ຂ່າວຕ່າງປະເທດ

ຈີນ ຂຶ້ນ​ພາ​​ສີ ​ສິນ​ຄ້າ ສ​ະ​ຫະ​ລັດ ແລະ ພ້ອມ​ແລ້ວ ທີ່​ຈະ​ເປີດ​ເຜີຍ ບັນ​ຊີ “ບໍ່​ໜ້າ​ເຊື່ອ​ຖື”

ຈີນ ໃນ​ວັນ​ເສົາ​ມື້ນີ້ ເລີ້ມ​ເກັບ​ພາ​ສີ​ຫຼາຍ​ຕື້​ໂດ​ລາ​ຕໍ່​ສິນ​ຄ້າ​ຂອງ​ສະ​ຫະ​ລັດ ຂະ​ນະ​ທີ່​ປະ​ເທດ​ດັ່ງ​ກ່າວ​ພວມ​ກະ​ກຽມ​ທີ່​ຈະ​ເປີດ​ເຜີຍ​ບັນ​ຊີ​ດຳ ບໍ​ລິ​ສັດ​ຕ່າງ​ປະ​ເທດ “ທີ່ບໍ່​ໜ້າ​ເຊື່ອ​ຖື” ທີ່​ພວກ​ນັກ​ວິ​ເຄາະ​ກ່າວ​ວ່າ ແນ​ໃສ່ເພື່ອ​ຈະ​ລົງ​ໂທດ​ບັນ​ດາ​ບໍ​ລິ​ສັດ ສະ​ຫະ​ລັດແລະ​ຕ່າງ​ປະ​ເທດ ​ທີ່​ບໍ່​ຊື້​ອຸບ​ປະ​ກອນ​ໂທ​ລະ​ຄົມ​ມະ​ນາ​ຄົມ​ຂອງ​ບໍ​ລິ​ສັດ​ຍັກ​ໃຫຍ່ຫົວ​ເຫວີຍ. ການ​ເຄື່ອນ​ໄຫວ​ຂອງ​ປັກ​ກິ່ງ ​ທີ່​ຈະ​ເກັບ​ພາ​ສີແບ​ບ​ລົງ​ໂທດ 60 ຕື້​ໂດ​ລາ​ ຕໍ່​ສິນ​ຄ້າ​ສະ​ຫະ​ລັດແຕ່ 5 ຫາ 25 ເປີ​ເຊັນ ແລະ​ມີ​ຂຶ້ນ​ເພື່ອ​ເປັນ​ການ​ຕອບ​ໂຕ້​ຕໍ່​ການເກັບ​ພາ​ສີ​ຂອງວໍ​ຊິງ​ຕັນ ໃນ​ມູນ​ຄ່າ 200 ຕື້​ໂດ​ລາ ​ຕໍ່​ສິນ​ຄ້າ​ຈີນ ​ທີ່​ເພີ້ມ​ຂຶ້ນ​ເປັນ 25 ເປີ​ເຊັນ.

12 ຄົນ ເສຍ​ຊີ​ວິດ ແລະ 6 ຄົນ ບາດ​ເຈັບ ໃນ​ການ​ຍິງ​ສັງ​ຫານ ຢູ່​ຕຶກ​ໂຮງ​ການ​ເມືອງ ເມືອງ​ເວີ​ຈີ​ເນຍບິ​ສ

ຕຳ​ຫຼວດ​ຢູ່​ລັດ​ເວ​ຈີ​ເນຍກ່າວ​ວ່າ ພະ​ນັກ​ງານ​ສາ​ທາ​ລະ​ນຸ​ປະ​ໂພກ​ທີ່​ບໍ່​ພໍ​ໃຈ​ຄົນ​ນຶ່ງໄດ້​ຍິງ​ສັງ​ຫານ 12 ຄົນ ຢູ່​ທີ່​ຕຶກ​ໂຮງ​ການ​ເມືອງ ໃນເມືອງເວີ​ຈີ​ເນຍ​ບິ​ສ (Virginia Beach) ກ່ອນ​ທີ່​ຜູ້​ກ່ຽວ​ຈະ​ຖືກ​ຕຳ​ຫຼວດ​ຍິງ​ຕາຍ. ຜູ້ບັນຊາການຕຳຫຼວດໃນເມືອງດັ່ງກ່າວ ທ່ານເຈມສ໌ ເຊີເວຣາ (James Cervera) ເວົ້າວ່າ ມືປືນໄດ້ເປີດສາກ “ລະດົມຍິງເຂົ້າໃສ່ພວກເຄາະຮ້າຍທັງໝົດ ໃນທັນທີແລະຢ່າງບໍ່ເລືອກໜ້າ” ຫຼັງຈາກຜູ້ກ່ຽວໄດ້ເຂົ້າໄປໃນຕຶກໂຮງການເມືອງບໍ່ດົນຫຼັງຈາກ 4 ໂມງແລງໃນວັນສຸກວານນີ້. ທ່ານ​ກ່​າວ​ວ່າ ນອກນັ້ນແລ້ວ ຍັງ​ມີ​ອີກ 6 ຄົນ​ໄດ້​ຮັບ​ບາດ​ເຈັບ...

