວິຕາມິນ ແລະ ແຮ່ທາດທີ່ມີປະໂຫຍດທັງໝົດ, ກິນແນວໃດກໍບໍ່ຕຸ້ຍແນ່ນອນ.
  • ຫຼຸດປະລິມານອາຫານ
    ສຳລັບສາວໆທີ່ຢ້ານວ່າການກິນພຽງແຕ່ໝາກໄມ້ ແລະ ຜັກ ອາດເຮັດໃຫ້ບໍ່ຢູ່ທ້ອງ ແລະ ໄປຫິວເຂົ້າອີກຕອນເດິກ ພະຍາຍາມຫຼຸດປະລິມານອາຫານໃນຕອນແລງ. ຈາກທີ່ກິນອາຫານ 100%, ກໍອາດຈະຫຼຸດລົງປະມານ 50% ເພື່ອເຮັດໃຫ້ຮ່າງກາຍຄຸ້ນເຄີຍກັບປະລິມານອາຫານ. ຖ້າເຮັດເປັນປະຈໍາຈະຊ່ວຍຫຼຸດຄວາມຢາກອາຫານແລງ ແນ່ນອນ
  • ດື່ມນົມອຸ່ນ 1 ຈອກ
    ເຄື່ອງດື່ມທີ່ເໝາະສົມສຳລັບອາຫານຄ່ຳແມ່ນນົມອຸ່ນໆ ເຊື່ອຫລືບໍ່, ການດື່ມນົມອຸ່ນໆພຽງແຕ່ 1 ຈອກສາມາດເຮັດໃຫ້ທ່ານຮູ້ສຶກອີ່ມທ້ອງໄດ້ດົນ. ແຕ່ຕ້ອງເປັນນົມທີ່ບໍ່ມີປະລິມານນໍ້າຕານ ເພາະວ່ານໍ້າຕານໃນນົມສາມາດເຮັດໃຫ້ສາວໆອ້ວນຂຶ້ນໄດ້, ສະນັ້ນຖ້າທ່ານກຳລັງຊອກຫາເຄື່ອງດື່ມທີ່ຈະຊ່ວຍໃຫ້ທ່ານຮູ້ສຶກອີ່ມ ແລະ ຢູ່ທ້ອງພ້ອມບໍ່ເຮັດໃຫ້ນ້ຳໜັກເພີ່ມຂຶ້ນ, ນົມອຸ່ນໆນີ້ແມ່ນຄຳຕອບສຸດທ້າຍ.
  • ຫລີກລ້ຽງອາຫານທີ່ມີລິດເປັນກົດ
    ອາຫານທີ່ເປັນກົດທັງໝົດ ບໍ່ວ່າຈະເປັນຕົ້ມຍຳ, ຍຳໝາກໄມ້ຕ່າງໆ ຫລື ຍຳອາຫານທະເລ ສິ່ງເຫຼົ່ານີ້ແມ່ນເມນູທີ່ສາວໆຜູ້ທີ່ຢາກມີຮ່າງກາຍທີ່ສວຍງາມຄວນຫລີກລ່ຽງ ເພາະມັນເປັນອາຫານປະເພດ ໜຶ່ງທີ່ຈະກະຕຸ້ນການຫຼັ່ງນໍ້າຍ່ອຍຂອງກະເພາະໃນຮ່າງກາຍ ເຊິ່ງກໍ່ໃຫ້ເກີດອາການຫິວຫຼາຍຂຶ້ນ ຫຼື ບາງຄົນກິນເຂົ້າໄປອາດຈະເຮັດໃຫ້ເຈັບທ້ອງ, ບໍ່ດີຕໍ່ສຸຂະພາບ.