ໄພນ້ຳຖ້ວມສົ່ງຜົນກະທົບຕໍ່ກຸ່ມລ້ຽງປາກະຊັງປາກເຊ ເສຍຫາຍຢ່າງໜັກ

ເສຍຫາຍຢ່າງໜັກພິດຈາກພາ ຍຸດີເປຣຊັນ ທີ່ໄດ້ຖະຫຼົ່ມເຂົ້າໃສ່ບັນດາ ແຂວງພາກກາງ ແລະພາກໃຕ້ຂອງລາວ ເປັນເຫດເຮັດໃຫ້ຫຼາຍແຂວງ, ຫຼາຍເມືອງ ແລະບ້ານຖືກນໍ້າຖ້ວມຢ່າງໜັກ ແລະສົ່ງ ຜົນກະທົບໃສ່ທຸກຂົງເຂດການຜະລິດ. ສໍາລັບຜູ້ປະກອບການກຸ່ມລ້ຽງປານິນ ແລະປາດຸກລຽບຕາມແຄມຝັງແມ່ນໍ້າຂອງຢູ່ນະຄອນປາກເຊ ແຂວງຈໍາປາສັກ ກໍ່ຖືເປັນປີທີ່ຮ້າຍແຮງຄັ້ງປະຫວັດສາດ ສໍາລັບຜົນກະທົບຈາກໄພທໍາມະຊາດທີ່ກໍ່ໃຫ້ເຫີດຄວາມເສຍຫາຍແກ່ຜູ້ປະກອບການລ້ຽງປາກະຊັງເຮັດໃຫ້ປາທີ່ສາມາດ ນໍາອອກຂາຍໄດ້ແລ້ວ ແລະກໍາລັງຈະເລີນ ພັນຖືກກະແສນໍ້າພັດເຮັດໃຫ້ປາຕາຍຟູ ລະນາດ ແລະກະຊັງກໍ່ຈີກຂາດປາໄປນໍາ ກະແສນໍາໝົດ.

ທ່ານ ຄໍາພູນ ແສງປະທິບ ເຈົ້າຂອງ ກະຊັງປາລາຍໃຫຍ່ບ້ານພັດທະ ນາໂນນ ສະຫວ່າງ ນະຄອນປາກເຊ ທັງເປັນຮອງ ປະທານກຸ່ມລ້ຽງປະກະຊັງໄດ້ເປີດເຜີຍ ໃຫ້ຮູ້ຕໍ່ຄວາມເສຍຫາຍຄັ້ງນີ້ວ່າ: ປະຈຸບັນ ຈາກການປະເມີນເບື້ອງຕົ້ນຕໍ່ຜົນກະທົບ ນໍ້າຖ້ວມຄັ້ງນີ້ ແມ່ນໄດ້ເກີດຄວາມເສຍ ຫາຍກະຊັງປາແຕກທັງໝົດ 10 ກວ່າ ກະຊັງ, ມີປາທີ່ສາມາດນໍາອອກຈຳໜ່າຍ ປະມານ 20 ກວ່າໂຕນ ແລະມີປາຕາຍ ຍ້ອນຖືກກະແສນໍ້າພັດເກືອບທຸກກະຊັງ ທີ່ມີທັງໝົດ 20 ກວ່າກະຊັງ, ຊຶ່ງໄດ້ສົ່ງ ຜົນກະທົບຕໍ່ຄວາມເສຍຫາຍມີທັງໝົດ ບໍ່ຕໍ່າກວ່າ 500 ລ້ານກີບ, ນອກຈາກນີ້ ປາທີ່ລ້ຽງໄວ້ໃນໜອງປາແມ່ນຫຼາຍແສນ ໂຕແມ່ນຖືກກະແສນໍ້າພັດເສຍໝົດ.

ຂ່າວ: ໂພທິຣາຊ