ພົບສະຫຼາມຂາວ ໃຫຍ່ທີ່ສຸດໃນໂລກ ນອກຝັ່ງຮາວາຍ

ສຳນັກຂ່າວຊິນຫົວລາຍວ່າ ເມື່ອວັນທີ່ 15 ມັງກອນ 2019 ທີ່ຜ່ານມາ ມີລາຍງານວ່ານັກດໍານໍ້າກຸ່ມໜຶ່ງພົບສະຫຼາມຂາວ ໂຕໃຫຍ່ ທີ່ສຸດໃນໂລກ ເທົ່າທີ່ເຄີຍມີບັນທຶກສະຖິຕິມາທີ່ນອກຝັ່ງເກາະໂອວາຮູ ລັດຮາວາຍ ປະເທດສະຫະລັດ ອາເມຣິກາ ແລະ ໄດ້ເຂົ້າ ໄປລອຍໃກ້ຊິດກັບມັນ

ສະຫຼາມຂາວໂຕນີ້ເປັນເພດແມ່ ມີຄວາມຍາວ ປະມານ 6 ແມັດ ຄາດວ່າອາຍຸຢ່າງໜ້ອຍ 50 ປີ ແລະ ໜັກປະມານ 2,5 ໂຕນ ເຊື່ອວ່າເປັນໂຕດຽວກັບ “ດີປບລູ” ສະຫຼາມຂາວຂະໜາດໃຫຍ່ທີ່ສຸດໃນໂລກທີ່ພົບເມື່ອ 20 ປີກ່ອນ ນອກຈາກນີ້ນັກດໍານໍ້າ ຍັງສັງເກດວ່າທ້ອງຂອງມັນໃຫຍ່ກວ່າປົກກະຕິ ຈຶ່ງເປັນໄປໄດ້ສູງວ່າມັນກໍາລັງຖືພາ

ຢ່າງໃດກໍ່ດີ ຜູ້ຊ່ຽວຊານເຕືອນວ່າບໍ່ຄວນລອຍເຂົ້າໃກ້ມັນໂດຍບໍ່ລະມັດລະວັງຕົວ ນັກດໍານໍ້າກຸ່ມດັ່ງກ່າວເຝົ້າສັງເກດຈົນແນ່ໃຈ ແລ້ວວ່າມັນກໍາລັງອິ່ມທ້ອງ ຈຶ່ງບໍ່ລ່າເພື່ອກິນເປັນອາຫານຕາມສັນຊາດຕະຍານ.