ດ່ວນ ! ລົດຕູ້ພາແຮງງານລາວໄປຕໍ່ພາສປອດ ຕຳກັບລົດບັນທຸກ ເສຍຊີວິດ 11 ຄົນ ທີ່ປະເທດໄທ

ໃນວັນທີ 18/8/2019 ເວລາ 4:15 ໂມງ ໄດ້ເກີດອຸບັດເຫດລົດຕູ້ຕຳກັບລົດພ່ວງ 18 ລໍ້ ສະຖານທີ່ເກີດເຫດ ຖະຫນົນທາງຫລວງແຜ່ນດິນ ຫມາຍເລກ 317 ຫນ້າທີ່ວ່າການເມືອງວັງສົມບູນ ແຂວງສະແກ້ວ ປະເທດໄທ ສົ່ງຜົນໃຫ້ມີຜູ້ເສຍຊີວິດໃນທີ່ເກີດເຫດ 11 ຄົນ ບາດເຈັບ 4 ຄົນ (ລາຍລະອຽດຈະລາຍງານເພີ່ມຕື່ມ) ຫລ້າສຸດມີການເປີດເຜີຍຊື່ຜູ້ເສຍຊີວິດທັງ 11 ຄົນຢ່າງບໍ່ເປັນທາງການດັ່ງນີ້:

1. ນາງເກດສະຫນາ ສິລິພອນ     ສັນຊາດລາວ

2. ນາງແສງເດືອນ ແກ້ວອຸນຍາວົງ ສັນຊາດລາວ

3. ນາງໄກສອນ ສີວົງໃຄ ສັນຊາດລາວ

4. ນາງບົວເຄືອ ດວງມາລາ ສັນຊາດລາວ

5. ນາງສຸກ ພັນທະວົງສາ ສັນຊາດລາວ

6. ທ້າວຫັດທະສິນ ສິລິສັກ

7. ທ້າວຂຸນ ແກ້ວວົງ ສັນຊາດລາວ

8. ທ້າວ ສັນເສີນ ຈິລະທອງຂັນ ຄົນຂັບລົດຕູ້ໄທ

ສ່ວນທີ່ເຫລືອບໍ່ມີເອກະສານ

ຂະນະທີ່ໂຊເຟີ້ລົດ 18 ລໍ້ໄດ້ຮັບບາດເຈັບຖືກນຳໂຕສົ່ງໂຮງຫມໍວັງສົມບູນແລ້ວ