ແຊຣໄວ້ເລີຍ ! ວິທີໃຊ້ແອຊ່ວງຍາມຮ້ອນ ໃຫ້ປະຫຍັດໄຟ ແບບໄດ້ຜົນ

ອາກາດໃນປະເທດເຮົາຄາດວ່າໜ້າຈະຮ້ອນຂຶ້ນຕໍ່ເນື່ອງຈົນເຖິງເດືອນພຶດສະພາ ກັບບາງມື້ທີຮ້ອນຈົນແທບຈະບໍ່ຍາກອອກ ໄປຫຼິ້ນໃສ ສິ່ງໜຶ່ງທີ່ຫຼາຍຄົນຢຶດຕິດທີ່ເພິ່ງຄົງຈະໜີບໍ່ພົ້ນຄືແອ ແຕ່ກໍຕ້ອງເຮັດໃຈຍອມຮັບບິນເກັບຄ່າໄຟຟ້າທີ່ຈະສູງທຽບເທົ່າອຸນຫະພູມນອກບ້ານ ໃນເວລາສິ້ນເດືອນ.

ມື້ນີ້ເຮົາມີວິທີໃຊ້ແອແນວໃດໃຫ້ປະຫຍັດໄຟຟ້າມານຳສະເໜີ
ອັນດັບທຳອິດ ການເລືອກໃຊ້ແອທີ່ປະຫຍັດໄຟເບີ 5 ຕາມມາດ້ວຍການເລືອກທຳເລທີ່ເໝາະສົມໃນການຕິດຕັ້ງແອ ໂດຍເລືອກບໍລິເວນທີ່ສາມາດກະຈາຍລົມໄດ້ທົ່ວເຖິງທັງຫ້ອງ ແລະ ບໍ່ຄວນຕິດຕັ້ງໃນຕຳແໜ່ງໃກ້ປະຕູ, ປ່ອງ ຢຽມ ຫຼື ພັດລົມດູດອາກາດ ແລະ ບໍລິເວນຝາທີ່ຮັບແດດ ເພາະຈະເຮັດໃຫ້ແອຕ້ອງເຮັດວຽກໜັກ.

ອັນດັບຖັດມາ ຄືການເລືອກຂະໜາດຂອງແອໃຫ້ເໝາະສົມກັບຂະໜາດຂອງພື້ນທີ່ພາຍໃນຫ້ອງ ໂດຍສັງເກດທີ່ BTU (British ຫຼື ກຳລັງຄວາມສາ ມາດໃນການເຮັດຄວາມເຢັນຂອງແອ).
ຊຶ່ງແຕ່ລະລຸ້ນຈະມີຄ່າ Btu ແຕກຕ່າງກັນໄປຕັ້ງແຕ່ 9,000 – 80,000 ໂດຍຫາກ BTU ສູງໄປຄອມເພດເຊີຈະຕັດເລື້ອຍໆ ຄວາມຊື້ນໃນຫ້ອງສູງ ເຮັດໃຫ້ບໍ່ສະບາຍໂຕ ແລະ ສິ້ນເປືອງພະລັງງານ ແຕ່ຫາກ BTU ນ້ອຍໄປຄອມເພດເຊີຈະເຮັດວຽກໜັກ ແລະ ເຮັດວຽກຕະຫຼອດເວລາ ເພາະຄວາມເຢັນພາຍໃນຫ້ອງບໍ່ໄດ້ຕາມອຸນຫະພູມທີ່ຕັ້ງໄວ້ ເຮັດໃຫ້ສິ້ນເປືອງພະລັງງານແລະ ອາຍຸການໃຊ້ງານຂອງແອຈະຫຼຸດລົງ.

ປະການຕໍ່ໄປ ຄືການຕັ້ງອຸນຫະພູມ ໂດຍອຸນຫະພູມທີ່ເໝາະສົມຄວນຢູ່ລະ ຫວ່າງ 25 – 26 ອົງສາ ຊຶ່ງອຸນຫະພູມທີ່ປັບເພີ່ມຂຶ້ນທຸກ 1 ອົງສາຈະເຮັດໃຫ້ສິ້ນເປືອງໄຟຟ້າເພີ່ມຂຶ້ນ 5-10 % ແຕ່ໃນຊ່ວງເວລານອນຄວນຕັ້ງທີ່ອຸນ ຫະພູມ ບໍ່ຕ່ຳກວ່າ 28 ອົງສາ ເພາະໃນຂະນະທີ່ຫຼັບຮ່າງກາຍຈະບໍ່ສາມາດປັບອຸນຫະພູມຕາມສະພາບອາກາດໄດ້.

ໃນສ່ວນຂອງເຄື່ອງໃຊ້ໄຟຟ້າອື່ນໆ ກໍອາດມີສ່ວນເຮັດໃຫ້ແອເຮັດວຽກໜັກໄດ້ຄືກັນ ຄື: ຕູ້ເຢັນ, ກະຕິກນ້ຳຮ້ອນໄຟຟ້າ ແລະ ການເປີດໄຟທີ່ຫຼາຍເກີນໄປ ທັງຫມົດໄປເຖິງການງົດເຮັດກິດຈະກຳຄື ການສູບຢາພາຍໃນຫ້ອງ ເນື່ອງຈາກການສູບຢາໃນຫ້ອງແອຈະຕ້ອງເປີດພັດລົມລະບາຍອາກາດເພື່ອລະ ບາຍຄວັນ ແລະ ກິ່ນອອກຈາກຫ້ອງ ການຖ່າຍເທອາກາດສ່ວນໜຶ່ງອອກຈາກຫ້ອງ ແລະ ໃຫ້ອາກາດພາຍນອກເຂົ້າມານັ້ນຈະເຮັດໃຫ້ແອຕ້ອງເຮັດວຽກໜັກຂຶ້ນ.

ຂໍ້ຕໍ່ມາທີ່ຈະຕ້ອງເວົ້າເຖິງຄື: ເລື່ອງຂອງການປັງປຸງ ແລະ ປັບປ່ຽນສະຖານທີ່ ເຊັ່ນ: ການຕິດຕັ້ງຜ້າມ່ານກັນແດດ ຫຼື ປ້ອງກັນແສງແດດທີ່ສ່ອງເຂົ້າມາພາຍໃນບ້ານ ແລະ ວິທີການປຸກຕົ້ນໄມ້ໄວ້ໃຫ້ຮົ່ມເງົາໃນພື້ນທີ່ອ້ອມອາຄານ ກໍ່ຈະມີສ່ວນຊ່ວຍໃຫ້ແອບໍ່ເຮັດວຽກໜັກຈົນເກີນໄປ.

ສຸດທ້າຍທີ່ຕ້ອງບໍ່ລືມກໍຄື: ໝັ່ນເບິ່ງແຍງເຮັດຄວາມສະອາດເຄື່ອງປັບອາກາດຢູ່ສະເໝີ ຊຶ່ງກໍເປັນວິທີຊ່ວຍປະຫຍັດການໃຊ້ໄຟຟ້າຈາກເຄື່ອງປັບອາກາດໄດ້ອີກທາງໜຶ່ງ.

Facebook Comments