ທ່ານ ທຣໍ້າ ຂູ່ວ່າຖ້າມີການໂຈມຕີຈາກອີ່ຣ່ານທາງສະຫະລັດພ້ອມຈະໂຕ້ຕອບຄືນເປັນ 1000 ເທົ່າ.

ທ່ານ ທຣໍ້າ ຂູ່ວ່າຖ້າມີການໂຈມຕີຈາກອີ່ຣ່ານຕໍ່ສະຫະລັດເກີດຂຶ້ນ ເພື່ອລ້າງແຄ້ນໃຫ້ນາຍພົນ ກັດຊິມ ໂຊເລມານີ ທາງສະຫະລັດຈະໂຕ້ຕອບຄືນເປັນ 1,000 ເທົ່າ.

ຫຼາຍທ່ານຄືສິຍັງຈື່ເຫດການໃນຊ້ວງຕົ້ນປີໄດ້ວ່າທາງສະຫະລັດໄດ້ສັງຫານນາຍພົນຄົນສຳຄັນຂອງອີຣ່ານ ທ່ານ ກັດຊິມ ໂຊເລມານີ ໃນອີຣັກຈົນເຮັດໃຫ້ອີຣ່ານໂຕ້ຕອບດ້ວຍການຍິງຂີປະນາວຸດຖະຫຼົມຖານທັບສະຫະລັດໃນອີ່ຣັກ ຈົນເກືອບຈະເກີດສົງຄາມຂຶ້ນລະຫວ່າງສອງປະເທດ. ມື້ເຊົ້ານີ້ເວລາ 10.05 ຕາມເວລາຂອງລາວເຮົາ, ເລຶ່ອງນີ້ໄດ້ກັບມາເປັນຂ່າວອີກຄັ້ງເນື່ອງຈາກວ່າ ທ່ານ ທຣໍ້າ ຂຽນຂໍ້ຄວາມລົງໃນທະວິດວ່າ:

“ຕາມລາຍງານຂອງສື່ລ້າສຸດ ອີຣ່ານອາດມີການວາງແຜນສັງຫານ ຫຼື ໂຈມຕີອື່ນໆຕໍ່ສະຫະລັດ ເພື່ອລ້າງແຄ້ນໃຫ້ກັບຜູ້ນໍາຂອງຜູ້ກໍ່ການຮ້າຍຢ່າງ ກັດຊິມ ໂຊເລມານີ ທີ່ກຳລັງວາງແຜນການໂຈມຕີກອງກຳລັງທະຫານສະຫະລັດຢູ່ຢ່າງທີ່ລາວໄດ້ເຄີຍເຮັດມາຕະຫຼອດໄລຍະເວລາຫຼາຍປີ. ຖ້າມີການໂຈມຕີຈາກອີຣ່ານບໍ່ວ່າຈະໃນຮູບແບບໃດກໍ່ຕາມຕໍ່ສະຫະລັດທາງສະຫະລັດຈະຕອບໂຕ້ກັບຄືນອີຣ່ານໜັກກວ່າ 1,000 ເທົ່າ”.

ຖ້າເກີດເຫດການແບບນີ້ເກີດຂຶ້ນແທ້ໆ ລາຄານໍ້າມັນອາດຈະເພີ່ມຂຶ້ນ. ຕິດຕາມຕໍ່ໄປວ່າເຫດການນີ້ຈະເກີດຂຶ້ນແທ້ບໍ່ ຫຼືເປັນພຽງການເພີ່ມຄວາມເຄັ່ງຕຶງ ເພື່ອຫວັງຜົນທາງການເມືອງຫຼືບໍ່ ເນື່ອງຈາກສະຫະລັດກຳລັງຢູ່ໃນຊ້ວງສຳຄັນຂອງການຫາສຽງເລືອກຕັ້ງປະທານາທິບໍດີຄົນຕໍ່ໄປ.

ຂ່າວ : Nep 2020

Facebook Comments