ສະເຫຼີມສະຫຼອງວັນສ້າງຕັ້ງອາຊຽນ ຄົບຮອບ 52 ປີ.

94

ໃນຕອນເຊົ້າຂອງວັນທີ 6 ສິງຫາ 2019 ທີ່ກະຊວງການ ຕ່າງປະເທດ, ທ່ານ ສະເຫຼີມໄຊກົມ ມະສິດ, ລັດຖະມົນຕີກະຊວງການ ຕ່າງປະເທດ ແຫ່ງ ສປປ ລາວ ໄດ້ ເປັນປະທານໃນພິທີເອົາທຸງຊາດ ລາວ ແລະ ທຸງອາຊຽນຂຶ້ນສູ່ຍອດ ເສົາເນື່ອງໃນໂອກາດສະເຫຼີມສະ ຫຼອງຄົບຮອບ 52 ປີ ແຫ່ງການ ສ້າງຕັ້ງອາຊຽນ (8 ສິງຫາ 1967-8 ສິງຫາ 2019) ແລະ ຄົບຮອບ 22 ປີ ທີ່ ສປປ ລາວ ເຂົ້າເປັນສະມາຊິກອາຊຽນ (23 ກໍລະກົດ 1997-23 ກໍລະກົດ 2019). ເຂົ້າຮ່ວມໃນພິທີສຳຄັນຄັ້ງນີ້ມີ ບັນດາລັດຖະມົນຕີທັງສາມເສົາ ຄໍ້າປະຊາຄົມອາຊຽນ, ບັນດາ ຮອງລັດຖະມົນຕີ, ເອກອັກຄະລັດຖະທູດປະເທດສະມາຊິກອາຊຽນ ແລະ ປະເທດຄູ່ເຈລະຈາອາຊຽນ ປະຈຳ ສປປ ລາວ,

ຕາງໜ້າຈາກ ອົງການຈັດຕັ້ງສາກົນເຂົ້າຮ່ວມ ຢ່າງພ້ອມພຽງ. ທ່ານ ສະເຫຼີມໄຊ ກົມມະສິດ ລັດ ຖະມົນຕີກະຊວງການຕ່າງປະ ເທດໄດ້ຢໍ້າເຖິງຜົນສຳເລັດຂອງ ອາຊຽນໃນໄລຍະ 52 ປີຜ່ານມາ ໂດຍສະເພາະໃນປີ 2015 ໄດ້ ປະກາດສ້າງຕັ້ງປະຊາຄົມອາ ຊຽນ, ເຊິ່ງປະກອບດ້ວຍສາມ ເສົາຄໍ້າ: ການເມືອງ-ຄວາມໝັ້ນ ຄົງ, ເສດຖະກິດ ແລະ ວັດທະ ນະທຳ-ສັງຄົມ ອັນໄດ້ປະກອບ ສ່ວນສຳຄັນເຂົ້າໃນການສ້າງສັນ ຕິພາບ ແລະ ວັດທະນະຖາວອນ ໃນພາກພື້ນ ແລະ ໃນໂລກ. ຜົນ ສຳເລັດອັນໜຶ່ງ ແມ່ນອາຊຽນ ໄດ້ສືບຕໍ່ຮັດແໜ້ນການພົວພັນ ຮ່ວມມືລະຫວ່າງປະເທດສະມາ ຊິກອາຊຽນດ້ວຍກັນ ກໍຄືການ ຮ່ວມມືກັບພາຍນອກບົນພື້ນ ຖານຫຼັກການທີ່ກຳນົດໄວ້ໃນກົດ ບັດອາຊຽນ, ສົນທິສັນຍາໄມຕີ ຈິດ ແລະ ການຮ່ວມມື ແລະ ບັນ ດາກົນໄກທີ່ອາຊຽນເປັນຜູ້ສ້າງ ຂຶ້ນເຊັ່ນ: ຫຼັກການແຫ່ງການຢູ່ ຮ່ວມກັນໂດຍສັນຕິ, ເຄົາລົບເອ ກະລາດ, ອະທິປະໄຕ, ບໍ່ແຊກແຊງ ເຂົ້າໃນວຽກງານພາຍໃນຂອງ ກັນ ແລະ ກັນ, ແກ້ໄຂບັນຫາໂດຍ ສັນຕິວິທີ ແລະ ຕ່າງຝ່າຍຕ່າງ ມີຜົນ.

ພ້ອມນີ້, ທ່ານ ລັດຖະມົນຕີຍັງ ໄດ້ແຈ້ງຜົນສໍາເລັດຂອງກອງ ປະຊຸມລັດຖະມົນຕີຕ່າງປະເທດ ອາຊຽນຄັ້ງທີ 52 ໃນອາທິດ ຜ່ານມາທີ່ບາງກອກ ປະເທດໄທ ພາຍໃຕ້ຄຳຂວັນ “ຮ່ວມແຮງຮ່ວມ ໃຈກ້າວໄກຍືນຍົງ” ແລະ ຕະ ຫຼອດໄລຍະ 22 ປີ ທີ່ ສປປ ລາວ ໄດ້ເຂົ້າເປັນສະມາຊິກອາຊຽນ, ອັນໄດ້ເຮັດໃຫ້ບົດບາດຂອງ ສປປ ລາວ ໄດ້ພົ້ນເດັ່ນຂຶ້ນໃນ ພາກພື້ນ ແລະ ສາກົນ. ໃນປັດຈຸບັນອາຊຽນ, ເປັນໜຶ່ງ ໃນອົງການຈັດຕັ້ງພາກພື້ນທີ່ປະ ສົບຜົນສໍາເລັດທີ່ສຸດໃນໂລກທີ່ມີການເປີດກວ້າງສູ່ພາຍນອກ ແລະ ມີບົດບາດສຳຄັນໃນພາກພື້ນ ໂດຍມີອາຊຽນເປັນໃຈກາງ. ສປປ ລາວ ມີຄວາມພາກພູມໃຈ ທີ່ໄດ້ເປັນສ່ວນໜຶ່ງໃນຄອບຄົວ ອາຊຽນ ແລະ ສະແດງຄວາມ ຂອບໃຈຕໍ່ການຊ່ວຍເຫຼືອ, ສະ ໜັບສະໜູນ ແລະ ຮ່ວມມືຂອງ ບັນດາປະເທດສະມາຊິກອາຊຽນ ແລະ ປະເທດຄູ່ເຈລະຈາກໍຄືຄູ່ ຮ່ວມມືພາຍນອກອາຊຽນອັນນໍາ ເອົາຜົນປະໂຫຍດສູງສຸດມາສູ່ ສປປ ລາວ.

ໂດຍ: ສາຍເພັດ