ຂົວຂ້າມແມ່ນ້ຳຂາດ ນັກສຶກສາຕົກນ້ຳຕາຍ 5 ຫາຍສາບສູນ 12

ນັກສຶກສາປາກີສະຖານຫຼາຍສິບຄົນຂ້າມຂົວໄປຮັບຊົມນ້ຳຕົກໃນແຄສເມຍ ແຕ່ຂົວຂາດ ເພາະຮັບນ້ຳໜັກບໍ່ໄຫວ ເຮັດໃນບັນດານັກສຶກສາຕົກນ້ຳ ລ່າສຸດມີຜູ້ເສຍຊີວິດແລ້ວ 5 ລາຍ ແລະ ສູນຫາຍອີກ 12 ຄົນ
ສຳນັກງານຂ່າວຕ່າງປະເທດລາຍງານວ່າ ເມື່ອວັນທີ່ 13 ພຶດສະພາ ເກີດເຫດຂົວຂ້າມຂາດແມ່ນ້ຳຂອງສະຖານທີ່ທ່ອງທ່ຽວຍອດນິຍົມໃນເຂດນີລຳ ພາຍໃນດິນແດນແຄສເມຍ ຝັ່ງປະກີສະຖານ ພັງຖະລົ່ມເຮັດໃຫ້ນັກສຶກສາກວ່າ 30 ຄົນທີ່ກຳລັງຂ້າມຂົວໄປເບິ່ງນ້ຳຕົກ ຕົກລົງໄປໃນແມ່ນ້ຳ ລ່າສຸດພົບຜູ້ເສຍຊີວິດແລ້ວ 5 ຄົນ ແລະ ຍັງມີຜູ້ສູນຫາຍອີກ 12 ຄົນ ເຊິ່ງເຈົ້າໜ້າທີ່ລະບຸວ່າມີຄວາມຫວັງທີ່ຈະພົບຜູ້ລອດຊີວິດໜ້ອຍແລ້ວ

ຊໍດາລີ ອິມທຽດສ໌ ເຈົ້າໜ້າທີ່ຣັດຖະບານເມືອງມູຊັບຟາຣາບັດ ເມືອງເອກຂອງແຄສເມຍຝັ່ງປາກີສະຖານລະບຸວ່າ ເຈົ້າໜ້າທີ່ພົບສົບຜູ້ຊາຍ 4 ຜູ້ຍິງ 1 ແຕ່ອີກ 12 ຄົນຍັງສູນຫາຍແລະຍັງຄົງບໍ່ມີຫວັງທີ່ຈະພົບຜູ້ລອດຊີວິດເພາະນ້ຳເຢັນຫຼາຍ ເຫດການນີ້ຍັງເຮັດໃຫ້ມີນັກສຶກສາບາດເຈັບອີກ 8 ຄົນ
ດ້ານທ່ານຊາລີມ ດູຣານີ ເຈົ້າໜ້າທີ່ຕຳຫຼວດທ້ອງຖິ່ນຢືນຢັນຈຳນວນຜູ້ເສຍຊີວິດດັ່ງກ່າວແລະ ວ່າທາງການຕິດປ້າຍເຕືອນນັກທ່ອງທ່ຽວໄວ້ຂ້າງຂົວແລ້ວ ວ່າໃຫ້ຂ້າມເປັນກຸ່ມນ້ອຍໆ ເພາະຂົວອອກແບບມາເພື່ອຂ້າມເທື່ອລະ 5 ຄົນທໍ່ນັ້ນ