ນາຍົກລັດຖະມົນຕີ ອິນເດຍ ເຂົ້າ ສາບານຕົນຮັບຕຳແໜ່ງສະໄໝທີ 2

ວັນທີ 31 ພຶດສະພາ, ທ່ານ ນະເຣນທຣາ ໂມດີ ນາຍົກລັດ ຖະມົນຕີ ອິນເດຍ ຫົວໜ້າພັກຣາຕິຢາ ຈານາຕາ (ບີເຈພີ) ສາບານຕົນ ເຂົ້າຮັບຕຳ ແໜ່ງ ນາຍົກລັດຖະມົນຕີ ອິນເດຍ ສະໄໝທີ2, ຫລັງໄດ້ ຮັບໄຊຊະນະ ໃນການ ເລືອກຕັ້ງເຖິງ 342 ຈາກ 542 ທີ່ນັ່ງ, ໃນການປະກາດຜົນ ການນັບຄະແນນ ປະເທດທີ່ມີການເລືອກ ຕັ້ງຂະໜາດໃຫຍ່ ທີ່ສຸດໃນໂລກ ເມື່ອອາທິດທີ່ຜ່ານມາ. ພິທີສາບານຕົນ ເຂົ້າຮັບຕຳແໜ່ງ...

ການາດາອອກກົດໝາຍຄຸ້ມຄອງຜູ້ໂດຍສານ

ລັດຖະບານປະເທດການາດາອອກກົດໝາຍຄຸ້ມຄອງຜູ້ໂດຍສານເຮືອບິນທີ່ຕ້ອງພົບກັບເຫດການເຮືອບິນດີເລ (ເລື່ອນເວລາ) ຫຼື ຫຼ້າຊ້າ ແລະ ໃນກໍລະນີເກີດຄວາມເສຍຫາຍຕ່າງໆບໍ່ວ່າຈະເປັນກະເປົ໋າເດີນທາງເສຍ ກະເປົ໋າເປ່ເພ-ແຕກ ເຄື່ອງດົນຕີໄດ້ຮັບຄວາມເສຍຫາຍ ແລະ ອື່ນໆ. ສຳນັກຂ່າວຕ່າງປະເທດໄດ້ລາຍງານເມື່ອວັນທີ 30 ພຶດສະພາຜ່ານມາວ່າ ທ່ານ ມາຣກ ກາຣນູ ລັດຖະມົນຕີກະຊວງຄົມມະນາຄົມຂອງການາດາໄດ້ອອກມາຖະແຫຼງເມື່ອອາທິດທີ່ຜ່ານມາວ່າ ຜູ້ໂດຍສານເຮືອບິນຈະມີສິດໄດ້ຮັບຄ່າຊົດເຊີຍທີ່ເໝາະສົມຕໍ່ກໍລະນີທີ່ຖ້ຽວບິນ ຫຼ້າຊ້າ ຖືກຍົກເລີກ ກະເປົ໋າເດີນທາງສູນຫາຍ-ເປ່ເພ ແລະ ອື່ນໆ ພາຍໃຕ້ກົດໝາຍໃໝ່ ເພື່ອຄຸ້ມຄອງສິດທິຂອງຜູ້ໂດຍສານ ແລະ ເພີ່ມປະສິດທິພາບໃນການແຂ່ງຂັນຂອງບັນດາສາຍການບິນຕ່າງໆພາຍໃນປະເທດ.

