ນັກບູຮານຄະດີ ພົບເມືອງປິດສະໜາລຶກລັບ ມີອາຍຸປະມານ 4,000 ປີ

ນັກບູຮານຄະດີ ພົບ ເມືອງປິດສະໜາລຶກລັບ ມີອາຍຸປະມານ 4,000ປີ
ໃນຊ່ວງໄລຍະປະມານຕົ້ນເດືອນເມສາ ປີ 2019 ທີ່ຜ່ານມາ ສາມາດເວົ້າໄດ້ວ່າເປັນເລື່ອງທີ່ຄຶກຄື້ນອີກຄັ້ງໜຶ່ງ ຂອງປະຫວັດສາດໂລກ ເມື່ອມີລາຍງານການຄົ້ນພົບຊາກເມືອງບູຮານໃນເຂດພື້ນທີ່ທາງພາກເໜືອຂອງປະເທດອີຣັກ.

ໂດຍພື້ນທີ່ແຫ່ງນີ້ໄດ້ມີການຂຸດຄົ້ນເມື່ອຫຼາຍປີກ່ອນມາແລ້ວໂດຍທີມນັກສຳຫຼວດສັນຊາດຝຣັ່ງເສດ ແຕ່ເນື່ອງຈາກວ່າພື້ນທີ່ແຫ່ງນີ້ເປັນເຂດອັນຕະລາຍ ເນື່ອງຈາກການປົກຄອງໂດຍກຸ່ມຜູ້ກໍ່ການຮ້າຍ ISIS ຈຶ່ງເຮັດໃຫ້ການຄົ້ນພົບເທື່ອນີ້ໃຊ້ເວລາດົນໃນການສຳຫຼວດ

ເຊິ່ງທາງດ້ານທີມສຳຫຼວດໄດ້ພຽງແຕ່ປະມານການຄ່າວໆ ຈາກປະຫວັດສາດ ແລະ ສິ່ງຂອງທີ່ຄົ້ນພົບໂດຍລວມ ເຊື່ອວ່າເມືອງແຫ່ງນີ້ ເຄີຍມີຈຳນວນຜູ້ຄົນອາໃສຢູ່ເມື່ອປະມານ4,200 ປີກ່ອນ ແລະ ຖືກຖິ້ມປະຫ້າງຫຼັງຈາກເກີດເຫດໄຟໄໝ້ໃຫ່ຍ.