ພົບຖ້ຳໃໝ່ຄາດວ່າຈະໃຫຍ່ທີ່ສຸດ ໃນປະເທດລາວ

ພົບຖ້ຳໃໝ່ຄາດວ່າຈະໃຫຍ່ທີ່ສຸດ ໃນປະເທດລາວ

ຖ້ຳຜາກ້າຕັ້ງຢູ່ບ້ານນໍ້າເຟືອງ,​ ເມືອງ ແມດ ແຂວງວຽງຈັນ​ ມີຄວາມສູງ 120 ແມັດ, ກ້ວາງ​ 400 ເເມັດ ແລະ ຍາວ 8 ກິໂລແມັດອາດຈະກາຍເປັນ ຖໍ້າທີ່ໃຫຍ່ທີ່ສຸດໃນປະເທດລາວ.
ຖໍ້າກອງລໍຕັ້ງຢູ່ແຂວງຄຳມ່ວນ ເຊີ່ງເປັນຖໍ້າທີ່ໃຫຍ່ທີ່ສຸດໃນປະເທດ ລາວໃນເວລານີ້ມີຄວາມສູງ 100 ເມັດ,​ ກວ້າງ 90 ແມັດ,​ ແລະ​ ຍາວ 7.​5 ກິໂລແມັດ.

ຊ່ຽວຊານຍີ່ປຸ່ນຮ່ວມກັບພະນັກງານຢູ່ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງແມດ ແຂວງ ວຽງຈັນ ໄດ້ໃຊ້ເວລາປີກວ່າໃນການ ລົງສຳຫຼວດຖໍ້າຜາກ້າທີ່ຕັ້ງຢູ່ບ້ານນໍ້າ ເຟືອງ ແລະ ເຊື່ອວ່າຖ້ຳດັ່ງກ່າວອາດ ຈະເປັນຖ້ຳທີ່ໃຫຍ່ທີ່ສຸດໃນປະເທດ ລາວ.
ທ່ານ ຊາຍແດນ ສຸນລິນທາ ຫົວໜ້າ ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງແມດໄດ້ກ່າວ ກັບນັກຂ່າວໜັງສືພິມວຽງຈັນທາຍ ເຊົ້າມື້ນີ້ 31/07/2019 ວ່າ: ຊ່ຽວຊານ ຍີ່ປຸ່ນເຊື່ອວ່າຖໍ້າຜາກ້າແມ່ນຖໍ້າທີ່ໃຫຍ່ທີ່ສຸດໃນປະເທດລາວ ເຖິງແມ່ນວ່າ ການສຳຫຼວດຈະສິ້ນສຸດລົງ ແຕ່ພວກ ເຂົາເຈົ້າຈະກັບມາລາວເພື່ອສຳຫຼວດ ຄືນອີກເທື່ອໜຶ່ງ ແລະ ຈະນຳເອົາຜົນ ການສຳຫຼວດນີ້ໄປລາຍງານຕໍ່ກອງປະຊຸມນານາຊາດເພື່ອຮັບຮອງເອົາ.

ຖໍ້າຜາກ້ານີ້ຍັງບໍ່ທັນພັດທະນາໃຫ່ກາຍເປັນແຫຼ່ງທ່ອງທ່ຽວເທື່ອ, ຖ້ານັກທ່ອງ ທ່ຽວທ່ານໃດສົນໃຈຢາກໄປທ່ຽວ ແມ່ນສາມາດຕິດຕໍ່ພົວພັນກັບພາກ ສ່ວນທີ່ກ່ຽວຂ້ອງຢູ່ ເມືອງແມດໄດ້​ ແລະ​ ປະຊາຊົນທ້ອງ ຖິ່ນຈະເປັນ ຜູ້ນຳພາເຂົ້າໄປທ່ຽວຊົມພາຍໃນຖ້ຳ
ຖໍ້າຜາກ້າຢູ່ຫ່າງຈາກເທດສະບານ ເມືອງແມດປະມານ 12 ກິໂລແມັດ ແລະ ຕ້ອງໄດ້ຂີ່ເຮືອຂ້າມແມ່ນໍ້າເຟືອງ ໄປປະມານ 19 ກິໂລແມັດ ເພື່ອໄປ ຫາຖໍ້າດັ່ງກ່າວ.

ຂ່າວ: ວຽງຈັນທາຍ
ພາບ: ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ເມືອງ ແມດ