ວິທີເຮັດສູດ ແກ້ບັນຫາຜົມຫງອກ ຈາກພືດຜັກໃກ້ຕົວໄດ້ຜົນ100%

ມີການຄົ້ນຄິດຂຶ້ນມາທົ່ວໂລກຈຶ່ງເຮັດໃຫ້ມີຫຼາຍສູດ ແລະ ໃຊ້ສະໝຸນໄພຕາມທ້ອງຖິ່ນຂອງແຕ່ລະເຂດ ໂດຍສະເພາະສະໝຸນໄພເຮົາກໍ່ມີຫຼາຍຢ່າງທີ່ໃຊ້ແກ້ຜົມຫງອກໄດ້ ເຊື່ອເລີຍວ່າບາງທີວັດຖຸດິບເຫຼົ່ານີ້ອາດຈະຢູ່ໃກ້ຕົວຂອງທ່ານເອງແຕ່ຖືກເບິ່ງຂ້າມ ມື໊ນີ້ພວກເຮົາຈະມາແນະນຳວ່າມີສະໝຸນໄພຫຍັງແດ່ທີ່ສາມາດໃຊ້ກຳຈັດບັນຫາຜົມຫງອກໄດ້

1 ສູດກະທຽມກັບນໍ້າມັນໝາກກອກ
ວິທີນີ້ເປັນການໃຊ້ປະໂຫຍດສະໝຸນໄພແກ້ຜົມຫງອກທີ່ຫຼາຍຄົນຍັງບໍ່ຮູ້ວິທີການຄື: ການເອົາກະທຽມມາ 4 ຫົວ ປອກເປືອກອອກແລ້ວຕຳໃຫ້ມຸ້ນ ຫາຂວດເຄື່ອງດື່ມຊູກຳລັງທີ່ດື່ມໝົດແລ້ວນຳມາລ້າງໃຫ້ສະອາດເອົາກະທຽມທີ່ຕຳໃສ່ເຂົ້າໄປຕື່ມນໍ້າມັນໝາກກອກລົງໄປອີກ 8 ບ່ວງໂຕະ ປິດຝາໄວ້ປະມານ 2 ວັນ ຈຶ່ງເອົາມາໝັກຜົມຂອງເຮົາໃຫ້ທົ່ວເອົາຜ້າແພພັນອ້ອມຫົວ

ປະໄວ້ 45 ນາທີ ຈຶ່ງລ້າງອອກ ແລະ ສະຜົມຕາມປົກກະຕິເຮັດວິທີນີ້ 2 ຄັ້ງຕໍ່ອາທິດ ເຮັດໄປເລື່ອຍໆຕໍ່ເນື່ອງປະມານ 2 ເດືອນ ຈະເຫັນວ່າຜົມທີ່ຂຶ້ນມາໃໝ່ຈະບໍ່ມີຜົມຫງອກແລ້ວຊ່ວຍໃຫ້ຮາກຜົມແຂງແຮງອີກດ້ວຍ

2 ນໍ້າມັນສະໝຸນໄພແກ້ຜົມຫງອກດ້ວຍເຄືອເຂົາຮໍ
ສູດນີ້ເຮົາຈະເອົາເຄືອເຂົາຮໍສົດໆມາຊອຍໃຫ້ເປັນຕ່ອນໃຫ້ໄດ້ 3 ກິໂລ ຈາກນັ້ນເອົາມາປະສົມກັບໝາກພ້າວຂູດ 1 ກິໂລ ແລະນໍ້າສະອາດ 1 ລິດ ເອົາໃສ່ເຄື່ອງປັ່ນຈົນສ່ວນປະສົມທັງໝົດມຸ້ນລະອຽດຈຶ່ງເອົາມາຕອງດ້ວຍຜ້າຂາວບາງ ເຮົາກໍ່ຈະໄດ້ນໍ້າສະໝຸນໄພໃຫ້ເອົາມາຄ່ຽວດ້ວຍໄຟກາງໄປເລື່ອຍໆ

