ວຽນນາຕິດອັນດັບເມືອງໜ້າຢູ່ທີ່ສຸດໃນໂລກ 2 ປີຊ້ອນ

ຊີເອັນເອັນລາຍງານວ່າກຸງວຽນນາ AUSTRIA ຂຶ້ນກຽມເປັນເມືອງທີ່ຫນ້າຢູ່ທີ່ສຸດໃນໂລກສອງປີຊ້ອນຈາກການຈັດອັນດັບປະຈຳປີຂອງບໍລິສັດວິໄຈອັງກິດ ດີ ອິໂຄໂນມິສ ອິນເທວລິເຈນ ຍຸນິດ ເຊິ່ງຈັດອັນດັບເມື່ອງທີໜ້າຢູ່ 140 ແຫ່ງທົ່ວໂລກເຊິ່ງຄວາມໜ້າຢູ່ຂອງກຸງວຽນນາຜະສົມຜະສານກັນລະຫວ່າງສະຖານປັດຕະຍະກຳພື້ນທີ່ສີຂຽວ ຮ້ານກາເຟເກົ່າແກ່.

ສ່ວນ 5 ອັນດັບທີ່ຕາມມາໄດ້ແກ່ເມືອງ ເມເບິນ ແລະ ຊິດນີໃນອົດສະຕາລີ, ໂອຊາກາໃນປະເທດຍີ່ປຸ່ນ ແລະ ຄັນຣກາຣີ ຂອງປະເທດການາດາ

ເງື່ອນໄຂທີ່ນຳໃຊ້ໃນການຈັດອັນດັບມີທັງປັດໃຈດ້ານຄຸນນະພາບ ແລະ ປະລິມານ, 5 ຕົວແປທີ່ມີຄວາມປອດໄພ (25%), ສາທາລະນະສຸກ (20%), ວັດທະນະທຳ ແລະ ສິ່ງແວດລ້ອມ (25%), ການສຶກສາ (10%) ແລະ ສາທາລະນຸປະໂພກ (20%).

ລູຊີແລມເຕີ ທູລີຣ,ຊາວນິວຢອກຜູ້ທີ່ເດີນທາງໄປເຮັດທຸລະກິດນຳທ່ຽວຢູ່ວຽນນາ ຕັ້ງແຕ່ປີ 2004, ເວົ້າວ່າວຽນນາແມ່ນງຽບສະຫງົບ, ສະອາດ ແລະ ອຸດົມສົມບູນໄປດ້ວຍວັດທະນະທຳໃນຂະນະທີ່ເນັ້ນໜັກ ວ່າສະຖານທີ່ແຫ່ງນີ້ຮູ້ສຶກປອດໄພກວ່າເມືອງອື່ນໆໃນເອີຣົບ ຫລື ສະຫະລັດອາເມລິກາ ແລະ ບໍ່ເຄີຍຄິດວ່າຈະຄຸ້ນເຄີຍກັບບັນດາຮ້ານທີ່ປິດໃນວັນອາທິດແຕ່ວ່າຫລັງຈາກໄດ້ດຳລົງຊີວິດກໍຮູ້ສຶກລຶ້ງເຄີຍ ແລະ ປ່ຽນແປງວິຖີຊີວິດໃນທີ່ສຸດ.

ໃນພາບລວມຈະເຫັນວ່າ 10 ອັນດັບເມືອງທຳອິດຢູ່ອົດສະຕາລີ ການາດາ ແລະ ຍີ່ປຸ່ນ ແຕ່ເອີຮົບກໍຕິດ 20 ອັນດັບທຳອິດມີ 8 ເມືອງຢູ່ພາກເໜືອ ຂອງເອີຣົບ, ລວມທັງເມືອງ ໂຄເປເຮເກັນ ຂອງເດັນມາກ, ອັນດັບ 9 ເມືອງຊູລີສ ຂອງສະວິດເຊີແລນ, ອັນດັບ 11 ແຟ້ງເຟີດຂອງເຢຍລະມັນ, ອັນດັບທີ່ 12 ແລະ ເຈນີວາຂອງສະວີສເຊີແລນ ເປັນອັນດັບ 14.

ໃນຂະນະທີ່ຢູ່ເມືອງ ເຮວຊິງກິ, ຂອງປະເທດຟິນແລນ ອຳສະເຕີດຳ ຂອງປະເທດເນເທີແລນ ແລະ ເມືອງ ຮາມສເບີກຂອງເຢຍລະມັນຕິດອັນດັບ 20 ອັນດັບ ທຳອິດສ່ວນເມືອງຫຼວງເບີລິນຂອງເຢຍລະມັນແມ່ນທີ 21 ແລະ ລັກເຊມເບີກເປັນອັນດັບທີ 23.

ສ່ວນເມືອງຕ່າງໆຂອງສະຫະລັດອາເມລິກາປະກອບມີ ໂຮໂນລູ ຈັດຢູ່ໃນອັນດັບທີ 22, ໃນຂະນະທີ່ເມືອງແອັດແລນຕາ, ພີສເບີກ, ຊີແອຣເທິນ, ແລະ ວໍຊິງຕັນ ດີຊີ ແມ່ນຈັດຢູ່ອັນດັບທີ 40 ທຳອິດ, ຮອງລົງມາແມ່ນຊິຄາໂກ, ອັນດັບທີ 41.

