ຊາວໂລກຍົກໂປ້ໃຫ້ “ເສັ້ນທາງຈີນຄົດໂຄ້ງ” ລັດລ້ຽວລົງພູເຂົາຕໍ່ເນື່ອງ 68 ໂຄ້ງປານງູເລືອ !

ຊາວໂລກຍົກໂປ້ໃຫ້ “ເສັ້ນທາງຈີນຄົດໂຄ້ງ” ລັດລ້ຽວລົງພູເຂົາຕໍ່ເນື່ອງ 68ໂຄ້ງປານງູເລືອ
ສຳນັກຂ່າວຈີນລາຍງານວ່າ ເສັ້ນທາງຫຼວງແຫ່ງໜຶ່ງໃນຍູນານ ເຖິ່ງວ່າຈະມີໄລຍະທາງ6.3KM ແຕ່ກຳລັງໄດ້ຮັບຄວາມສົນໃຈໄປທົ່ວໂລກ ເພາະເສັ້ນທາງນີ້ຄືເສັ້ນທາງທີ່ຕົກມາຈາກຮ່ອມພູ ທີເຜີຍໃຫ້ເຫັນສັກກາຍະພາບໃນການອອກແບບເສັ້ນທາງເອົາຊະນະອຸປະສັກທາງພູມມີປະເທດຂອງຈີນ

ບັນດາຊາວຕ່າງຊາດທົ່ວໂລກຕ່າງກໍ່ເອີ້ນເສັ້ນທາງນີ້ວ່າ” ເສັ້ນທາງຄົດໂຄ້ງທີສຸດໃນໂລກ” ເພາະເສັ້ນທາງຂະໜາດ2ເລນສວນທາງກັນ ເປັນການລັດເລາະຂຶ້ນລົງຈາກຮ່ອມພູທີ່ນະຄອນຄຸນໝິງ ດ້ວຍໄລຍະທາງພຽງ 6.3ກິໂລແມັດ ແຕ່ປະກອບດ້ວຍທາງໂຄ້ງຮອດ 68ໂຄ້ງ ເປັນເສັ້ນທາງທີ່ຊ່ວຍປະຢັດເວລາໃນການເດີນທາງໄປຫຼາຍຊົ່ວໂມງ ແລະ ຍັງຊ່ວຍເຊື່ອມຕໍ່ການຂົນສົ່ງ ແລະ ການເດີນທາງລະຫວ່າງເມືອງສູ່ພື້ນທີ່ຫ່າງໄກຈາກເທິງພູເຂົາເປນຢ່າງດີ.

ຂະນະທີ່ຊາວໂຊຊ່ຽວມິເດຍທົ່ວທັງໂລກຕ່າງຮູ້ສຶກອຶ້ງກັບງານສ້າງຂອງເສັ້ນທາງນີ້ເປັນຢ່າງຫຼາຍ ບາງຄົນບອກວ່າ”ຂ້ອຍຈະຕ້ອງເມົາລົດລົງມາຢ່າງແນ່ນອນ” ຂະນະທີ່ບາງພາກສ່ວນເຊື່ອວ່າໜ້າຈະເປັນເສັ້ນທາງທີ່ສ້າງເພື່ອຄວາມມ່ວນໃຫ້ກັບຄົນທີ່ມັກການຂັບລົດ ແລະ ຫຼາຍໆຄົນກໍ່ຍັງຢາກຈະລອງສຳຜັດເສັ້ນທາງນີ້ເບິ່ງ