ເຖິງກັບອຶ້ງ! ໝໍຜ່າທ້ອງຄົນເຈັບພົບກ້ອນເສັ້ນຜົມນ້ຳໜັກ 500 ກຣາມ

ລາຍງານເມື່ອວັນທີ 30 ພຶດສະພາຜ່ານມາວ່າ ມີລາຍງານກໍລະນີຜ່າຕັດຜູ້ປ່ວຍຊຶ່ງມີອາການທີ່ເອີ້ນວ່າ ຣາພັນເຊລ (Rapunzel syndrome)  ຫຼື ອາການເສບຕິດການຫຍ້ຳ ແລະ ກືນກິນເສັ້ນຜົມຂອງຕົນເອງ ຊຶ່ງຜູ້ປ່ວຍລາຍນີ້ແມ່ນນັກຮຽນເພດຍິງອາຍຸ 16 ປີ ຢູ່ໃນເມືອງຕອມສຂອງຣັດເຊຍ ໂດຍແພດທີ່ຜ່າຕັດກ່າວວ່າ ພົບກ້ອນເສັ້ນຜົມກ້ອນໃຫຍ່ໃນກະເພາະອາຫານຂອງຜູ້ປ່ວຍ ຊຶ່ງພາຍຫຼັງທີ່ສອບຖາມຈິ່ງຮູ້ວ່າ ນາງມີພຶດຕິກຳກິນເສັ້ນຜົມມາດົນກວ່າ 10 ປີ. ທັງນີ້ ເດັກຍິງຄົນດັ່ງກ່າວຖືກນຳສົ່ງດ່ວນໄປຍັງໂຮງໝໍພາຍຫຼັງທີ່ມີອາການເຈັບປວດບໍລິເວນທ້ອງ ຊຶ່ງພາຍຫຼັງທີ່ທີມແພດໄດ້ເອັກສະເຣກໍພົບວ່າມີກ້ອນເສັ້ນຜົມຂະໜາດໃຫຍ່ກຶນກິນປະມານ 80%...

ທ. ມອລເລີ: ການກ່າວຫາ ປ. ທຣຳ ວ່າ ຂັດຂວາງ ຂະບວນການຍຸຕິທຳ ‘ບໍ່ແມ່ນທາງເລືອກ ທີ່ຈະເລືອກເອົາໄດ້’

ໄອຍະການພິເສດໂຣເບີດ ມອລເລີ ໄດ້ກ່າວຢ້ຳໃນວັນພຸດວານນີ້ວ່າ ການຕັ້ງຂໍ້ກ່າວຫາ ຕໍ່ປະທານາທິບໍດີສະຫະລັດ, ທ່ານດໍໂນລ ທຣຳ ວ່າໄດ້ຂັດຂວາງຂະບວນການຍຸຕິທຳບໍ່ແມ່ນທາງເລືອກທີ່ຫ້ອງການຂອງທ່ານທີ່ຈະສາມາດພິຈາລະນາເລືອກເອົາໄດ້ ພາຍໃຕ້ຂໍ້ແນະນຳຂອງກະຊວງຍຸຕິທຳ. ພ້ອມກັນນັ້ນທ່ານ ມອລເລີ ຍັງໄດ້ປະກາດປິດຫ້ອງການຂອງທ່ານຫລັງຈາກໄດ້ສະຫລຸບການສືບສວນໃນທ້າຍເດືອນມີນາຜ່ານມາ ກ່ຽວກັບການແຊກແຊງຂອງຣັດເຊຍເຂົ້າໃນການເລືອກຕັ້ງປະທານາທິບໍດີສະຫະລັດໃນປີ 2016 ແລະ ສືບສວນເບິ່ງວ່າທ່ານທຣຳໄດ້ຂັດຂວາງຂະບວນຍຸຕິທຳຫລືບໍ່. ໃນການອະທິບາຍເຖິງເຫດຜົນທີ່ທ່ານໄດ້ຕັດສິນໃຈບໍ່ຕັ້ງຂໍ້ກ່າວຫາຢ່າງເປັນທາງການຕໍ່ທ່ານທຣຳເຖິງແມ່ນວ່າຈະໄດ້ເປີດເຜີຍໃຫ້ເຫັນຫລາຍກວ່າ 10 ກໍລະນີ ທີ່ເປັນການຂັດຂວາງຂະບວນຍຸຕິທຳກໍຕາມນັ້ນ, ທ່ານ ມອລເລີເວົ້າວ່າ ທ່ານໄດ້ຖືກຫ້າມບໍ່ໃຫ້ເຮັດເຊັ່ນນັ້ນ ໂດຍຄຳຄິດເຫັນທາງກົດໝາຍຂອງກະຊວງຍຸຕິທຳທີ່ມີມາແຕ່ດົນນານວ່າ ປະທານາທິບໍດີທີ່ກຳລັງດຳລົງຕຳແໜ່ງຢູ່ບໍ່ສາມາດຖືກຟ້ອງຮ້ອງໄດ້. ທ່ານ ມອລເລີ ເວົ້າຢູ່ໃນການກ່າວຄຳຄິດເຫັນຕໍ່ປວງຊົນຄັ້ງທຳອິດ ນັບຕັ້ງແຕ່ທ່ານໄດ້ຖືກແຕ່ງຕັ້ງໃຫ້ຮັບຜິດຊອບວຽກງານນີ້ໃນສອງປີກວ່ານັ້ນວ່າ “ຫ້ອງການ ຂອງໄອຍະການພິເສດ ແມ່ນສ່ວນນຶ່ງຂອງກະຊວງຍຸຕິທຳ ແລະ ຕາມລະບຽບການແລ້ວຫ້ອງການນີ້ ແມ່ນຖືກຈຳກັດໂດຍນະໂຍບາຍຂອງກະຊວງນັ້ນ.” ທ່ານກ່າວຕໍ່ໄປວ່າ “ເພາະສະນັ້ນ,...