ຈີນ ຄົ້ນພົບແຫລ່ງນ້ຳມັນ-ແກັດ 100 ລ້ານໂຕນ

ສຳນັກຂ່າວ ຊິນຮວາຂອງ ຈີນ ລາຍງານວ່າ, ວັນທີ 24 ເດືອນກຸມພາ, ບໍລິສັດ ນໍ້າມັນ ຢູ່ແຄມຝັ່ງ ແຫ່ງຊາດ ຈີນ (CNOOC) ປະກາດວ່າ ປະເທດນີ້ ໄດ້ຄົ້ນພົບ ແຫລ່ງນ້ຳມັນດີບ ແລະ ແກັດ ທຳມະຊາດ ໃນທະເລໂປ໋ໄຫ່.

ຄາດວ່າ ຈະມີປະລິມານ ນ້ຳມັນເຖິງ 100 ລ້ານໂຕນ. ພື້ນທີ່ດັ່ງກ່າວ ແມ່ນ ຊື່ໂປ໋ຈົງ 13-2(Bozhong 13-2) ແລະ ມີຄວາມເລິກ ສະເລ່ຍ 23,2 ແມັດ, ຊື່ງຢູ່ໃຈກາງ ທະເລ ໂປ໋ໄຫ່, ຫ່າງຈາກ ນະຄອນທຽນຈິນ ໄປທາງພາກ ເໜືອຂອງຈີນ 140 ກິໂລແມັດ.