ສຸດສະເທືອນໃຈ ຫຼານນ້ອຍ9ປີ ໃສ່ຊຸດມາສຄອດ ນັ່ງພັກໝົດແຮງຂ້າງທາງ ຫຼັງບາກບັນຫາເງິນຊ່ວຍແມ່.

ຮູບຖ່າຍຂອງເດັກນ້ອຍໃສ່ຊຸດມາສຄອດ ທີ່ນັ່ງພັກຢູ່ຂ້າງທາງແສນເໝື່ອຍລ້າ ໃນນະຄອນຈາກາຣ໌ຕາ ປະເທດອິນໂດເນເຊຍ ໄດ້ກາຍເປັນພາບໄວຣັດທີ່ຖືກເວົ້າຮອດຢ່າງຫຼວງຫຼາຍໃນຊ່ວງບໍ່ດົນມານີ້ ເມື່ອຄວາມທຸກຈົນຂອງຄອບຄົວເຮັດໃຫ້ທ້າວນ້ອຍບໍ່ມີທາງເລືອກ ຈຳຕ້ອງໄດ້ຍ່າງອອກມາເຮັດວຽກຫາເງິນເພື່ອຊ່ວຍເຫຼືອຜູ້ເປັນແມ່ ຮູບພາບດັ່ງກ່າວຖືກຖ່າຍໂດຍຜູ້ໃຊ້ອິນສຕາແກມ Rahmadi ເຊິ່ງໄດ້ເຂົ້າໄປລົມກັບເດັກນ້ອຍຜູ້ນັ້ນຈົນຮູ້ວ່າເດັກຄົນນັ້ນມີຊື່ວ່າ ເຣຮານ ອາຍຸ9ປີ

ຫຼານນ້ອຍໄດ້ເລົ່າວ່າ: ໃນແຕ່ລະມື້ລາວຈະອອກເດີນທາງຈາກເຮືອນແຕ່ເຊົ້າມືດ ເພື່ອມານຸ່ງຊຸດມາສຄອດສ້າງຄວາມບັນເທິງໃຫ້ແກ່ທຸກຄົນຜູ້ທີ່ອາໄສຢູ່ໃນເມືອງນັ້ນ ເພື່ອຈະຫາເງິນມາຊ່ວຍແບ່ງເບົາພາລະແມ່ ເຖິງແມ່ນວ່າແມ່ຂອງລາວຈະເຮັດວຽກຫຼາຍຢ່າງກໍ່ຕາມແຕ່ເງິນທີ່ຫາມາໄດ້ກໍ່ມີພໍສຳລັບຄ່າເຊົ່າເຮືອນເທົ່ານັ້ນແລະແມ່ຈະຈ່າຍຄ່າເທີມໃຫ້ລາວຮຽນກໍ່ຕ້ອງໄດ້ຫາເພີ່ມຫຼາຍກ່ອນນີ້.

ຢ່າງໃດກໍ່ຕາມ ເຖິງວ່າເດັກນ້ອຍຄົນນີ້ຈະອອກມາຊ່ວຍແມ່ຫາເງິນແຕ່ເງິນທີ່ລາວໄດ້ຮັບຈາກການນຸ່ງຊຸດມາສຄອດກໍ່ໄດ້ບໍ່ຫຼາຍເທົ່າໃດ ພຽງພໍແຕ່ຊື້ເຂົ້າຈັກຖົງກັບເມືອເຮືອນເທົ່ານັ້ນ. ເຣຮານ ຍອມຮັບວ່າ ການທີ່ລາວຕ້ອງຍ່າງຈາກເຮືອນມາຮອດບ່ອນທີ່ລາວສະແດງນັ້ນເຮັດໃຫ້ລາວເມື່ອຍຫຼາຍເພາະໄລຍະທາງແມ່ນ 10ກິໂລແມັດ ແຕ່ເຖິງຈະເມື່ອຍປານໃດ ເຣຮານກໍ່ຍັງມີຄວາມສຸກທີ່ລາວສາມາດຊ່ວຍແມ່ຫາເງິນໄດ້.

Facebook Comments