ມິດຕະພາບດີໆປຽບດັ່ງຊັບລ້ຳຄ່າ ທ່ານ ສີຈິ້ນຜິງ ສົ່ງສານຫາ ທ່ານ ຄິມ ຈອງອຶນ ສະແດງຄວາມຍິນດີ 72ປີເກົາຫຼີເໜືອ.

ຊິນຫົວ ລາຍງານວ່າ: ທ່ານ ສີ ຈິ້ນຜິງ ປະທານາທິບໍດີຈີນ ແລະ ເລຂາທິການໃຫ່ຍຄະນະກຳມະການກາງພັກຄອມມູນິດຈີນ (CPC) ກ່າວສະແດງຄວາມຍິນດີຜ່ານສານເຖິງ ທ່ານ ຄິມ ຈອງອຶນ ຜູ້ນຳແຫ່ງປະເທດເກົາຫຼີເໜືອເນື່ອງໃນວາລະຄົບຮອບ 72 ປີ ການກໍ່ຕັ້ງ ສາທາລະນະລັດ ປະຊາທິປະໄຕ ປະຊາຊົນເກົາຫຼີ. ໂດຍມີເນື້ອໃນສານວ່າ:

“ເນື່ອງໃນໂອກາດນີ້ ໃນນາມຂອງພັກຄອມມູນິດຈີນ ລັດຖະບານຈີນ ແລະ ປະຊາຊົນຈີນ ຂໍສະແດງຄວາມຍິນດີແລະສົ່ງຄວາມປາຖະໜາດີຕໍ່ທ່ານ ຄິມ ຈອງອຶນແລະພັກແຮງງານເກົາຫຼີ ຕະຫຼອດຈົນລັດຖະບານແລະປະຊາຊົນຂອງສາທາລະນະລັດ ປະຊາທິປະໄຕ ປະຊາຊົນເກົາຫຼີ”

ທ່ານ ສີ ຈິ້ນຜິງ ຍັງໄດ້ກ່າວອີກວ່າ ຈີນໃຫ້ຄວາມສຳຄັນຢ່າງຍິ່ງຕໍ່ການພັດທະນາຄວາມສຳພັນກັບເກົາຫຼີເໜືອ (DPRK) ແລະ ພ້ອມຈະເຮັດວຽກຮ່ວມກັບ ທ່ານ ຄິມ ຈອງອຶນ ຜູ້ນຳສູງສຸດຂອງເກົາຫຼີເໜືອ ເພື່ອຊຸກຍູ້ຄວາມສຳພັນອັນເປັນມິດແລະຄວາມຮ່ວມມືຄືແບບແຕ່ເດີມສູ່ການບັນລຸຜົນຮັບໃໝ່ຢ່າງຕໍ່ເນື່ອງ.

ນັບຕັ້ງແຕ່ກໍ່ຕັ້ງ ສາທາລະນະລັດ ປະຊາທິປະໄຕ ປະຊາຊົນເກົາຫຼີ ເມື່ອ 72ປີກ່ອນເປັນຕົ້ນມາ ການດຳເນີນການທັງໝົດໃນລະບົບສັງຄົມນິຍົມໄດ້ກ້າວໜ້າຢ່າງເຂັ້ມແຂງພາຍໃຕ້ການນຳພາຂອງພັກແຮງງານເກົາຫຼີ

ທີ່ມາ: ຂ່າວສົດ

Facebook Comments