ກັນໂຣ່ ມີສ່ວນຮ່ວມ 2 ປະຕູ ຊ່ວຍໃຫ້ອີຕາລີ ແຊງ ອາເມເນຍ 5 ນັດລວດ ຄັດເຂົ້າໄປເຕະບານຢູໂຣ

ການປຂ່ງຂັນບານເຕະຊິງແຊ້ມແຫ່ງຊາດເອີຣົບ ຫຼື ຢູໂຣ 2020 ຮອບຄັດເລືອກ ກຸ່ມ ເຈ ວັນທີ່ 5 ກັນຍາ ທີມ ອັຣຊູຣີ ອີຕາລີ ເກັບໄດ້ 3 ແຕ້ມ ໄດ້ສຳເລັດ ໂດຍ ກັນໂຣ ອັນເດຣີຍ ເບລອດຕິ ໂຕເກັ່ງຈາກ ທີມ ຣິໂນ ມີສ່ວນຮ່ວມ 2 ປະຕູ ໃນການຊ່ວຍໃຫ້ບຸກຊະນະເອເມເນຍ 3-1 ໃນເກມນີ້ເຈົ້າບ້ານ ອາເມເນຍ ຍິງປະຕູຂື້ນນຳກ່ອນ 1-0 ໂດດຍອາເລັກຊານເດີ ຕາຣາເປທຽນ ໃນນາທີທີ່ 11 ແຕ່ຫຼັງຈາກນັ້ນອີຕາລີ ຍິງໄດ້ 3 ປະຕູລວດໂດຍເລີມຈາກ ອັນເດຣີ ນາທີ 28, ລໍເລັນໂຊຣ ເປຣເລັກຣີນີ ນາທີ 78 ແລະ ລູກຍິງຂອງເບລອດຕິ

ຍິງຕຳເສົາກ່ອນບານຈະເດັ້ງກັບມາໃສ່ຫົວຂອງຜູ້ຮັກສາປະຕູມືກາວຂອງເຈົ້າຖິ່ນເຂົ້າປະຕູໂຕເອງໃນນາທີ 80 ຈາກໄຊຊະນະເກມນີ້ເຮັດໃຫ້ອີຕາລີ ເກັບຕະແນນເພີ່ມເປັນ 15 ຄະແນນຈາກ 5 ນັດ ຊະນະລວດພ້ອມທັງກາຣັນຕີເປັນຈ່າຝູງກຸ່ມຕໍ່ໄປ ສ່ວນ ອາເມເນີຍ ມີ 6 ຄະແນນ ຈາກການລົງສະໜາມເທົ່າກັນຢູ່ອັນດັບທີ 3.