ເມືອງໃຫຍ່ໆເຊັ່ນ: ລອນດອນຖືກຈັດອັນດັບຢູ່ທີ່ 48 ແລະ ເມືອງ NewYork ຢູ່ທີ່ 58, ເຖິງແມ່ນວ່າທັງສອງເມືອງມີຄະແນນດ້ານວັດທະນະທຳສູງແຕ່ໃນຂົງເຂດສາທາລະນະປະໂຫຍດ ແລະ ຄວາມປອດໄພສາທາລະນະແມ່ນຄະແນນບໍ່ດີຍ້ອນອາດຊະຍາກຳ ແລະ ການກໍ່ການຮ້າຍສູງ.

ນະຄອນຫຼວງປາຣີປະເທດຝຣັ່ງ, ຄະແນນຫຼຸດລົງເປັນ 6 ອັນເຮັດໃຫ້ເປັນອັນດັບທີ 26 ຍ້ອນການປະທ້ວງຕໍ່ຕ້ານລັດຖະບານ, ເຊິ່ງໜ່ວຍງານເສດຖະກິດທີ່ຫາຍສາບສູນໄດ້ຊີ້ໃຫ້ເຫັນວ່າຄວາມຂັດແຍ່ງ ແລະ ວິກິດເສດຖະກິດເຮັດໃຫ້ຫລາຍໆເມືອງໄດ້ຕົກລົງຈາກປີກາຍນີ້.

ສ່ວນໃນອາຊີ, ສິງກະໂປຢູ່ໃນອັນດັບ 40, ດູໄບໃນສະຫະລັດອາຣັບເອມີເຣດຢູ່ໃນອັນດັບ 70 ແລະ ຮ່ອງກົງທີ່ປະເທດຈີນຢູ່ທີ່ 38 ເຊິ່ງໄດ້ຖືກຈັດຕັ້ງກ່ອນການປະທ້ວງຕໍ່ຕ້ານກົດໝາຍສົ່ງໂຕຜູ້ຮ້າຍຂ້າມແດນ ເມືອງ ໄຄໂລ ຂອງອີຢິບ ແລະ ເມືອງຫຼວງນິວເດຣີຂອງປະເທດອິນເດຍຄະແນນຫລຸດລົງຍ້ອນບັນຫາສິ່ງແວດລ້ອມເຊັ່ນ: ມົນລະພິດທາງອາກາດ ແລະ ການຂາດແຄນນໍ້າ.

ໃນຂະນະທີ່ເມືອງທີ່ບໍ່ໜ້າຢູ່ທີ່ສຸດໃນໂລກແມ່ນເມືອງດາມາກັນຂອງຊີເຣຍ ຕາມດ້ວຍເມືອງລາກອສ ຂອງໄນຈີເຣຍ ແລະ ທາຄາຂອງບັງກະລາເທດ, ສ່ວນເມືອງຄາລາຄັສຂອງເວເນຊູເອລາຢູ່ໃນອັນດັບ 10, ຂະນະທີ່ອັນດັບ 10 ກວ່າໄດ້ແກ່ເມືອງກາຣາຈີຂອງປາກິດສະຖານ, ກຣຸງຕີຟໂປຣີຂອງລີເບຍ ແລະ ຮາລາເຮຂອງຊິມບັບເວ.

ເມືອງທີ່ນ່າຢູ່ທີ່ສຸດໃນໂລກ:

1.ວຽນນາ, AUSTRIA

2.ເມເບິນ, ປະເທດອົດສະຕາລີ

3.ຊິດນີ, ປະເທດອົດສະຕາລີ

4.ໂອຊາກາ, ປະເທດຍີ່ປຸ່ນ

5.ຄັນກາຣຣິ, ປະເທດການາດາ

6.ແວນຄູເວີ, ປະເທດການາດາ

7.ໂທຣອນໂຕ ຂອງແຄນນາດາ, ໂຕກຽວຂອງ ຍີ່ປຸ່ນ (ເທົ່າທຽມກັນ)

8.ໂຕເປເຮເກັນ, ປະເທດເດນມາກ

9.ແອດີເລດ, ປະເທດອົດສະຕາລີ

ເມືອງທີ່ບໍ່ຫນ້າຢູ່ທີ່ສຸດໃນໂລກ

1.ດາມັສກັສ ປະເທດ ຊີເລຍ

2.ເລກອນ,ປະເທດໄນຈີເຣຍ

3.ທາກາ, ປະເທດບັງກະລາເທດ

4.ຕຣີໂປລີ, ປະເທດລີເບຍ

5.ຄາຣາຈີ, ປະເທດປາກິດສະຖານ

6.ພອສມອສບີ, ປະເທດປາປົວນິວກີນີ

7.ຮາລາເຮ ປະເທດຊິມບັບເວ

8.ດູອາລາ ແຄນມາລູນ

9.ແອຣເຈຍ ປະເທດແວຈີເລີຍ

10.ຄາຣາສຄັສ, ເວເນຊູເອລາ