ຊຶ່ງນໍ້າຈະຄ່ອຍໆລະເຫີຍອອກໄປໝົດເຫຼືອພຽງແຕ່ນໍ້າມັນເທົ່ານັ້ນ ຊຶ່ງເຮົາສາມາດເກັບໃສ່ກະປຸກຫຼືພາສະນະທີ່ມີຝາເກັບໄວ້ໃຊ້ໄດ້ດົນ ວິທີແກ້ຜົມຫງອກກໍ່ຄື:ໃຫ້ເອົາມາທາເສັ້ນຜົມໃຫ້ທົ່ວແລ້ວໝັກປະໄວ້ປະມານ 20 ນາທີ ແລ້ວຈຶ່ງລ້າງອອກເຮັດ 2 ຄັ້ງຕໍ່ອາທິດຢ່າງຕໍ່ເນື່ອງຈະຊ່ວຍກຳຈັດຜົມຫງອກເຮັດໃຫ້ເສັ້ນຜົມຄ່ອຍໆດຳຂຶ້ນ ພາຍໃນໄລຍະເວລາບໍ່ເທົ່າໃດເດືອນ

3 ວິທີໃຊ້ຫວ່ານຫາງແຂ້,ເຄືອເຂົາຮໍ,ໝາກຂີ້ຫູດ
ອັນດັບແລກເອົາເຄືອເຂົາຮໍສົດໆມາລ້າງໃຫ້ສະອາດແລ້ວຊອຍໃຫ້ເປັນປ່ຽງນ້ອຍໆກະໃຫ້ໄດ້ 1 ຖ້ວຍ ຈາກນັ້ນເອົາມາປະສົມກັບໝາກຂີ້ຫູດສົດ 3 ໜ່ວຍ ຊອຍເປັນປ່ຽງແລ້ວແກະແກ່ນອອກເອົາທັງ 2 ຢ່າງນີ້ໃສ່ໝໍ້ຕົ້ມໂດຍໃສ່ນໍ້າ 1 ຖ້ວຍໃຫຍ່ໃຊ້ໄຟປານກາງປະມານ 20 ນາທີ

ແລ້ວກໍ່ຖ້າໃຫ້ເຢັນຕອງເອົາແຕ່ນໍ້າ ເອົາຫວ່ານຫາງແຂ້ມາແກະເປືອກ
ເອົາແຕ່ວຸ້ນ 1 ຖ້ວຍຈາກນັ້ນກໍ່ເອົາໄປໃສ່ເຄື່ອງປັ່ນພ້ອມກັບນໍ້າທີ່ຕົ້ມເປັນເນື້ອດຽວກັນເວລາໃຊ້ກໍ່ເອົາມາໝັກຜົມໄວ້ປະມານ 20 ນາທີ ແລ້ວລ້າງອອກເຮັດເປັນປະຈຳຈະຊ່ວຍແກ້ບັນຫາຜົມຫຼົ່ນ ແລະ ຜົມຫງອກກ່ອນໄວ້ໄດ້ດີ

4 ສູດໝາກຂາມປ້ອມ+ນໍ້າໝາກພ້າວ
ໃຫ້ເອົາໝາກຂາມປ້ອມສົດມາຜ່າເອົາແກ່ນອອກເອົາມາຊັ່ງນໍ້າໝັກໃຫ້ໄດ້ 1 ກິໂລ ແລ້ວປະສົມກັບນໍ້າສະອາດ 1 ລິດ ເອົາໃສ່ເຄື່ອງປັ່ນໃຫ້ມຸ້ນລະອຽດແລ້ວຕອງເອົາແຕ່ນໍ້າ,ນໍານໍ້າໝາກພ້າວ 1 ຈອກມາປະສົມໃຫ້ເຂົ້າກັນ ຈາກນັ້ນເອົາມາໃສ່ໜໍ້ຕົ້ມໄຟກາງຈົນເຫຼືອແຕ່ນໍ້າມັນເຮົາຈະໄດ້ນໍ້າມັນສູດໝາກຂາມປ້ອມແກ້ຜົມຫງອກໂດຍໃຫ້ເອົາມາທາເສັ້ນຜົມປະໄວ້ 15-20 ນາທີ ແລ້ວລ້າງອອກຈະຊ່ວຍຮັກສາຜົມຫງອກໃຫ້ກັບທ່ານ