ທ່ານນາງຍິ່ງລັກ ອະດີດນາຍົກໄທ ໄດ້ສັນຊາດເຊີເບຍ

347

ສຳນັກຂ່າວເອພີລາຍງານຈາກນະຄອນເບລເກຣດ ສາທາລະນະລັດເຊີເບຍ ເມື່ອວັນທີ່ 8 ສິງຫາ 2019 ວ່າ ສຳນັກຂ່າວຕັນຈຸກຂອງທາງການເຊີເບຍລາຍງານເມື່ອວັນພະຫັດວ່າ ລັດຖະບານເຊີເບຍອະນຸມັດສິດທິຄວາມເປັນພົນລະເມືອງເຊີເບຍໃຫ້ກັບ ທ່ານນາງ ຍິ່ງລັກ ອະດີດນາຍົກລັດຖະມົນຕີຂອງໄທ “ເພາະຈະເປັນປະໂຫຍດຕໍ່ປະເທດ” ຂະນະທີ່ເຈົ້າຫນ້າທີ່ເຊີເບຍປະຕິເສດທີ່ຈະໃຫ້ຄວາມເຫັນກ່ຽວກັບເຫດຜົນທີ່ຢູ່ເບື້ອງຫລັງການຕັດສິນໃຈຂອງລັດຖະບານ

ລຳລັດລັດຖະບານເຊີເບຍທີ່ເປັນຫລັກຖານຢືນຢັນວ່າ ທ່ານນາງ ຍິ່ງລັກໄດ້ສັນຊາດເຊີເບຍຖືກຕີພິມເຜີຍແຜ່ໃນປະກາດທາງການເມື່ອເດືອນມິຖຸນາທີ່ຜ່ານມາລາຍງານລະບຸອີກວ່າ ຈາກການໄດ້ສັນຊາດ ແລະສາມາດຖືຫນັງສືເດີນທາງຫລືພາສສະປອດຂອງເຊີເບຍ ທ່ານນາງ ຍິ່ງລັກ ສາມາດເດີນທາງໄປຢ້ຽມຢາມປະເທດຕ່າງໆ ໂດຍບໍ່ຕ້ອງຢືນຂໍວີຊ້າກວ່າ 100 ປະເທດທົ່ວໂລກລວມເຖິງສະມາຊິກສ່ວນໃຫ່ຍຂອງ 28 ປະເທດເຄືອຂ່າຍສະຫະພາບຢູໂຣບຫຼືອີຢູ