ຊົມເຊີຍຕຳຫຼວດລາວ ຊ່ວຍຊີວິດເສດຖີໄທຄະດີຮຽກຄ່າໄຖ່

ທາງການ ສປປ ລາວ ເຂົ້າຊ່ວຍເຫຼືອ ທ່ານ ສິງແກ້ວ ນັກທຸລະກິດຄ້າສັດທີ່ຖືກລັກພາໂຕ ຮຽກຄ່າໄຖ່ມູນຄ່າ 5 ລ້ານບາດ ໄດ້ຢ່າງປອດໄພ.

ຈາກກໍລະນີທີ່ ທ່ານ ສິງແກ້ວ ວົງໃຫຍ່ ອາຍຸ 45 ປີ ປະທານສະມາຄົມສົ່ງອອກສັດ ອຳເພີຊຽງແສນ ຖືກລັກພາໂຕໃນ ສປປ ລາວ ຫຼັງຈາກທີ່ຂ້າມແດນມາເຮັດທຸລະກິດ ທັງນີ້ ກຸ່ມທີ່ລັກພາໂຕໄດ້ຮຽກຄ່າໄຖ່ເປັນຈຳນວນເງິນ 5 ລ້ານບາດ ຊຶ່ງໃນຄລິບວິດິໂອທີ່ຄົນຮ້າຍເຜີຍ ແຜ່ຊຶ່ງເຫັນວ່າ ທ້າວ ສິງແກ້ວ ຖືກປືນຈີ້ຫົວ ແລະ ຄ້າຍຄືຖືກຍິງຢູ່ບໍລິເວນຂາ ພ້ອມກັບຂໍ້ຄວາມເປັນພາສາໄທ ແລະ ພາສາຈີນທີ່ມີເນື້ອໃນວ່າ “ໃຫ້ໂອນເງິນເຂົ້າບັນຊີ 5 ລ້ານບາດ”.

ໂດຍເຈົ້າໜ້າທີ່ຝ່າຍໄທໄດ້ສັ່ງການໃຫ້ຈັດທີມສືບສວນ-ສອບສວນເຂົ້າຮ່ວມໃຫ້ການຊ່ວຍເຫຼືອໂຕປະກັນຢ່າງຮີບດ່ວນ ພ້ອມປະສານງານກັບທາງການລາວ ຊຶ່ງຕໍ່ມາກໍໄດ້ຮູ້ວ່າ ທ່ານ ສິງແກ້ວ

ໄດ້ການຊ່ວຍເຫຼືອຈາກທາງການ ສປປ ລາວ ແລະ ປອດໄພດີແລ້ວ ໂດຍທ່ານ ສິງແກ້ວ ໄດ້ພົບກັບຄອບຄົວແລ້ວ ຊຶ່ງຂະນະນີ້ຢູ່ລະຫວ່າງການສອບສວນຂະຫຍາຍຜົນຂອງທາງການລາວ ຊຶ່ງຝ່າຍໄທກຳລັງປະສານຂໍໃຫ້ສົ່ງຕົວ ທ່ານ ສິງແກ້ວ ກັບມາຮັບການປິ່ນປົວຢູ່ໄທ.

ຂ່າວ : ລາວໂພສ໌