ສຸດເສົ້າສະເທືອນໃຈ! ພໍ່ເອົານ້ຳຢາລ້າງຫ້ອງນ້ຳໃຫ້ລູກສາວອາຍຸພຽງ 6ມື້ກິນ ພຽງເພາະຢາກໄດ້ລູກຜູ້ຊາຍ.

ວັນທີ 23ກັນຍາ ເຈົ້າໜ້າທີ່ຕຳຫຼວດ ຈັງຫວັດຊຽງໃໝ່ ປະເທດໄທ ໄດ້ຈັບກຸມຕົວທ້າວເອ (ນາມສົມມຸດ) ເປັນຄົນ ອຳເພີເມືອງ ຈັງຫວັດຊຽງໃໝ່ ປະເທດໄທ ຫຼັງຈາກສາລະພາບວ່າໄດ້ນຳຮ່າງຂອງລູກສາວອາຍຸພຽງ 6ມື້ ໄປຝັງເພື່ອປົກປິດຄະດີຢູ່ທີ່ສຸສານຄຣິສ.

ຈາກນັ້ນເຈົ້າໜ້າທີ່ຕຳຫຼວດ້ອມດ້ວຍໜ່ວຍກູ້ໄພ ໄດ້ເດີນທາງໄປສຸສານດັ່ງກ່າວ ແລ້ວຂຸດຮ່າງເດັກນ້ອຍຂຶ້ນມາກ່ອນສົ່ງໃຫ້ພະແນກນິຕິເວດສັນນິສູດ. ເນື່ອງຈາກຊ່ວງຕອນເຊົ້າທີ່ຜ່ານມາພັນລະຍາຂອງທ້າວເອ ເັຫນວ່າລູກສາວໄດ້ຫາຍຕົວໄປ ແລະ ສົງໃສໃນຕົວຂອງສາມີຈຶ່ງແຈ້ງໃຫ້ເຈົ້າໜ້າທີ່ຕຳຫຼວດ ນຳຕົວໄປສອບສວນ

ໂດຍ ທ້າວເອໃຫ້ຄຳສາລະພາບວ່າ ເປັນຄົນລົງມືທຳຮ້າຍລູກສາວໂດຍການເອົານ້ຳຢາລ້າງຫ້ອງນ້ຳໃຫ້ກິນຈົນເສຍຊີວິດໃນທີ່ສຸດ ກ່ອນນຳເອົາຮ່າງລູກສາວໄປຝັງທີ່ສຸສານຄຣິສດັ່ງກ່າວ.ສ່ວນສາເຫດເນື່ອງຈາກມີລູກເປັນຜູ້ຍິງມາແລ້ວ 2ຄົນ ຕົນຢາກໄດ້ລູກຜູ້ຊາຍແຕ່ຍັງມາໄດ້ລູກສາວອີກ ຈຶ່ງບໍ່ຕ້ອງການກ່ອນລົງມືດັ່ງກ່າວ.

Facebook Comments