ເຕືອນໄພ! ສາວລ້ຽງແມວໂພສເຕືອນ ຄຸກຄີກັບແມວຫຼາຍຈົນຮ່າງກາຍຜິດປົກກະຕິ

ນັບວ່າເປັນອີກເລື່ອງລາວເຕືອນໄພທີ່ຜູ້ລ້ຽງແມວຄວນຮູ້ໄວ້ ເມື່ອສາວງາມຜູ້ລ້ຽງແມວໄວ້ເຮືອນ ແຕ່ບໍ່ຮູ້ເກີຫຍັງຂຶ້ນຮ່າງກາຍຕົນເອງເກີດອາການຜິດປົກກະຕິ ຜື່ນແດງຂຶ້ນເຕັມໂຕ.

ເຫດການທີ່ແອັດກ່າວມາຂ້າງເທິງ ແມ່ນເກີດຂຶ້ນກັບສາວໄທຄົນໜຶ່ງ ແຕ່ແອັດເຫັນວ່າມັນເປັນເລື່ອງໃກ້ຕົວຈຶ່ງຢາກຍົກຂຶ້ນມາເຕືອນໄພທາດແມວທັງຫຼາຍ ໃຫ້ລະມັດລະວັງນໍາກັນ.

ໂດຍສາວຄົນນີ້ໄດ້ໂພສພາບຕົນເອງ ທີ່ມີຜື່ນແດງຂຶ້ນເຕັມຄີງ ພ້ອມຖາມຊາວເນັດວ່າ: ມີຄົນລ້ຽ=ແມວແລ້ວເປັນແບບຕົນເອງບໍ່, ຕອນນີ້ຄືແພ້ຫຼາຍ ຈົນຮູ້ສຶກຢ້ານຕົນເອງ, ອາຍທີ່ຈະອອກໄປນອກ ຫາກໃຜເຄີຍເປັນຊ່ວຍແນະນໍາແນ່ວ່າຄວນປິ່ນປົວແນວໃດ.

ທັ້ງນີ້ ດ້ານເພຈໝໍແລັບແພນດ້າ ກໍ່ໄດ້ແຊພາບດັ່ງກ່າວພ້ອມຝາກຂໍ້ຄວາມເຖິງສາວຄົນດັ່ງກ່າວວ່າ: ໃຫ້ນ້ອງຮີິບໄປພົບທ່ານໝໍເດີ້ ອາດເກີດຈາກເຊື້ອລາແມວ ຫາກເຂົ້າປິ່ນປົວແລ້ວໜ້າຈະດີຂຶ້ນ ລອງໄປກວດເບິ່ງວ່າເປັນຫຍັງແທ້.

ແນວໃດກໍ່ຕາມກໍລະນີສາວຄົນນີ້ ຍັງບໍ່ມີໃຜມາຢືນຢັນໄດ້ວ່າຜູ້ກ່ຽວເປັນຫຍັງ ແຕ່ສຽງຊາວເນັດສ່ວນຫຼາຍກໍ່ບອກວ່າເກີດມາຈາກເຊື້ອລາແມວ ດັ່ງນັ້ນ ແອັດຂໍຝາກຄໍາເຕືອນເຖິງທາດແມວທັງຫຼາຍ ໃຫ້ລະວັງໄວ້ກໍ່ດີ.