ຍິງລາວໂຊກດີ ຖືກຫວຍໄທ 18 ລ້ານບາດ ຫລືປະມານ 5,2 ຕື້ກີບ

2772

ສື່ໄທລາຍງານ ເມື່ອເວລາ 17:00 ໂມງ ຂອງວັນທີ 1 ສິງຫາ 2019 ວ່າ ມີຍິງຊາວລາວ ຊື່ນາງ ວິ ສາລະມະໂນ ອາຍຸ 54 ປີ ບ້ານນາຂ່າ ເມືອງບໍ່ແຕນ ແຂວງໄຊຍະບູລີ ປະເທດລາວ ຖືກຫວຍໄທລາງວັນທີ 1 ຈຳນວນ 3 ໃບ ເປັນເງິນ 18 ລ້ານບາດ (ປະມານ 5,2 ຕື້ກີບ) ນາງວິ ເລົ່າວ່າ ຕົນໄດ້ໄປຊື້ເຄື່ອງຢູ່ຕະຫລາດນາຂ່າ ເບື້ອງປະເທດໄທ ແລ້ວໄດ້ຊື້ຫວຍເລກ 387006 ຈຳນວນ 3 ໃບ ຈາກແມ່ຄ້າຂາຍເລກ ແລະມານັ່ງຟັງການອອກເລກລາງວັນ ແລະພົບວ່າຕົນເອງຖືກລາງວັນທີ 1 ຈຳນວນ 3 ໃບ ລວມເປັນເງິນ 18 ລ້ານບາດ  ຮູ້ສຶກດີໃຈ ແລະຕື່ນເຕັ້ນຫລາຍ ໋