ຮັບຮອງຢ່າງເປັນທາງການແລ້ວ ທົ່ງໄຫຫີນ ຊຽງຂວາງ ເປັນມໍລະດົກໂລກ

152

ວ່າງ10 ນາທີຜ່ານມາກອງປະຊຸມຄັ້ງທີ 43 ຄະນະກຳມະການມໍລະດົກໂລກ ອຸຍເນສໂກ ຈັດຂຶ້ນທີ່ນະຄອນຫລວງບາກູ ປະເທດອາແຊກໄບຊານ ໄດ້ຮັບຮອງເອົາທົ່ງໄຫຫີນ ແຂວງຊຽງຂວາງ ເຂົ້າເປັນມໍລະດົກໂລກແລ້ວ . ຜູ້ແທນສປປລາວ ເຂົ້າຮ່ວມກອງປະຊຸມໃນຄັ້ງນີ້ ນໍາໂດຍທ່ານ ບໍ່ແສງຄຳ ວົງດາລາ ລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະທ່ອງທ່ຽວ.
ສປປລາວ ສະເຫນີທົ່ງໄຫຫີນ ແຂວງຊຽງຂວາງ 11 ແຫ່ງ ຈາກທັງໝົດເກືອບ 20 ແຫ່ງທີ່ຄົ້ນພົບ ແລະບັນທຶກເປັນທາງການ ເຂົ້າເປັນມໍລະດົກໂລກ.
ນີ້ເປັນມໍລະດົກແຫ່ງທີສາມຂອງ ສປປລາວ ທີ່ໄດ້ເຂົ້າເປັນມໍລະດົກໂລກ(+ວັດພູ ຈຳປາສັກ, ເມືອງຫລວງພະບາງ).

ຂ່າວ : ຂປລ